من لي

السلام عليكم
أكتب لكم ها الموضوع مو لأني بحاجة لشفقة والعطف لا

أكتب لأني بحاجة من يساندني بالدعاء لأني فعلا في مصيبة

قصتي إني كنت متزوجة من ست سنوات وحياتي كلها كانت بمشاكل من أولها من العرس مافي تفاهم بيني وبين الريال

أضاف إلى ذلك تدخل أهله في كل شيء كل شيء وما تتصورون تتعمق كل شيء بحياتي ما كان لي خصوصياتي أبدا وكان ممنوع إنه يكون عندي خصوصيات تميت على المشاكل أهله الهجر سوء المعامله الضرب عدم الصرف التحكم ببنتي صبرت لما زادت المشاكل طلعت في بيت بروحي وياريتني ما طلعت قدمت كل شيء عندي وفي الأخير أنا ما فيني خير
كنت الزوجة المطيعة قدمتله له اللي يحتاجه ومع ها كارهني :( ولا على باله راسه بأهله وما يشوف مميزاتي تعبت وقالي أنا ما أقدر على الأجار وبيت الأهل يديد وكبير قتله من عيوني قال بيكون لج قسم خاص قلتله أتمنى لما وصلنا بيتهم صدمت إني لا بقسم خاص ولاشيء على العكس أخس غرفتين قلت معاليه عندي يهال وعدلت الغرفنين في بيت أهله وسكنا لمدة سنتين ومضايقاتهم ما تخلص بيعوني اللي وراي واللي جدامي وقلت معليه بيتي

في النهاية طلعت في ملحق تخيلي عزابية كانوا جدامي :( سكنت فيه سنه وكات هاجرني ولو بيدخل بس بيصرخ بيسب وبيسير ياما أنضربت يا ما إنسبيت وإنسبوا أهلي طلعوا كلام على أهلي وصل فيه الشيك فيني بالنهاية

طردني من ملحقي اللي فرشته علشان يكون راحه لي وخذاه ألحين سرنا المحكمة وكان يقول للقاضي كلام ولو كذب علشان يطلع الغلط كل ها اللي سويته وصبرت عليه وعلى أهله
أنا الغلطانة و ورمى علي يمين الطلاق ما يباني أرجع لبيتي وشارط أرجع لعند أمه بعد كل اللي سوته فيني :( دمرت حياتي

ألحين من لي مطلقة في بيت أهلي الأهل وما يبون يرمسون في السالفة معاي خايفين يوم أقولهم إنتوا السبب ( والله ما بقول بس أحد يوقف معاي) أبوي متوفي الريال اللي ممكن كنت سندت راسي عليه كل الناس يقولولي أنا السبب إنتي ما صنتي بيتج بعد ها كله
طليقي ما يبا يعطيني ولا حق من حقوقنا ولما قلتله نبا بشكارة ها حق من حقوقي قال أوكي نتفاهم في الحضانة في المحكمة

يعني وراي محاكم وقضايا شلوا أغراضي وبيشلون عيالي طيب ليش شو مسوية في الناس طول حياتي في حال سبيلي ولا ما أكلم أحد على العكس يقولون نشمية واايد إنطوائية في الدوام

ياناس والله منهارة وعادي يسيرلي شي قلبي أحسه ينزف مجروح جرح كبير :16: