الإستفسار عن لعبة تعليمية..
مناهل78
20-01-2009
23 رد
2,567 مشاهدة
السلام عليكم أخواتي الغاليات... حبيت أستشيركم بهذه اللعبة.. صديقتي ماخذتها لعيالها وتقول وايد مفيدة.. عجبتني الصراحة الكاميرا تحتوي على تصوير عادي وتصوير فيديو وألعاب تعليمية وتركيب أشكال وشخصيات على الصور.... أنا عندي جهاز الكمبيوتر التابع لهذه الشركة والصراحة وايد أستفدت منه .. يعني عبودي ماشاء الله تعلم منه اللغة الإنجليزية لأن الأشرطة تكون تعليمية حتى لو كانت على شخصيات..
أقول لصديقتي اللعبة من سن 3 سنوات معقولة الأطفال بهالسن يعرفون يصورون ومن هالسوالف تقول أي بنتي تعلمت وايد وماشاء الله صارت مصورة ... فمادري هل أشتريها أو لا؟؟
اللي جربتها من قبل ممكن تفيدني بمدى إستفادة طفلها منها؟؟
وهذي لعبة الكمبيوتر اللي عندي بالبيت وأشرطتها تنباع منفصلة... اللي عندي لونها برتقالي.. بس الصراحة مستفيدة منها .. ولدي ماشاء الله تعلم منها الكثير.. للعلم هذي تنباع في Early Learning Centre
شوفي حبيبتي
على حسب طفلك إذا حسيتي عنده استعداد ليش لأ
في المحلات اكبيره اكيد بيكون عندهم وده مفتوحه تشوفيها و تجربيها
وريها لولدك إذا حبها ليش لأ
تسلمين أختي ريم.. لا راح أطلبها من النت لأن تكون نص القيمة صديقتي خذتها بـ 25 دينار (250 درهم) وفي البحرين 48 دينار (480 درهم) شوفي الفرق... باشوف إذا أخلي ولدي يجرب من اللي عند بناتها وآنه حبيت أسويها له مفاجاة مستقبلية...
شكلها خوش شي
شجعتينها ناخذها
مشكوورة ام عبدالله
ما شاء الله
عجبتني اللعبة
اختي ممكن تعطيني الموقع
ر
ريـــــ أم ــــم
عروس مبدعة
20-01-2009 | 05:41 PM
انه بنتي عندها الكمبيوتر وواجد مستفيده منه خصوصا لما راحت الروضه وبدو يعلمونها الحروف والارقام
الكاميرا احسها حلوه وتساعد على تنمية مواهب الطفل
ممكن اعرف وين تنباع ؟؟
هلا رانيا
أنا اول مرة اشوف هل لعبة بس لو مكانج اشتريها شكلها وايد زينة و تنمي مهارات عند طفلج..
و ممكن يصير مبدع في التصوير
بالعكس شجعيه و عليه بالعافية
كان نفسي افيدك بس للأسف ماعنديش فكرة
ان شاء الله البنات تفيدك
بس واضح حبيبتي انك معجبة ومقتنعة بيها
والله يارانيا عجبتني هالكميرا كتييييلر شكلي بدور واجيبها
بلكي شامو بترحم جوالي شوي حاكم يامين شايفها ماسكة الجوال وعم تصور محمود واركان البيت ههههه
جيبيها رانية وسعرها حلو كتييير بقصد 250 درهم حلو
هلا ام عبدالله واله ودي افيد بس بصراحه ماعمري شفتها بس تحسين ولدك راح يستفيد منها ليه لا
اعجبني الكمبيوتر مررره شلي باخذ لبدوري مثله بدل هالسوني الي قرفني فيه طوال وقته عنده الا انت بكم ماخذته وبكم الاشرطه شكلي شتريه على عيد ميلاده بعد اسبوع
و الله انا مو سامعة عنها
بس فكرتها حلوة تنمي مهارة عند الطفل
انا انصحك اشتريها بس قبل خلي يجربها
cute mother أي والله أنا بعد من شفتها عجبتني...بس الحين يوم تأكدت من صديقتي قالت مو مركز التعليم المبكر اللي بالبحرين شايفتها لا شايفتها بفرع مجمع الراشد بالخبر وكانت بتشتريها ويوم رجعت البحرين شافتها بالنت بنص القيمة وطلبتها...
أم سيد علي.. راح أرسل لك الموقع على الخاص..
أم ريم.. اي والله الكمبيوتر وايد مفيد وعبودي تعلم منه أشياء كثيرة والكاميرا موجودة بفرع التعليم المبكر بمجمع الراشد بالخبر..
reddish مشكورة أختي على تتشجيعك.. أختي بعد تقول نموا عند الولد هواية مفيدة من الصغر يكون تكبر معاه ويكون موهوب فيها....
miss mm.. شكرا أختي على مرورك هذا يكفيني.. أنا حبيتها وراح أشتريها إن شاء الله...
