عرايس البحرين فزعتكم ( حفل خطوبتي )

8 مشاهدات ولا احد رد عليه لييييييييش عااااااد

بالنسبة للصالات اختي اتصلي للجميرا واسأليهم عن العدد واختاري الليلة والبوفيه
ااما الدانة اسمع وايد ناس يذمون فيها من ناحية الأكل والتعامل

وبالنسبة لرومان ديزاين والله مااعرف يا أختي جم اسعاره
ماحبيت ادش وماارد عليج

بالعكس خالتي مسويه بالدانه روعه والله احلى من مرمريز وبالنسبه للاسعار مدري ورومان ديزاين غالي اسعاره روحي ليدي مون ارخص وحلو بعد

كم ميزانتش للصالة؟
عندش قصر المرجان \ الدانة 1 و2
الجميرا \ الشهرزاد \
بس طبعا اخذيهم بدون بوفيه
لان بالبوفيه يطوف الـ 1000 وشي

حبيبتي قاعة دانة في المقابة نمر 2 كشخة والاكل حلو يمكن على لطلبية اشاون تختارين .

حبوبه عندي فستان مال خطوبتي اذا تبين تشوفينه دزي لي رساله
وبالنسبه حق رومان ديزان انه ماخذه فستان عرسي من هناك ايجار 350

أنا أستغرب جداً من إلي يذمون صالة الدانة " 2 "

مع إنها راقية جداً وكشوخيـة يعني صالة فخمة ومب مستهلكة

عيبها الوحيد ( البوفيـه ) مو ذاك الزود , يعني في أشياء في الأكل لذيذة وأشياء بايخة !!!!

بس الصالة ما فيها عيب صراحة

وحرام يطيحون سمعتها بسبب عيب أو عيبين فيها

لأن ما في صالة أعراس تخلى من المواقف أو العيوب

وأنا مسويه حفلة خطوبتي فيها ما واجهت أي مشاكل تذكر

كانت الصالة شاملة كل شي

( بوفيه , التصوير , المسرح , الديجي , الشاي والقهوة والمكسرات والحلويات على طاولات المعازيم , بطاقات الدعوة , كيكة فروت 3 طوابق , ورد طبيعي يزين المسرح .. وطبعاً الخدمة )

ممكن تاخذينها إختي لـ 300 شخص بـ 1200 دينار

*
*

في صالات وايد مناسب لـ 300 شخص وبميزانيات مختلفة ( وطبعاً شاملة كل شي )

عندج ( صالات مرمريز ) / ( صالة الجميرا ) / ( صالة الدانة 2 ) / ( صالة زينة الأفراح ) / ( صالة قصر المرجان )

كلهم مناسبيـن لـ 300 شخص

/
\

الفستان روعة ما شاء الله

موديله فخم !..

في البحرين لو بتسوينه ما بيطلع لج أقل من 600 دينار

روحي السعودية سوي لج تفصيل وبيطلع لج رخيـص وايد مقارنة بأسعار البحرين

وأسآلي البنات في موضوع " التجهيزات " عن أفضل محلات السعودية للتفصيل

/
\

دمتِ بحفظه

تحياتي

تبين الصراحه اختي من خلال وصفش احس انش راح ترتاحين في قاعة الجميرا وووايد
وهي بالفعلا حلوووووة وتحسينا فيها بالالفة والدفئ ورومانتك حدهاااا
بس اتوقع ان سعرها 1200 دينار

اما عن الفستان في رومان ديزاين اذا الايجار يبدأ من 350 الي 900 دينار !! تخيلي!
كم تتوقعين راح يفصلوون لش؟؟

حبيبتي اذا تبين فستان ابيض او اف وايت او ملون للحفلة
خبريني وبطرش لش ارقام البنات الي حابين يأجرون فساتينهم


موفقة
وعسى بالمبارك ان شاء الله

شكرا حبيباتي على الردود واسفه على التاخير تعرفون دوام في الشغل والمعرض قلت استغل الفرصه اشجهز شوي شوي بالخش ههه
بالنسبه لرومان ديزاين تفصيل والقماش راقي انا مابغي يتعدى 400 القماش والخياط عرفتون فيبغي لي قماش عدل ليدي مون عندهم كله تور واشياء قديمه
والصاله انا حدي 1200 بس ما ابغي ازيد انا حاطه في بالي الجميرا او الدانه 2 مرمريز ماشه بوزري منها ما احبها
ويش رايكم في السعفه اوكي القماش مالهم لان ربعي ثنتين مسويه لهم نفس الموديل 900 دينار
وايد
بالنسبه حق اللي عندهم تجربه سابقه مع دانه اي ستيديو يتعاملون وياه

