بسم الله الرحمن الرحيم
السلام عليكم ورحمة الله وبركاته علي احلي بنانيت واحلي ستات بيوت في احلي منتدي
اولا نبذة بسيطة عن كاتبة الموضوع اللي هوا انا >>> بتفذلك شوية :D
اولا انا لسة مش متجوزة يعني لسه مش ست بيت بجد انا لسة بنوتة في كلية بس بقالي فترة وانا بساعد ماما جامد في البيت غير ان ماما مش بتحب شغل البيت او مش من هواته انا بقي مش طالعالها خالص انا بموت في حاجه اسمها شغل البيت بحب احس اني ست بيت ممتازة من كله وعشان كده قررت اتعلم كويس هنا عشان جوزي ياخدني علي الجاهز(y) طبعا انا عارفة اني لكيت كتير بس ده عشان تعرفوا مصدر الكلام اللي انا حكتبه
ده تجميع ليا من علي النت ومن خبرة ماما وخبرة تيته وكنت بجرب كل حاجه من الافكار اللي بتعجبني دي والحمدلله كل اللي حكتبهلكوا نجح معايا جدا جدا
اكيد زهقتوا من الرغي >>>معلش ماصدقت تكتب موضوع:D:D
ندخل في المهم ونبدأ الخبرات والنصايح:
السلام عليكم ورحمة الله وبركاته علي احلي بنانيت واحلي ستات بيوت في احلي منتدي
اولا نبذة بسيطة عن كاتبة الموضوع اللي هوا انا >>> بتفذلك شوية :D
اولا انا لسة مش متجوزة يعني لسه مش ست بيت بجد انا لسة بنوتة في كلية بس بقالي فترة وانا بساعد ماما جامد في البيت غير ان ماما مش بتحب شغل البيت او مش من هواته انا بقي مش طالعالها خالص انا بموت في حاجه اسمها شغل البيت بحب احس اني ست بيت ممتازة من كله وعشان كده قررت اتعلم كويس هنا عشان جوزي ياخدني علي الجاهز(y) طبعا انا عارفة اني لكيت كتير بس ده عشان تعرفوا مصدر الكلام اللي انا حكتبه
ده تجميع ليا من علي النت ومن خبرة ماما وخبرة تيته وكنت بجرب كل حاجه من الافكار اللي بتعجبني دي والحمدلله كل اللي حكتبهلكوا نجح معايا جدا جدا
اكيد زهقتوا من الرغي >>>معلش ماصدقت تكتب موضوع:D:D
ندخل في المهم ونبدأ الخبرات والنصايح:
- لما تيجي تنظفي بيتك قسميه نصين نص للحمام والمطبخ والنص التاني للصالة واود النوم ...لو بيتك كبير او دورين ممكن تقسميه علي تلت تيام احسن ...انا بفضل موضوع التقسيم علاني اعمل كله فيوم واحد وتبقي كروتة
- اول حاجة بالنسبة لتنظيف المطبخ
- نفرز الحاجة اللي في التلاجة والفريزر ونظفها كويس وانا عاملة منظف جبار خاص بيا بجيب علبة شامبو فاضية وبحط فيها بنسب متساوية كلور وفيري وبيكربونات وكومفورت وشوفي النظافة واللمعان والريحة الحلوة وبعد مانخلص تنظيفها نحط فطبق صغير فحمة وبيكربونات وفانيليا عشان متبقاش في اي روايح وحشة فالتلاجة
- نشيك علي البهارات ونرتبها
- ننظف الدواليب كويس ونرتبها وانا بجيب المفارش النايلون اللي بالمتر وبقطعها وارصها فيها ولما بجس انظف لو حساها مش متوسخه قوي بغسلها واسيبها فالشمس وبحطها تاني ولو متوسخه بشيلها وبحط غيرهاونكتب فورقة كل المؤون اللي ناقصنا ولو عايزة دواليبك تبرق من النظافة امسحيها من بره بخلطة التنظيف اللي قولتهالكوا فوق وامسح الدواليب وبعدين بطلع علي كرسي او سلم ونمسح الدواليب من فوق بقطعة قماش فيها جاز وبعدين نمسحها بقطعه ناشفة ونعيد كذا مرة وبعدين نفرش فويل
- تغسلي سيراميك الجدران
- ننظف باسكت الزبالة انا كنت زمان بنظفه بكلور دلوقتي بقيت بنظفه بديتول مخفف وبرضه كنت زمان بحط تحت ورق جرايد بس انتبهت لان ممكن يبقي فيه ايات قرائنية فبقيت بحط تحت فويل وبحط كيسين في بعض عشان مفيش اي حاجه تتسرب للبسكت وتطلع ريحة
- ننظف البوتجاز كويس ونغطيه بالفويل عشان يسهل علينا تنظيفه بعد كده وعشان عيون البوتجاز تلق كده زي الجديدة بننقعها في خل يوم كامل وده بيخلصنا من اي دهون جواها ممكن تسدها
- واخر حاجة نمسح الارضيات بالفلاش او ممكن بالديتول برضوا وتيتة كانت بتقولي اعمل بالجاز لانه بيقضي علي النمل والحشرات بس انا بصراحه مش بحب ريحته فمش بستخدمه فكل حاجة وبفضل المنظفات العادية بس هو فعلا خطير فالقضاء علي الحشرات
