معلش انا اتأخرت انى اكتبلكم قصة ولادتى وده لان محمود مش مخلينى عارفه اعمل حاجه وكمان لانه كان تعبان شويه
واليوم الموافق 22\1\2009 عنده شهرين الا يومين... يلا نبدأ بالقصة...
يوم الاحد الموافق23\11\2008ان عندى وجع بسيط بدأ معايا كل 5 دقايق ولكن الطلقه كانت تحتمل وقعدت كده يوم الاحد كله من الساعه 7 صباحا لحد الساعه 7 صباحا تانى يوم الاثنين وبدأ الألم يزيد جدا فحسيت انى قربت فشربت مج قرفة قلت علشان يزيد الطلق ونخلص بس حسيت انه معملش أى حاجه بس بعد ساعتين زاد شويه قبلها الساعه 8 ونصف كلمت الدكتور ووصفتله حالتى فقالى اسبقينى على المستشفى وأنا هجيلك حالا فبصراحة خفت أوى فقلتلها خلاص لما يزيد اوى اوى هبقى اكلمك واتصلت بأخت زوجى وهى طبيبة وكمان مجربة عندها عبد الرحمن الله يحفظه ليها فقالت لى لا دى ولادة يلا ابدأى جهزى نفسك وصلى ركعتين وتوكلى على الله فبدأت ألبس انا وزوجى اللى كان مش مصدق انى تعبانة وبيقولى انتى بتدلعى لسة بدرى عليكى .المهم أنا كنت مجهزة شنطتى وشنطة البيبى والكاريكوت فأخذت شاور ولبست وصليت وتوكلت على الله وكل ده وأنا فيا تعب ما يعلمه الا الله..
ذهبنا عند منزل زوجى علشان نأخذ والدته معانا ووالدتى قابلتنا هناك وأثناء وجودى هناك الوجع زاد أوى فرحنا بسرعه المستشفى وكلمت الدكتور بس هو بصراحة اتأخر شوية على ما جه أو يمكن انا اللى حسيت انه اتأخر لان الانتظار فى الحالات دى بيكون قاتل..
المهم وصل الدكتور وكشف عليا فى غرفه فى الاستقبال وكان اول مرة يكشف عليا كشف نسا ومكنتش اعرف انه صعب كده كنت بموت فقاللى انتى ان شاء الله هتولدى النهارده بس لسة قدامك ساعتين تقريبا فحجزنا الغرفه وطلعت فيها كل ده والطلق شغااااال غيرت هدومى بس مش عارفه اقعد كل شوية اجرى على الحمام أعزكم الله ولكن مش عارفه اعمل البيبى ضاغط على المثانة فكنت حاسة انى اريد التبول ولكن الموضوع صعب جدا المهم عدو الساعتين ولقيت الدكتور جه وكشف تانى والحمد لله لقى الرحم فتح اكتر مما كان لما كشف عليا أول مرة وأثناء الكشف ده كيس الجنين انفجر وانا ساعتها وشى اصفر وجاب ألوان خفت جدا وبعدين وضع لى المحاليل وطبعا فيها حقنة علشان تزود الطلق ومش قادرة اوصف ساعتها انا كنت عاملة ازاى..
بعد كده طلب من الممرضه جهاز لسماع نبضات البيبى فكانت النبضات سريعة جدا وبعدين بطيئة فقلقت وسألت الدكتور "خير" بس هو الحقيقة مردش عليا وده زود توترى أكتر وأثناء اللى حصل ده كله كان زوجى واقف وكان بصراحة متأثر أوى وخايف عليا انا لمحته بعينى ..
وبعدين الدكتور كشف تانى وقال خلاص يلا تنزل العمليات فنزلت وأنا مستوية بعد ما لبست لبس العمليات وكله تمام نزلت على الكرسى المتحرك وانا مش شايفه قدامى كنت شبه ميته مش حاسة بنفسى وتايهة ..
كل اللى حكيته شئ واللى حصلى تحت فى العمليات شئ تااااانى أول ما نزلت الدكتور قاللى اطلعى على السرير الخاص بالولاده فطلعت وبعدين قربت من مؤخرة السرير وبدأ الدكتور يولدنى وكان سبق ودربنى فوق لما تيجى الطلقة اعمل ايه فعملت زى ما قالى بس كنت حاسة انى منهكة ومش قادرة اعمل حاجه فقالى ساعدينى وبصراحة الممرضة كانت بتساعدنى معنويا فكانت بتقولى يلا خلاص شعره باين اهو فحذقت وبعد شوية قالتلى يلا شاطرة كمان رأسه طلعت اهى يلا فحذقت تانى وبعدين قلتلهم انا مش قادرة همووووت قالى الدكتور خلاص اهو اخر واحدة يلا وشوية لقيت حاجة بتتزحلق منى وبعدها أغمى عليا أو اخدت بنج مش عارفة المهم محستش بحاجه صحيت لقيت نفسى على سريرى فى غرفة المستشفى والكل حولى فقلتلهم عايزة اشوفه ولما شفته بكيت وقلتلى "وحشتنى أوى يا حبيبى أنا كنت مستنياك من زمان "وطبعا كل اللى معايا عيطو من الفرحه ولقيت زوجى جمبى وماسك ايدى وكان قلقان عليا قوى بنفس قدر فرحته بالمولود...بس وجه أحلى حمووووووودى فى الدنيا ربنا يحفظه ليا يارب من كل سوء..
