من لي

ربنا يفرج همك ويصبرك ويجعلك من ضيق مخرج وفرج ان شاء الله

أشكركم خواتي على المرور

هلا غناتي

أحس إنج حزينة هالكثر ضاقت فيج الدنيا
الدنيا أختي ما تسوى أنا أقول هالكلام مو على شي أريد أعطيج القوة اللي فقدتيها باللي صارلج مب شويه
أنا ما أقدر اتحمل الضرب ما اقدر اتحمل الاهانة ما اقدر اتحمل السب وحتى لأهلي ما اتحمل الهجر والوحدة بس انتي قدرتي وبكل قوة حتى ولو كان بالصمت
القوة إنج حاولتي تمسكي أعصابج بس علشان عيالج لو حد غيرج ما تحمل زوج بهالشكل وأهله بالسلوك ناضلتي بس للأسف الزوج ما صان العشرة وطلقج
أنا ما احب الطلاق بس فهالموقف والزوج ما يباني ويلفق اكاذيب بس علشان يفتك مني خله
أنا عزيزة بنسحب من حياته بس بدون اذلال وطعن بالشرف هو واعي باللي قاله طعن المحصنات مب هين عقابه
فمابالج بالظلم!!
أدري بعدج تحبيه ما تبي كلمة تجرحه لكن لأسف هالانسان ما يستاهلج
اللحين أنتي ضعيفة ليش؟؟
فكري اختي عندج حلول
1- التقرب من الله بالدعاء وكثرة السجود
2- صلاة الحاجة
3-كثرة الاستغفار
4- تفكري بالشغل
5- التمسك بعيالج
6- قيام الليل
7- قراءة سورة البقرة
تحملتي الويل تحملي بعدج وناضلي علشان عيالج لا تذلي نفسج له اكثر بس عاد ودري المحاكم والجلسات والقضايا شغلتها اروحها يبالها حد له بارض والنفسية زفت
لا تختاري هالدرب
بعدي عنه لا تخليه يجرجرج فالمحاكم الله بيفتحلج باب بس اشكيله مصابج الله ما يرد شاكي وسااءل

اريدج قوية لا تتاثري بكلام اهلج واجهي لا تكوني ضميمه قوليلهم أنا شو جرمي تغيرتوا علي وقفوا معي لا تتحسسي وتنخشي فحجرتج وتصيحي عادي ينازعوا عيالج ليش متحسسه (أدري من الضيق اللي فيج صرتي ما قادرة تتحملي)
وعلى فكرة المطلقة حقها شونه قدمي فالشوؤن الاجتماعية وبينزلج راتب لج ولعيالج وصرفي عليهم وحطيلج بشكارة لان بتكون لج خلاصة قيد اروحج لا تتطلبي من طليقج شي إذا يخاف من ربه كان بيسوي هالشي بدون أمارة

اتمنى انج استفدتي من كلامي

تقبلي مرورج

مشكورة أميرة الصمت على الكلام و المرور:)

تعرفين والله في النهاية بتنازل عن كل شيء وبعتمد على راتبي بس

هلا غناتي

لا تقولي شي في حالة يأس الواحد فهالحالة متلخبط ما يعرف شو يقول لا حول ولا قوة إلا بالله

تنازلي على كيفج بس عيالج خليهم فحضنج محد بيكون حنون عليهم كثرج محد بيتحملهم غيرج محد بيهتم فيهم كثرج يا ويل حالي على فراقهم يا ويل حالي أنا أم وأحس بغلات العيال صعب فراقهم وهم جزء مني