طالبة طموحه;8594251:
شكرا حبيباتي على الردود واسفه على التاخير تعرفون دوام في الشغل والمعرض قلت استغل الفرصه اشجهز شوي شوي بالخش ههه
بالنسبه لرومان ديزاين تفصيل والقماش راقي انا مابغي يتعدى 400 القماش والخياط عرفتون فيبغي لي قماش عدل ليدي مون عندهم كله تور واشياء قديمه
والصاله انا حدي 1200 بس ما ابغي ازيد انا حاطه في بالي الجميرا او الدانه 2 مرمريز ماشه بوزري منها ما احبها
ويش رايكم في السعفه اوكي القماش مالهم لان ربعي ثنتين مسويه لهم نفس الموديل 900 دينار
وايد
بالنسبه حق اللي عندهم تجربه سابقه مع دانه اي ستيديو يتعاملون وياه

كان الله في عونك

السعفة حلوووه تصاميمها بس القماش ما انصحك يكون من عندها

وباللنسبة لي ارتاح ووايد في ستديو سكوووب

الفستان اللي اخترتينه روعة.. وعجبني واجد.. كلك ذوق...

جربي سويه عند ليدي مون... فستاني سويته هناك وسواه ليي كشخة كشخة وأسعاره عجيبة

بنات شرايكم في قاعة سمر الي في اليت سويتس ؟؟؟؟؟

شكرا حبايبي انزين ممكن ترسلين لي صورة الفستان على الخاص وابلانسبه للبنات اللي قالوا انهم يعرفون ناس ياجرون فساتينهم ممكن اشوف الصور عالخاص بس الي باخذه يبغي اسوي لي اذا الفستان حلو وسعره معقول ان شاء الله اتوكل على الله يارب دعائكم بالتوفيق
بالنسبه لقاعه اللي في ايليت بس حق عوائل حده لملجه بعد او حنه مو شي تراه

حبيبتي.. فستاني ما أقدر اعطيج صورته على المنتدى.. إذا حابة تقدرين تزوريني البيت وتشوفين صوري :) اسمحي لي اعتبره شي خاص ولهذا ما أحب أني اعرضه بالمنتدى ولا عن طريق الرسايل :)

البنات ما قصروا

بس حبيت اقول لج ترى رومان ديزاين الاجار بـ 400

فمستحيل يفصل لج فستان بهالمبلغ ,, اذا تبين فصليه في السعووديه

او اشتري جاهز بهالمبلغ من السعوديه يمكن تحصلين فستان مقاااارب له

وسألي رومان اذا اول لبسه وبعدين ترجعينه يمكن يكون سعره مناسب لج



بالتوفيق

مشكوره حبيبتي اوريانه بس شنو يعني السايز وين مسويتنه شنو لونه على الاقل خبريني على الخاص عن هاي التفاصيل

اختي حلم العذاري انا ماقلت شي
انا ذميت صالة الدانة في أكلهم
ووايد ناس أعرفهم ذموا معاملة راعي الصالة وياهم
انا مالي ذنب انا انقل اللي سمعته والله يشهد ماأبي اخرب سمعة احد ولاشي!!

انا بعد مع بحرينية في الراي اكل صالة الدانة مو حلو ويفشل الكمية قليلة في الصحن

وحتى صالة قصر المرجان البوفيه مو حلو ولا حتى المسرح مادري ليش الكل يمدحها الا اني مو عاجبتني المسرح مو حليو ولا ارتفاعه والطاولات واصلة لورى المسرح والمكيف مو بارد وخصوصا في الصيف اني اول ما شفتها عجبتني لان ما فيها احد ولما نعزمت فيها ما عجبتني

وكل واحد ورايه


بغيت استفسر عن قاعة مرمريز 3 اول مرة اسمع عنها احد شافها ويعطينا رايه؟؟؟؟؟؟

روحي سويكت بيفصلونه لج بهالسعر انا اغلب البنات امحو لي بحر العرايس وانا رحت وجفت شغلة وايد عجبني