يارب يسهل على الكل ولادته ويارب تكون أسهل من ولادتى كمان
واليوم الموافق 22\1\2009 عنده شهرين الا يومين... يلا نبدأ بالقصة...
يوم الاحد الموافق23\11\2008ان عندى وجع بسيط بدأ معايا كل 5 دقايق ولكن الطلقه كانت تحتمل وقعدت كده يوم الاحد كله من الساعه 7 صباحا لحد الساعه 7 صباحا تانى يوم الاثنين وبدأ الألم يزيد جدا فحسيت انى قربت فشربت مج قرفة قلت علشان يزيد الطلق ونخلص بس حسيت انه معملش أى حاجه بس بعد ساعتين زاد شويه قبلها الساعه 8 ونصف كلمت الدكتور ووصفتله حالتى فقالى اسبقينى على المستشفى وأنا هجيلك حالا فبصراحة خفت أوى فقلتلها خلاص لما يزيد اوى اوى هبقى اكلمك واتصلت بأخت زوجى وهى طبيبة وكمان مجربة عندها عبد الرحمن الله يحفظه ليها فقالت لى لا دى ولادة يلا ابدأى جهزى نفسك وصلى ركعتين وتوكلى على الله فبدأت ألبس انا وزوجى اللى كان مش مصدق انى تعبانة وبيقولى انتى بتدلعى لسة بدرى عليكى .المهم أنا كنت مجهزة شنطتى وشنطة البيبى والكاريكوت فأخذت شاور ولبست وصليت وتوكلت على الله وكل ده وأنا فيا تعب ما يعلمه الا الله..
ذهبنا عند منزل زوجى علشان نأخذ والدته معانا ووالدتى قابلتنا هناك وأثناء وجودى هناك الوجع زاد أوى فرحنا بسرعه المستشفى وكلمت الدكتور بس هو بصراحة اتأخر شوية على ما جه أو يمكن انا اللى حسيت انه اتأخر لان الانتظار فى الحالات دى بيكون قاتل..
المهم وصل الدكتور وكشف عليا فى غرفه فى الاستقبال وكان اول مرة يكشف عليا كشف نسا ومكنتش اعرف انه صعب كده كنت بموت فقاللى انتى ان شاء الله هتولدى النهارده بس لسة قدامك ساعتين تقريبا فحجزنا الغرفه وطلعت فيها كل ده والطلق شغااااال غيرت هدومى بس مش عارفه اقعد كل شوية اجرى على الحمام أعزكم الله ولكن مش عارفه اعمل البيبى ضاغط على المثانة فكنت حاسة انى اريد التبول ولكن الموضوع صعب جدا المهم عدو الساعتين ولقيت الدكتور جه وكشف تانى والحمد لله لقى الرحم فتح اكتر مما كان لما كشف عليا أول مرة وأثناء الكشف ده كيس الجنين انفجر وانا ساعتها وشى اصفر وجاب ألوان خفت جدا وبعدين وضع لى المحاليل وطبعا فيها حقنة علشان تزود الطلق ومش قادرة اوصف ساعتها انا كنت عاملة ازاى..
بعد كده طلب من الممرضه جهاز لسماع نبضات البيبى فكانت النبضات سريعة جدا وبعدين بطيئة فقلقت وسألت الدكتور "خير" بس هو الحقيقة مردش عليا وده زود توترى أكتر وأثناء اللى حصل ده كله كان زوجى واقف وكان بصراحة متأثر أوى وخايف عليا انا لمحته بعينى ..
وبعدين الدكتور كشف تانى وقال خلاص يلا تنزل العمليات فنزلت وأنا مستوية بعد ما لبست لبس العمليات وكله تمام نزلت على الكرسى المتحرك وانا مش شايفه قدامى كنت شبه ميته مش حاسة بنفسى وتايهة ..
كل اللى حكيته شئ واللى حصلى تحت فى العمليات شئ تااااانى أول ما نزلت الدكتور قاللى اطلعى على السرير الخاص بالولاده فطلعت وبعدين قربت من مؤخرة السرير وبدأ الدكتور يولدنى وكان سبق ودربنى فوق لما تيجى الطلقة اعمل ايه فعملت زى ما قالى بس كنت حاسة انى منهكة ومش قادرة اعمل حاجه فقالى ساعدينى وبصراحة الممرضة كانت بتساعدنى معنويا فكانت بتقولى يلا خلاص شعره باين اهو فحذقت وبعد شوية قالتلى يلا شاطرة كمان رأسه طلعت اهى يلا فحذقت تانى وبعدين قلتلهم انا مش قادرة همووووت قالى الدكتور خلاص اهو اخر واحدة يلا وشوية لقيت حاجة بتتزحلق منى وبعدها أغمى عليا أو اخدت بنج مش عارفة المهم محستش بحاجه صحيت لقيت نفسى على سريرى فى غرفة المستشفى والكل حولى فقلتلهم عايزة اشوفه ولما شفته بكيت وقلتلى "وحشتنى أوى يا حبيبى أنا كنت مستنياك من زمان "وطبعا كل اللى معايا عيطو من الفرحه ولقيت زوجى جمبى وماسك ايدى وكان قلقان عليا قوى بنفس قدر فرحته بالمولود...بس وجه أحلى حمووووووودى فى الدنيا ربنا يحفظه ليا يارب من كل سوء..
يارب يسهل على الكل ولادته ويارب تكون أسهل من ولادتى كمان