بنات البحرين .. تفضلوا

هلا عروسة مبروك الحمل والله يتممه لك على خير

أنا أتابع مع فرح بالتخصصي ومرتاحة معاها

وهي بعد مواعيدها مزحومة بس اذا تحبين شوفيها يمكن قبل موعدك مع زينب تلقين معاها

والله يوفقك ان شاء الله

فرح واجد يمدحونها

و كيران في ابن النفيس .

و بعد منى الشرقي ممتازة !

الله يسهل عليج و يثبت حملج

مشكورين


وان شاء الله احصل ردود اكثر علشان استفيد شوي

هلا حبيبتي
انا بصراحه على طول اتابع مع دكتوره منى الشرقي وايد ممتازه والكل يمدح فيها
كنت اتابع وياها بحملي الاولي والحين بالثاني بعد اتابع على طول عندها..
انصحش فيها من ناحيت المعامله والمتابعه..

فرح زينه بس كيران اشطر منها بوايد

فرح على طول اذا ماولدت الوحده قالت عمليه بينما كيران تحاول مع الوحده انها تولد طبيعي و في اسوأ الحالات كلش كلش تلجأ للعمليه

حتى يوم كانو ثنتينهم بالتخصصي الولادات اللي عند كيران اكثر من اللي عند فرح

مراوي;8517246:
فرح زينه بس كيران اشطر منها بوايد

فرح على طول اذا ماولدت الوحده قالت عمليه بينما كيران تحاول مع الوحده انها تولد طبيعي و في اسوأ الحالات كلش كلش تلجأ للعمليه

حتى يوم كانو ثنتينهم بالتخصصي الولادات اللي عند كيران اكثر من اللي عند فرح

هلا اختي كلامك يمكن يكون صح يوم كانت كيران بالتخصصي

ترا انا تابعت وياها بداية حملي لين وصلت الشهر الرابع

وحسيت انها تغيرت عن يوم كانت بالتخصصي لأني كنت اتابع معاها بحملي القبلي ايام ما كانت هناك فرجعت على فرح ومرتاحة وياها.... وفرح هي اللي ولدتني والحمد لله ولادتي كانت تمام ويارب هالمرة بعد يكون كل شي زين

كيران الحين في ابن النفيس العيادات أجار يعني كل دكتور يدفع للعيادة اللي هو فيها عشان جي تشوفين خمسة دكاترة بنفس العيادة حق يكون كل واحد فيهم يدفع اقل شوفي كيران العيادة اللي هي فيها معاها اربعة دكاترة من تخصصات مختلفة اذا مو اكثر مهدي حسن وبشار السيد وهي وما تحضرني باقي الأسماء الحين

يعني انا يوم رحت ابد ما ارتحت حتى الممرضة على طول تنسى تسوي تحلليل بول أكرمكم الله وكذا مرة أذكرها بس ما في فايدة هذا غير ان كيران ما تعطي المريضة فرصة للسؤال وكلا تركض بالكلام عشان تلحق على كل مواعيدها

والأهم من هذا كله فرح أقلتها قبل لا تبدي اي شي تسمي باسم الله وتصلي على النبي وآله وهالشي بحد ذاته يطمن ويريح الحامل وحتى وقت الولادة :)

وهي وجهات نظر وكلن له رايه ومرات سبحان الله من النظرات ما ترتاحين للشخص ما بالك حمل وولادة وربي يسهل عالجميع(f)

فرح العراقيه!!

اهيي في التخصصي

بس انه حجزت عند الكا في الامريكي يقولون زينه واستشاريه ومن زمان في الشغله

واسعار الامريكي في متداول الجميع

ام الجود.;8517226:
هلا حبيبتي
انا بصراحه على طول اتابع مع دكتوره منى الشرقي وايد ممتازه والكل يمدح فيها
كنت اتابع وياها بحملي الاولي والحين بالثاني بعد اتابع على طول عندها..
انصحش فيها من ناحيت المعامله والمتابعه..

امم

انزين .. وقت الولادة تجي وياج المركز لو شنو ؟؟

لو انتي تابعين بمستشفى خاص وعاام ؟

انه اتابع عند منى الشرقي ومارحتلها الا بعد ماسألت والاكثريه مدحولي اياها
وصج عجيبه تاخذ تعطي معاج وتجاوبج على كل اسئلتج
وكيران بعد سمعت زينه ايام التخصصي بس الحين ماعرف

ما عندي فكرة عن التخصصي !!!

اني حجزت عند ألكا في الامريكي .. ومواعيدها بلغصب تتحصل ... اول مارحت عطوني عقب شهر ... بعدين حصلنه واسطة ودخلت امس :D احسها زينة وواجد ناس يمدحونها ...

زينب الجفيري بعد تمام ماعليها حجي .. كنت ابي اروح عندها بس نفس المشكلة المواعيد بعييييييييده !! لو حصلتينها روحي عندها والله يتمم لش ولينا على خير ان شاءالله :)

مرحباا..

اني ماعندي فكره عنهم

بس حبيت اسال عن الاسعار عند الدكاتره الي قلتوهم.. عن فتح الملف وعن الموعد وعن الولاده عندهم اشلون اسعارهم.. كم؟

واذا رحتو لهم ماتروحون للحكومي؟

جوفي خيو ... نسيت بعد اقوللش عن دكتورة ساندو في الطب الخاص السلمانية واجد زينة بعد .. بس اني رحت لها طلعت مسافرة !!! اول زيارة تدفعين 10 وبعدين كل دخله 6 دينار !!! ساندو فنانة وقديمة عندها خبره !!


في الامريكي مادري جم دفع زوجي بس اتوقع اول زياره وفتح فايل 20 وبعدين 15 اتوقع

aشلونكم بنات
بس حبيت اسال عم اسعار الدكتورة فرح في التخصصي
انه يوم كنت حامل اتابع في العسكري عند الدكتورة موزة وايد زينه
من ناحية المعاملة

انا كثيرة الاسقاطات وعلشان جذي اعرف اغلب الدكاتره المعروفه نبيل رزق الله ، احمد بركات ، موزه ، عابده ، دليوال ، ساندو ، منى الشرقاوي ، هدى شريده ، بانو ، واخر شي فرح النعيمي عند فرح بس استقر حملي والحين باييب الثاني ان شاءالله هم معاها وكانت ولادتي متعسره في ولدي كان موصخ وانطرت علي لين وصلت للمرحله الاخيره من غير ماتستعيل علي مع انها كانت خايفه على البيبي يتسمم لانه كان يشرب من ماي البطن واهو موصخ فيه بصراحه دكتوره بمعنى الكلمه ومثل ماقالوا تسمي وتذكر الله وتدلع حواملها تحبين تروحين لها وتعلق تعليقات حلوه على تصرفات البيبي في البطن تخليج تترقبين موعدج الياي معاها في ولدي كانت الدخله عليها 10 دينار والحين 26 دينار 16 الالتراساوند و10 الاستشاره اما الملف اتوقع فوق العشرين نسيت والله يتمم على الجميع حملهم يارب

كيران في ابن النفيس تتكلم عربي ؟؟

للررفع

انا سمعت ان زينب الجفيري وايد زينة
من ناحية الأخلاق و تشخيص وهم مو مكلفة مثل فرح