شو اخبار حماتج؟؟؟

هلا والله وغلا بعروس قديمة ....

شوفي يالغالية علاقتي بام زوجي ولله الحمد والشكر جداً رائع .

في إنسانة قمة في العطاء والصبر والعقل و الطيبة ......اللي ماشفتها

على أحد من قبل.

بس طيبتها هذي جاية على صحتها ........من كثر صبرها وتحملها

وعدم شكواها للأحد .بصراحة أنا أكلمها كل بعد يوووم ، خصوصاً بعد

وفاة عمي ((الله يرحمه ويغفرة))

وأسولف معها وأسئلها من جاها وين راحت ......

وأخوات زوجي ...........زوجي ماله إلا إخت وحدة ......وأعتبرها أختي الكبيرة .

أما السلايف ...........شوفي عاد النفسيات كل وحدة شكل ........

بس الحمد الله علاقتي بالجميع ممتازة ......

صح فيه بعضهم يفقعون في بعض تصرفاتهم ......بس الله يهديهم ويكبر عقوولهم .

بالنسبة لي ماأغار من أي وحدة فيهم .........

وأنا مقتنعة أني متزوجة أحسن واحد في إخوانه كلهم ..........((هذا

مومدح لزوجي )) لكن المواقف تبين الرجال ...:)

صح أحياناً .........أتضايق إذا شفت وحده منهم مشية زوجها على

ماتبي ........بس أقول الحمد الله عندي زوجي ، ماراح ألقى أحسن

منه بمحاسنة وعيوبه .

تحياتي لك أختي .

أختك:همووسة

وانا ولله الحمد عمتي "حماتي" اذا كانت زعلانة من زوجات اولادها تكتم
وما تصارح ...........وانا اشوف هذي ميزة حتى نتفادى المصادمات
وانا صديقة واخت لسلايفي .............
وخوات زوجي حلوين وانا ماقعد معاهم وايد لاني دايما اروح بيت اهلي
:o انا اسكن فبيت اهل زوجي علشان شذي ماقعد معاهم مليت من
البيت هذا ونفسي في بيت خاص وخاااااااااصة ان ماعندي مطبخ اي
الاكل مشترك
:s :s
عزيزتي اكسبي حماتك باكلمة الحلوة
وتغاضي عن الكلمات اللي تزعلك منها
وظهري طيبتك لها اذاكنت متضايقة منها يمكن تنحرج وتعاملك بلطف
:) :)
اخت زوجي تقول لنا مواقفها مع حماتها السليطة السان
وعفيا على خت زوجي ماتخلي حقة ترد فوري
وتحرج حماتها لانها على غير حق
صارت حماتها اشوي تحاسب لها;)

يعطيك العافية يا هموسة...
ويا عجيايب على هالردود الحلوه....


انا الحمدلله...
حماتي تحبني واااايد؟؟.؟؟؟والله انا بعد احبها...واحب خوات زوجي...وهم بعد يحبوني...
لكن مافي بيت يخلو من المشاكل..
انا طيبة معاها..اكيد هي بعد بتكون طيبة معاي...غير اني ادلعها واوقف معاها دايما...
لكن انا من النوع النوع اللي ما احب استخدم التلفون..يعني اذا حبيت اطمن عليها اروح ازورها...عشان جذيه زياراتي لها كثيره...

وانا حذرة كثير من هالناحية...

سلايفي...
عندي ثنتين..وحده...تنحط على الجرح يطيب..تحبني كثيير..وانا بعد..
حتى لما ازورها..تعدلني و تكشخني لزوجي...
ومرة لما عملت حركة الشهاده لأحسن زوج في العالم..عملت لي نسخه و سليفتي نسخه..
صراحه طيبة كثير و تستاهل كل خير...

السلام عليكم .....

