برنامجي ....شلون ساعدوني

وياك قلبي 22-01-2009 7 رد 953 مشاهدة
و
السلام عليكم
اخباركم..؟
بنات انا زواجي بعد 6 شهور تقريبا وحابه اعمل برنامج لنفسي بالبيت خلال الثلاثه شهور:(
ون كثر لا اقرأ خلطات جسم
احترت شنو اجرب افضل ومو زين اجرب اكثر من وصفه
ابي اثبت على كم وصفه
للجسم تقشير تصفيه توحيد تفتيح ركب اكواع
بختصار برنامج اسوي اعتني بنفسي من الالف الى ال ي

الي جربت منكم هالاشياء تفيدي جزااكم الله خير

وابي اشياء موثوقه ومجربه
وعساكم عالقوه
m
والله يا اختى نفس مشكلتى انا برضة زواجى بعد كام شهر واحترت اعمل اية ولا اية

ياريت الاخوات يفيدونا

وجزاكم الله خيرا
و
UP
UP
UP
ع
للرفع
M
هلاااا اختي وبالبركة يارب ... بفيدج باللي اعرفه ... اول شئ ابتعدي عن الخلطات الصعبة واللي فيها تركيبات كثيرة ... لا ترهقين بشرتج وجسمج وشعرج ... وترى كثير من المواد الطبيعية لما تتفاعل مع بعض تسبب تهيج ومشاكل للبشرة :(

تقشير الجسم : سكر + زيت زيتون+ ليمون
خلطيهم مع بعض ليما يصير الخليط مثل السكراب العادي وبعد الحمام فركي جسمج بالسكراب .. طبعا محد يسوي تقشير يومي ... يعني بالاسبوع مرتين ... وليلا لازم تزيتين جسمج بزيت جسم ... وراعي ان الزيت يعالج اكثر من مشكلة ... انه استخد زيت بالمرز ... ينعم وبنفس الوقت هو متخصص لازالة الخطوط البيضا ...

القدم: قبل الحمام نقعي ريولج في ماي دافئ وحطي بالماي شوية زيت ( اذا عندج زيت خاص للقدم بكون ممتاز او اذا لا فزيت الزيتون يكفي ويوفي) ... بعد ماتنقعين ريولج دخلي اخذي شور واخر خطوة فركي قاع القدم (بالحجر الاسود او اشتري محل للقدم بس يكون محل عدل ومتخصص مثل بودي شوب او صبايا ) وبالليل قبل لاتنامين مسحي ريولج مع مساج خفيف بكريم خاص لها المنطقة وتلاقينهم بكل السوبرماركت ... طبعا اليد مثل القد زيتها ونقعيها وروحي سوي بدكير ومنكير كل اسبوعين او كل شهر مرة ... ودهني يدج كل يوم مرتين بالقليل بكريم عناية باليد ... فازلين عندهم كريم يد وكريم قدم ممتازين فعلا

الوجه : طبعا العين دلكيها بكريم متخصص لها المنطقة خذيه من اي ماركة بشرتج ترتاح لها انا عن نفسي استخدم اولاي ومرتاحة منه وايد وخصوصا بالنسبة لعمري ... وبين اليوم والثاني احط شرايح خيار او بطاطا ... او احط عسل ... ودايما امرر مكعبات ثلج ( ماي ورد) علي محيط عيوني ...
على باقي الوجه يعتمد على نوعية بشرتج تسوين لها القناع الخاص بها ... ودايما نظفي وجهج بالحليب ... ودهني ويهج ليلا بالكريم الخاص بالليل ( المناسب لنوعية بشرتج)
الشفايف دايما دلكيها بزيت ( زيت الزيتون) وبعدين فركيها بخفة شوية بخلق... وحطي عليها واقي للشفايف او مغذي ... اما الرموش خذي فرشاة ماسكرا نظيفة ونقعيها بزيت الخروع ومسحي رموشج ...
طبعا الوجه مع الرقبة مشموليين..

الشعر : اهتمي بتغذيته طبعا مو بس من الخارج حتي اكلج له دور ... غذي جسمج ... طبعا الزيوت اكثر منها مافيه انه عن نفسي كل ويك اند ازيت شعري مرة ( دابر املا او فاتيكا) طبعا الزيت انه ماخليه وانام فيها لا انه احطه قبل ما اخذ شور تقريبا بساعة وبعد ما احط الزيت الف شعري بفوطة منقعة بماي حار ... وكل ثلاثة ايام استخدم قبل الشور زيت حار ... تلاقينه في السوبرماركت ...

اتمنى اني افدتج او اذا تبين اي شئ حاضرة لج
و
مشكرة حبيبتي مسس بحرين افدتني يعطيج العافيه
بس ودي بكريم تفتيح بشره انا سمره مايله للحنطي وحابه افتح بشرتي
وبعض مناطق بالجسم

شنو تنصحيني فيه حبيبتي؟؟
M
هلا اختي لا شكر على واجب ... انصحج تبتعدين قدر الامكان عن الكريمات وخصوصا اللي بدون استشارة دكتور ... بنصحج تفركين المناطق الغامجة ( حتي الاماكن الحساسة) بليمون وبعدها تغسلين بماي دافئ وبعدين تدهنين المنطقة بزيت زيتون ... مع الاستمرار راح تلاحظين الفرق ... للوجه بصراحة لا تتهورين وتفكرين تسوين شئ وينقلب عليج ... وتندمين خليه مثل ماهو احسن ... وبالبركة يارب ولاتنسين تدعين لي اختى الله يوفقي ويحقق اللي ببالي
ن
احلا وصفات يارب نستفيد من هالوصفات لان عرايس متوهجين
X