نفسيتي تعبت شسوي انصحوني؟؟

السلام عليكم حبيباتي انا اول مره اشارك بهل قسم
وانشالله ما ازعجكم

مشكلتي بتدأت من ثلات تاريخ 25-5-2006ولين الحين اعاني منهاا كنت وقتها مخلصه الثانويه
وفي شركات بقطر تفتح قسم للمتدربين فترة الصييف وطبعا اختي قدمت لي بقسم التأمين الصحي وقبلوني وبدأت اداوم بهل مكان وكان جو يديد علي وكنت فرحانه بوظيفتي والموظفين بدو يتعرفون علي وعلى اسمي عمري وانا ماكنت اعطي احد ويه ولأن اختي تشتغل بنفس المكان بس بطابق ثاني الكل يجي يسألني انتي اخت فلاااانه سبحان الله غير فرق بين السما والأرض وما كنت ازودهااا والي كان يتلعب بكلامه اوقفه عند حده


المهم بعد شهر من دوامي كان الكمبيوتر مالي مايشتغل قلت لمديري وقال لي اتصل على ((الأي تي )) وحد بينزل وبيسولج الكمبيوتر طبعا انا استحي توني يديده قمت واتصلت على اختي وقلت لها قالت سبحان الله من حظج اليوم رد موظف من الاجازه السنويه وهو زميلي وايد طيب المهم يت اختي والشب وعرفتي عليه وهو انصدم انه اختي لها اخت تشتغل هني ومايعرف<<<<<< :8884:ستحيت خخخخخخخ وبدأ الأعجاب من نحيته كل يوم يتصل على المكتب يصبح علي المهم يقول اختج اعملها مثل اختي اعزها واساعدها بأي شي تتطلبه
ويوم من الأيام تجرئت وقلت له ليش تتصل فيني وانا مابيني وبينك شي << ترا اكون اوقات وقحه مع الناس الي تعدى حدودها.

وقلت له انت تعتبرني مثل اختك تم ساكت وقال انا حاولت اعتربج مثل اختي بس ماقدرت
مادري ليش قلت والمعنى قال لي انا انعجبت فيج وحبيتج واتمنى تكوني نصفي الثاني طبعا هني انا تشققت :tears:وبنفس الوقت خفت

وبدت الاموور بسرعه وانا بكل صراحه حبيته وبديت ايميل شوي شووي بس ما ابين له وبعددددددددين قلت لختي عن هل شي قالت لي ادري وهو كلمني بخصوصكم ويقول يبج انا فرحت
وطبعا طلب رقمي وانا ما عطيته وعطيته ايميلي وتم يكلمني يومينا بالساعاااااااات بالليل لين الفجر
ونيجي انا وهو ع الدووم راقدين المهم وبعد جهد دام شههرين اعطيته الرقم :ss::whistling:

وبعدها صرنا تنكلم ع التيلفووون خلاص حبايب وصار كل ماجيب سيرة الأرتباط يتغير الموضوع
وبعد مرور 11شهر كنت امووت فيه وما اتحمل ازعله والله تغيرت ماقمت اطلع من بيتنا كله بغرفتي اكلمه والكل انتبه علي وكان دوم يزعلني منه ويصارخ علي واوقات يسبني :(انا كنت اقول هو يسوي كل هي علشان مصلحتي وارجع وادوس كرمتي علشانه واراضيه المهم بالتحديد شهر يوم 10-3-2007بدا يتقدمولي ناس وايد وانا ارفض يمكن داك الوقت تقدمولي اكثر من 6اشخاص ويجون يشوفوني واعجبهم وانا كنت دوم اتحجج لأمي واقولها ما بي

ويوم فاتحته بالمووضوع قالي شوفي نصيبج انا هلي مب راضين اني اتزوج وحده انا اعرفهاا
يبوون يزوجوني على طريقتهم انااااااااااااااااااااااا انصدمت اني مت صياااح انقهرت عايشه جسد من دون الروح وهو من كثر صياحي صار يصيح على صياحي وانا قلتله انت واحد كذب عقب ماعلقتني فيك تقولي شوفي نصيبج المهم تركته تقريبن شهرين يتصل ما ارد يطرش مسج ما ارد الله يسامحه وتعبت ودخلت المستشفاااا وكلمني من تلفون اختي وقال لي والله اجبج
وانا امووت عليه
رجعنا لبعض بس تغير وكان دووم يسافر البحرين ويوم يسافر يسكر جهازه واانا ماكنت ادقق معنه اموووووووووووووووووووووت من داخلي بس ابين له انه مايهمني وين يروح وايش يسووي ومضت الأيااام على هل حااال لين تاريخ 11-11-2008واني كل واحد يتقدملي ارفض لين اخر واحد تقدملي ولد حلال من عايله محترمه وانا رضيت فيه وجا وقت الشوفه الشرعيه طبعا حبيبي تخبل قال لي لا مافي انا احبج مابي احد يشوفج انا ما سكت له قلت تبيني تعال بيت هلي خلهم يشوفو طولك وسكتني طقعتله وجا المعرس وعجبته وعجبني وانا وافقت عليه بس
بيوم من الايام صحيت من النووم وقلت حق امي تقول لام المعرس ما ابيه قالت على راحتج
وحبيبي واعدني انه اخر هل شهررررررر يتقدملي بناااااااااااات اي اسوووووووي والله تعبت وتعبت امي واختي معااي وانا احب حبيبي واتمنى يكوووون ابو عيالي اهوووو مابي غيره ايش اسووي ادا ماجى اخر الشهر ايش اسوووي علموووني والله تعبببببببببت تعببببببت؟؟؟؟:BYE2:واسفه ع الطاااااله والسموووحه