انا الحمد الله بعدنى ههههههههههه مب متزوجه بس حبت اشارك معاكم ;)

سوالفكم حلوه عن الزاوج الله يهني الجميع ;)

حقاً أنه موضوع الواحد منا يفضفض شوي شوفوا بالنسبة حماتي الى هي أم زوجي فهي متقلبة بعض الشئ ولاكن أكثر الاوقات فهي عسل أقول أذا مزاجها زين شوفو يوم ترفعك في السماء ويوم ترميكي مو في الارض لا لا لا تدفنك في الارض ههههه عاد امزح0000

شوفوا أم زوجي هى أصلآ خالتى أخت أمي فاهى من كذا هي طيبه جداً معى أما عمي ألا وهو أبو زوجي فهو طبعاً كطبع غالب الرجال فهو مزاجي جداً فهو في يوم طيب جداً وتحطينه على الجرح يبرى وفي يوم ماتقدرين حتى تتكليمين معه0000

أما بالنسبة خوات ريلي فهم بعضهم أوكي والبعض الاخر داهيه على فكرة زوجي عنده خوات هم توؤم هم توؤم بس ثلاث أي ثلاث بنات توؤم والحين هم في الصف الثالث المتوسط هذيله ما يحتاي بس عاد تعالو حق الى أكبر منهم داهيتين تقولون ريا وسكينة0000

أما بالنسبة زوجات أخوات زوجي فهم مايحتاى فكل وحده تقول لزوجها روح روح تعال تعال على كيف كيفهم والداهية انهم صج يمشون كانهم مكوكين يعني زوج حسب الطلب يعني أخوان زوجي مفصلين على حسب الطلب0000

بالنسبة لي أنا أشوف أهل زوجي تقريباً في الاسبوع مرة ساعات في الاسبوعين مرة أما نسوان اخوان زوجي ماشوفهم الا بين الحين والحين وكله بالصدف لاني بصراحة أنا ماعطيهم وجه ولا معبرتهم مو غيره بس ماشوف شئ فيهم يعطيني أني حتى أفاتحهم في حتى مواضيع بصيطة فهم صطحيين وكلامهم تافه وتحسين وتقولين هذولا أشلون يتكلمون ساعات أكعد أضحك عليهم وطبعاً هناك يعطوني دائماً نظرات غيره وحسد بس لاني بنت خالة زوجي أف شفتوا غيرتهم شلون تافهة ولا بعد أزيدكم من الشعر بيت لاهم دارسين ولا شئ كل وحده طالعة من المدرسة حتى أنجليزي مايعرفون والله مو أيفشلون0000

وأنا بصراحة عندي أهم شئ زوجى وام زوجي مادام هي طيبه أنا أستحي واصير أطيب منها بعد :o :o :p :o :o

هلا بكل المتزوجات و اللي عندهم حموات...

انا بعدني ما اتزوجت و ما دخلت القفص الذهبي..

بس دايما اقول بيني و بين نفسي ..ام زوجي بحطها في عينني ..بعاملها و بحبها مثل امي..
و بحاول اتحملهل مهما كانت شخصيتها ..باتقرب لها بكل طريقه..

و انشاء الله الله يقدرني و اكون محبوبه من كل اهل زوجي مستقبلا..

لاني الزوجه كل ما كانت جريبه من اهل ريلها كل ما حبها زوجها اكثر...

و لا انتو شو رايكم

يعطيج العافية يا مريم.....

والله يعينج..صراحه...

بس حلو منج انج فضفتي...حسيت اني مستانسة و انا اقرا اللي كتبتيه...


وان شالله يارب يا رومانسيه تلقين اللي على نيتج...وطيبتج...يــــــــــــــــــــــــــارب

غالياتي موضوعكم ممرررره شيق انا شخصيا



احب حماتي جدا.......وهي كذالك تحبني والحمد لله



ولازم يوميا اكلمها في التلفون .....زونجلس ........ساعات نتكلم ولولا ضروف عمل



زوجي لكنت عندها الان...د


بس.........لاكن لم تكن هكذا قبلا ولاكن الحمد لله

ام لمى؟؟؟اذا مافيها فضول؟؟

كيف قدرتي تكسبين ام زوجك.....؟؟
ياليت تفيدينا....

الله يخليكم لبعض