يااااااااارب تكونو بألف خير جميــــــــــــــــــــعا (f)(f)
اليوم عملت معكرونة وطلعت جنان كتيير طيبة شوفوها وان شالله تعجبكم
طبعا العادة منسلق المعكرونة اللي بتفضليها مع القليل زيت وملح وهي المعكرونة بعد السلق والبخار طالع منها :) حتى خليكم بالجو معي
ومنكون مجهزيت خضار مشكلة مقسمة لشرائح انا حطيت فلفل اخضر واصفر وجزر بس
وكمان منكون مقسمين صدور الدجاج لشرائح رفيعة او متل مابدك
وبس منقلي الدجاج بزيت خفيف حتى يميل لونهم للابيض وبعدين منحطلهم شوية بهارات ومكعب ماجي وفنجان صغير ماء ومنخليهم على النار حتى تنشف المي شوي
وبعد مانشف المي شوي منضيف فطر عليهم (( مشروم مقطع )) ومنحركهم
واخر شي منضيف الخضار المقطعة عليهم ومنحركهم كويس ومنطفي عليهم خلاص
على فكرة هالخلطة ممكن لحالها تكون وجبة لذيذة مع اضافة صوص ابيض الها متل الفيتوشيني يعني
المهم نرجع لاكلتنا منعمل البشاميل انا بحب ظروف كنور كتيير وهلا صار في مع الجبنة كتيييير طيب
بتعملي الظرف مع كوبين حليب تقريبا وبتحركيهم على البارد وبعدين على نار هادية وبضلك بتحركي فيه حتى يثخن البشاميل
بتلاحظو بالبشاميل فيه نقط سودة هي من محتويات ظرف كنور لذيذ جربوه (y)
وبس حطيت اول طيقة معكرونة بالبايركس وضفتلها ملعقتين بشاميل وحركتهم مظبوط
وفوق الطبقة الاولى مديت خلطة الدجاج بشكل متساوي نوعا ما :tongue:
وكمان حطيتلها ملعقة بشاميل
واخر شي طيقة معكرونة وكمان عليها طبقة بشاميل وبشرت جبنة كرافت وحطيتها على الوجه
واخر طيقة هي جبنة موزريلا طبعا ودخلتها الفرن على حرارة منخفضة
وهي المعكرونة وبالعافية ويارب تعجبكم (( زوجي مابحب البشاميل التقيييل عشان هيك نوعا ما كانت الطبقات خفيفة ))
وهذا صحني بعد مااكلت منه لقمة سامحوني بعدين اتذكرت لازم اصوره هههه
وطيقا قطعتها سخنة كتيير فما لحقت تتماسك مظبوط
ان شالله تكون عجبتكم وانتظر تعليقاتكم الحلوة مثلكم (f)(f)
