حمل عنقودى

السلام عليكم و رحمة الله و بركاته ...


اولا انا بشكر حضرتك جدا على مساعدتك للسيدات المتأخرات فى الحمل ... لان بجد المتأخرة عن الحمل دى بتعيش فى نار ربنا وحده عالم بيها ... ربنا يجعله فى ميزان حسناتك يااااااارب ...

انا مشكلتى انى اتجوزت من عشر شهور و بعد شهر و 10 ايام من الجواز اكتشفت انى حامل .... و الحمل طلع حمل عنقودى ... و كانت نسبة الهرمون يوم العملية 130000 و ده كان فى اول 10 ايام من الشهر التالت ... و الحمد لله عملت العملية يوم 20 يونيو و اخدت حبوب منع الحمل جينيرا ... و الهرمون اصبح زيرو و بطلت الحبوب من الشهر اللى فات الحمد لله ... سؤالى لحضرتك ... هى الحبوب اللى اسمها جينيرا دى ممكن تاخر الحمل ...؟؟؟؟ لانى نفسى احس انى طبيبعة و انها ماثرتش عليا .. و بعد قد ايه اقدر اقول انها اثرت عليا ...؟؟؟ و انى اعمل كشف عن التبويض .؟؟؟ و هل الينسون له علاقة بتنشيط التبويض؟؟؟ برجاء تساعدنى و ترد عليا يا دكتور لانى بجد تعبانة جدا و نفسى احمل ... و انا اقدر اجى لحضرتك اتابع تبويض و لا استنى شوية ... لانى بتابع مع دكتور محمد ابراهيم عثمان و حضرتك اكيد تعرفه و هو قاللى احتمال حدوث الحمل بعد شهرين او تلاتة .. ده كلام علمى ...؟؟؟ و هو بصراحة غالى جدا و انا واحدة صاحبتى اتعالجت مع حضرتك و عملت تلقيح مجهرى و بتشكر فى حضرتك جداااااا و شجعتنى انى اجيلك ... من فضلك جاوبنى

والف الف الف شكر مقدما ... ربنا يجعل هذا العمل فى ميزان حسناتك و يجازيك عنا خير الجزاء و يكرمك فى الدنيا و الاخرة و يفرحك باولادك ياااااااااااااااااارب