- ونقطة اخيرة بما اننا بنتكلم عن المطبخ عشان اطباقك تبقي دايما بتبرق زي الجديدة اعملي خلطة خل + صابون سايل واغسلي بيها المواعيين ولزجاجات المياه ننقعها في بيكربوناتوا
- كده نبقي خلصنا المطبخ نروح رايحين بقي علي الحمام
- نغسل الجدران والحوض والتواليت انا عاملة خلطة ديتول مع كلور مع فيري جربيها وحتلاقي الحمام بيلق من النظافة
- ننقع فرش الاسنان وفرش الشعر واي ادوات شخصية في ديتول مخفف وطبعا بعديها تتغسل كويس قوي قوي وتتهوي فالشمس عشان ميتبقاش فيها اي بواقي ديتول لما نستخدمها
- نلم الفوط كلها والبرانس ونغسلها
- وننظف المرايات ونصيحة مني مهما جربتوا من منظفات المرايات مفيش احسن من السبرتو تحطيه علي ورق جرايد وتدعكي كووووويس وحتبقي بتبرق ولو انتي مش بتحبي السبرتو وريحته في منظف زجاج حلو جدا وبرضه سعره معقول اسمه ويندكس
- وعشان ننظف الغسالة الاوتوماتيك من جوا نشغل دورة فاضية ونحط فالدرج بيكربونات + خل
- نمسح الارضيات بالفلاش زي ماعملنا فالمطبخ
- وفنفس اليوم بليل نحط فلاش فالتواليت ونسيبه وننام والصبح نصحي نعمل السيفون ونشوف النظافة والريحة
- وانتي بقي بتنظفي باقي البيت ليكي عندي حبة افكار
- في فمصر منظف خشب ممتاز جدا جدا وسعره مناسب قوي اسمه اوزاي انا معرفش اذا كان موجود فباقي البلاد العربية بس بجد تحفه لمعان وريحه حلوه ونظافه
- وبعد ماتخلصي بقي تنظيف تجيبي بخاخ وتحطي فيه ماء + نقط مسك سايل+ كومفورت +نقط فانيليا سايلة ورشي بقي فالبيت وعلي المفروشات وادعيلي
- اي بقعة جامدة علي الحيطة او علي الفرش ادعكيها بملح الليمون وان شاء الله تزول خالص
- ولغرفة نومك في مكعبات كده بتتباع عند محلات العطور والبخور بتتحط وسط الهدوم وبتديها ريحه تجنن حطيها فالدولاب وانسي بقي الهدوم بتفحفح ريحه جميله
- بالنسبة للشبابيك ودرف البلكونات الخشب احسن حل ليها انها تتخلع من ماكنها وفالحمام تتدعك كويس بالمسحوق والفرشاه ويترش عليها ميه بالخرطوم وتطلع البلكونه الشمس تنشفها بس لو انتي مستصعبه الحوار ده يبقي في مكانها بقي بس بتبقي متعبه قوي ومحتاجه كرسي وموال
- وفكره كده بسيطه ليكي ان بدل ماتشتري كل شويه فوط المسح دي اي شربات قطن قديمه عندك البسيها فايدك وادعكي بيها حتبقي متحكمه فيها اكتر وبتنظف تمام التمام
- طبعا عشان تحافظي علي نظافة بيتك كده لازم يوميا يبقي ليكي جدول تنظيف منتظمه عليه بالنسبه ليا لازم كل يوم اكنس البيت علي السريع والمع الخشب من التراب واهوي فرش اود النوم في الشمس واغسل حوض الحمام والتواليت وبكده مش بتعب كتير في التنظيف الشهري ولو اني اليومين دول مقصرة بسبب امتحاناتي ادعولي بقي
- في الاخر بقي حبه افكار لغسيل الملابس
- عشان الغسيل الابيض يبقي فله حطي مع المسحوق زهرة ونشغل الدورة لمدة عشر دقايق والغسالة بقي بتسحب نفتح الدرج ونصب كوباية خل ونسيبها 5 دقايق ونفصلها ونسيب الغسيل يتنقع جوا للصبح يعني ننام ونسيبه جواها وبعدين الصبح نزود شويه مسحوق فالدرج ونشغلها تكمل وفي النهاية نضيف الكومفورت وشوفي النظافة
- والهدوم الداخلية بقي وهي علي المنشر الداخلي جيبي رشاش فيه ميه وكمفورت ورشيها بيه وشوفي الريحه والنعومه
ويابنات ملحوظة في حاجات كتيره انا اكتسبتها من مواضيع متنوعه من النت فاي واحده تشوف فكره كانت هي اللي كاتباها تعرف اني بشكرها جدا جدا واني مش بسرق مجهودها انا قولت ان الحاجات دي انا اكتسبتها من النت ومن ناس فحياتي وجربتها واستفدت قوي فحبيت الفايده تعم(f)
وكده ابقي خلصت خلوووويص يارب الموضوع يفيدكوا ويعجبكوا وان شاء الله لما اخلص امتحانات حنزلكوا خبرات تانيه مطبخيه بقي بس الاقي تشجيع
[CENTER]دمتم في حفظ الباري
:15:sweety:15:
[CENTER]دمتم في حفظ الباري
:15:sweety:15:
[/CENTER]