الدمشقية.. أي والله عيالنا ذبحوا الموبايلات من التصوير.. والله أحيانا أفتح الصور الا أشوف سقف البيت.. أصبع أبوه.. أخواني وهم ياكلون... يمكن هاللعبة تحل المشكلة شوي وماراح تخسرك صور ممكن تنزلين الصور المصورة على الجهاز وتحتفطين فيها...
omdoody الكمبيوتر عجيب.. أنا شريته من الإمارات بداية 2008 وسعره 40 دينار (نفس سعر مطار البحرين) والأشرطة كانوا ب 9 دينار بس الحين أشوف أسعارها زادت وصارت ب 11 دينار.. بس الصراحة مفيدة تعلم الأطفال الحروف والأرقام والألوان والأشكال بالإنجليزي.. أحسن لهم من هالجيم بوي وربعه كلها مضارب وعنف...
أم عمار القمر.. تسلمي على المرور.. راح أشتريها بإذن الله وباخلي ولدي يجربها إذا رحت زرت صديقتي...
انا احسها تعليمية وان شاء الله راح يتعلم عليها انا شفتها في تويز ار اص اللي بالبحرين ب 400 وشويات
وعجبتني مررة لاني احب التصوير وحابة يكون ولدي مثلي ان شاء الله راح اهديها اياه بعيد ميلاده القادم
أهلا أختي أم حسن..صدقتي اللعبة مفيدة أنا أقصد الكمبيوتر هل هذذي اللي تقصدينه.. بس سعرها ب 40 دينار حتى بالمطار نفس الشي.. وعن الكاميرا قلت قبل لا تسرع وأشتريها باجرب اللي عند عيال صديقتي وأشوف ردة فعل عبودي عليها....
انا اشجع الالعاب التعليمه منها لعي يسلى الطفل ومنها الفايده
خديها وشجعي طفلك عليها
أحب جداً هالنوعية من الألعاب بس برأيي ما تكون مفيدة إلا لما نتأكد أن الطفل عنده استعداد للتعلم منها واستخدامها صح
أنا عجبني الكمبيوتر جداً جداً ممكن رانيا فضلا لا أمراً معلومات أكثر عنه ... شكلي بآخذه لكتكوتي للمستقبل أو بالاصح بخليه على قائمة المشتريات المستقبلية الضرورية
ورود ناعة أسعدني مرورك وتشجيعك..
رقم.. بخصوص الكمبيتر.. هو من شركة vtech معروفة هالشركة تعليمية.. بخصوص الكمبيوتر في للأطفال الصغار وفي للأطفال الكبار من 3 سنوات.. وفي لفوق العمر عشر سنوات... ا
الكمبيوتر اللي عندي من 3 سنوات. شريته لعبودي وهو له 3 سنوات ونص.. في البداية كان مستصعب الموضوع وماحب يلعب فيها بس نوعت له بالأشرطة وأشوف شوي شوي حب اللعبة خصوصا بعد ماتعلم الحروف والأرقام بالإنجليزي لأن اللعبة كلها باللغة الإنجليزية فالطفل اللي ماله بالإنجليزي راح يستصعبها بالبداية.. بس كنا أنا وأبوه نجلس معاه ونشرح له الكلام اللي ينقال وشنو المطلوب وماشاء الله بعدها تعلم.. حتى شريت له شريط نيمو وكله متعلق بالبحر والحين ماشاء الله يعرف اسماء الأسماك بالإنجليزي.. وهذا الجهاز ممكن تشغلين عليه الأشرطة لعمر 3-5 او 4-6 .. ولما تشترينه من البداية يعطونك معاه شريط مجانا أنا حصلت ويني ذه بو....
وهذي شكل الكمبيوتر اللي عندي وبعدها راح أحط الأشرطة وتفصيل عن كل شريط..
الشريط الأفضل كبداية.. تعليم الحروف والأرقام والألوان والأشكال...
شريط نيمو.. حلو.. يعلم عن كائنات البحر واسمائهم بس مو حق بداية يعني افضل شريط ويني ذه بو حق تعليم الحروف والأرقام..
شريط كارز.. شوي لسن أكبر.. فيه ألعاب سباق وفيه تعليم الجمع والطرح.. يعني أنا وصيت صديقتي تشتري لي من ماليزيا لأنه أرخص بس لما شرته طلع شوي كبير لسن ولدي بس باخليه للمستقبل..
مشكورة أم عبدالله ما قصرتي ... وواجد حبيتها اللعبة شكلي بعتبرها من الأولويات أول ما أودي كتكوتي الروضة
نفعتيني يا ام عبدالله بالكمبيوتر يعني لو ابي اشتريه من التعليم المبكر اللي بالسيتي اقدر احصله؟؟
لاني ناويه هالايام اشتري له بي اس بي مع العلم ولدي عمره سنتين وشوي بس يحب الالعاب الالكترونيه
بجم شاريته؟ و قيمه الشريط الواحد جم و بعد من التعليم المبكر؟
سويتي الموضوع تبين تسألين جان احنا نسال فيك خخخخخخخخخخخ
أختي رقم.. إن شاء الله بعد مايدخل الروضة تشترينها له...
أختي مراوي... لا عادي أختي اسألي أحنا بالخدمو (بس صج تحولنا من سالفة الكاميرا إلى سالفة الكمبيوتر) .. أختي ماظن فيه في فرع البحرين... أنا شفته في مطار البحرين بس لما رحت الإمارات خذيته من مركز التعليم المبكر عندهم... وبالبحرين في تويز ار اس شفته... بس في فرع السعودية كل شي عندهم حتى هالكاميرا...سعره تقريبا 40 دينار والأشرطة أيام ماشريتها كانوا ب 9 دينار بس الحين صاروا ب 12 دينار....