ساعدوني ولدي يخلع ملابسه
م
22-01-2009 | 06:32 AM
هلا حبيباتي والله عندي مشكلة مع ولدي عمره ثلاث سنوات ويخلع ملابسه عند النوم والله تعبت معاه اخوفه واشجعه ما نفع معاه ساعدوني شاسوي وياه:(
M
22-01-2009 | 06:42 AM
ليش ما توديينه مكان يبيع بجامات اطفال مثلا عليها رسومات وحركات وتخلينه يختار وتقوليين له بشتريها بشرط تلبسها بالليل وجربي معاه بوحده ولو مالبسها ودي مره ثانيه ولين اختار قولي له انه ماراح تشترينها له لانه مالبس اللي عنده لين لبسها اول بتيين تشترينها له .....ويمكن اهو ما يحب شي ثقيل علييه فحاولي تشغليين الدفايه في حجرته قبل لا ينام بفتره عشان لا يمرض وعقب خلييه يدش وينام وخلييه على الاقل ينام بملابس خفيفه يعني مثلا شورت وفانيله مثل الفانيله اللي تحت الثوب احسن من مفصخ
والله يهديي ويصلحه لج ياربي
والله يهديي ويصلحه لج ياربي
م
22-01-2009 | 06:49 AM
تسلمين حبيبتي والله جربت معاه بصراحة موهو الي اختار البيجامات انا اخترتهم بس فيهم صور الكرتون بس يلبسهم وقبل ما ينام يطلعهم تعبني وايد
و
22-01-2009 | 06:53 AM
مادري يمكن مرة لبس شي وضايقه ,, وبعدها صار طبع عنده يخلع ملابسه
هل السراويل واسعة عند الخصر كفاية ؟؟
اذا كان نعم جربي معاه بجايم طنية ناعمة
تصرف ولدج يدل ان فيه شي بس انتي ما تدرين عنه
هل السراويل واسعة عند الخصر كفاية ؟؟
اذا كان نعم جربي معاه بجايم طنية ناعمة
تصرف ولدج يدل ان فيه شي بس انتي ما تدرين عنه
م
22-01-2009 | 08:40 AM
والله أختي أنا مريت بهالشي من فترة والسبب كان أبوه.. زوجي الله يهداه ينام بس بالملابس الداخلية.. فعبودي كان حاب يقلده وقرر إن ماينام الا نفس أبوه وهلكني فترة (والله حتى أهلي كلهم دروا عن أبوه مافي أحد ماقال له ههه نشر الخبر).. بعدين بينت له أن هالطريقة تمرض وبيدخل الهواء في صدرك وبعدين نضطر ناخذك للدكتور... شوي شوي أقتنع وخذيته معاي ليدي بيرد وخليته يختار بيجامات على ذوقه وبالمرة بيجامة حق أبوه وقلت له عشان بابا يلبسها ومايصير مريض والحمدلله عدت السالفة على خير..
فيمكن ولدك يقلد أبوه مثلا او حد من أخوانه... شوفي الطريقة اللي أتبعتها يمكن تنفع معاه...
فيمكن ولدك يقلد أبوه مثلا او حد من أخوانه... شوفي الطريقة اللي أتبعتها يمكن تنفع معاه...
B
22-01-2009 | 08:55 AM
كنت داخله بكتب نفس كلام الاخت رانيا ممكن شايف ابوه ويقلده او احد من قرايبه
لاتحاتي فترة وراح تعدي بس انتي فهميه انه مايصلح بعدين تمرض وشجعيه بجدول التعزيز (النجوم )
لاتحاتي فترة وراح تعدي بس انتي فهميه انه مايصلح بعدين تمرض وشجعيه بجدول التعزيز (النجوم )
م
22-01-2009 | 12:35 PM
جزيتم خيرا فعلا يمكن هاي السبب بجرب معاه واللع يعين