الله يعينج ويصبرج

جربي تخوضين الحياة بتجاربها وقولي توكلت ع الله لا تتنازلي ولا تخافي غير من الله

اذا لج حق بتاخذيه ع داير الملين

بس الصبر والتوكل ع الله

لا تدعي للشيطان مجال لكي يوسوس لك انه احتمال وممكن ويمكن وهالكلام هذا


لكن قولي لكل حادث حديث خططي بهدوء الى ان يكون موعد المحكمه وتوكلي ع الله


وعادي مابيها شي لو كنت لحالك انا بروح وياج ههههه


يابنتي من معاه الله مايحتاج ونيس ولا جليس

خلى الله في قلبك وكلامك وتصرفاتك وتفكيرك وابتسامتك وحزنك والقران صديقك الوحيد والاستغفار اخوك والدعاء امك والصلاة عائلتك هل مازلتي وحيده بعد كل هذا

لا لا كل شي فيج اشغليه بالايمان والتعبد

لو تشغليه بما في نفسك من مخاوف والله اجزم انها من الشيطان يقولج جي وجي وجي ....بلاج ما تفهمين هههههههههههه احبك في الله اختك رجاوي ام لسانين

إنتي سألأتي من لج صح؟


لك الله اللي عينه لا تغفل ولا تنام


ادعي الله بقلب صادق وتأكدي من صفاء النيه اختي الغاليه

والله ليسخر لك الدنيا وما عليها، وتأكدي ان هذا امتحان لازم تنجحين فيه بالصبر والله بيعوضك بالحياه الأفضل ان شاء الله


الله يسعدك ويوفقك ويكبر حظك ويخلي لك عيالك ويسخر لك ابوهم لهم ويوفقهم وتصيرين اسعد ام واسعد اخت يا الله يا كريم

دمتي بكل الود

ربنا يفرج همك يا حبيبتى ان شاء الله ان مع العسر يسر خلى ظنك بالله حسن

الله اكرم وراحم من الزوج والاهل اعتمدي على نفسك والله يخلي لك عيالك ويكونون بارين بك

والله يسخر لك الطيبين من عياده

آمين

مشكورين خواتي ع المرور

خااااااااااااطري أعرف ليش في حريم يخافون من المطلقة :(

للرفع

ما أدري يمكن لأنهم يعتقدون بأنها مش أهل الثقة فيها بإنها مش حرمة بيت ولانها ما قدرت تحافظ على بيتها وزوجها وعيالها
ترى يا كثر ما يحطون على المطلقة ما يعرفوا إنها مظلومة (البعض منهن) فهذا هي الدنيا تعيش المطلقة كابوس من القيل والقال

فإنتي لا تفكري بهالشغلات ولا تفتحيلها باب صدقيني بتسكري باب غرفتج ولا بتتحركي بتعيشي على كلام الناس

لك الله ياأختي نشميه الله ابرك من الكل

الله يفرجلك واكثري الدعاء

الله يفرج همج أختيه ,, وأنشاء الله يعوضج بالأفضل أنشاء الله
ولا تيأسين وخلي أملج بالله كبير أنه يظهر الحق ويندم ريلج
على كل اللي سواه .. والله يهديه هو وأهله ..:(

لاحول ولا قوة الا بالله

الله على كل ظالم

اذا كان ظلمك واهله تسببو في خراب بيتك هو عنده خوات وعنده محارم بخاف عليهم

اهم شي اذا عندك وظيفه تتمسكين فيهاااااا عشان ماتحتاجين احد

الله يرحم والدك يارب صحيح هو متوفي بس رب العباد معاك لاتخافين وانتي على حق لاتخافين من شي

عليك بصلاة قيام الليل والله يانشميه راح تحسين نار بقلبك وانطفت مفعول الصلاة عجيب سبحان الله

خلي صلتك بالله قووويه واذا زوجك مسوي انه قوي فيه الي الاقوى منه

حسبي الله ونعم والوكيل

اخذي حقج وحقوق بنتاتج بالكامل من المحاكم لاتتساهلين انتي تساهلتي معاه واكل حقوقج الحين انتي طالبي بهذا الشئ من المحاكم

وربي ينصرج عليهم

الله يعنك ويصبرك ويعوضك خير

ياأخت نشمية عليك بالاستغفار وان شاء اللة راح تنفرج و تعدل امورك