طلبتكم بنات البحرين

هلا اختي

انا اشتريه من (ميغامارت) الي في محرق وفي فرع له في مجمع الولو
وتلقينه بعد في عالم الاعشاب في سوق محرق
انه استخدمته فتره وكان شعري اوكي ولكن من تركته رد شعري يتساقط ويتقصف

من جذي هديته (تجربتي الشخصية)

وكل بنت تختلف طبيعة شعرها عن غيرها

اتمنى قدرت افاديج

مشكورة حبيبتي شهد العسولة
اسم على مسمى يا عسل
والله يحقق الا في بالك

واللي تدلج على اللي أحسن منه؟؟؟؟؟؟

في صيدلية المواساة في المحرق
في منتج ياباني إسمه كمينوموتو هو عبارة عن تونك (مثل الماي) تحطينه على الجذور في نوعين فضي وذهبي مع شامبو. التونك كل واحد بـ 12 دينار و الشامبو 5.800 دينار. بس يسوى بصراحة وعن تجربة.

وهذي صورته



طريقة الإستخدام:
تحطين الفضي مرتين في اليوم صبح وليل لمدة يومين واليوم الثالث تغسلين شعرج بالشامبو، وبعد الغسال على طول تستخدمين الذهبي مرتين في اليوم صبح وليل وهكذا بس مو تخلطينهم مع بعض لالالالالالالالالالا استخدمي واحد وإذا غسلتي شعرج إستخدمي الثاني. وراح اتشوفين بعينج التساقط يخف وايصير شعرتين ثلاث في اليوم والحلو أنه يطول الشعر بعد.

فاللي أبغيج تسوينه أنج تقصين شعرج إذا طويل حد الكتف (يعني إذا كان طويل ويتساقط وش أسوي به)
وإستخدمي هالتونك وإدعي لي.

وعلى فكره

لو حبيتي نتايج أحسن لا تتركين تدهين الشعر يعني هالتونك يعالج الجذور وأنتي تحتاجين عنايتين للشعر للجذور ولبقية الشعر. فإستخدمي زيت النارجيل الأصلي، أو دابر الياسمين أو فاتيكا بالنارجيل مسحة خفيفه عشان ما يتجفف شعرج.

أنا ما قلت لج هالشي إلا بعد تجربة المنتج 3 شهور وما أظن في يوم راح أتركه لأني تركته فترة وتساقط شعري، واتعرفين الإهتمام بالشعر لازم دوم مب يوم.

كنت أستخدم كل المنتجات لمدة 3 شهور والحين أستخدم الذهبي بس مع زيت دابر والنتيجة التساقط خف من ثاني إستخدام للزيت يعني أنا أغرق شعري بالزيت وعقب ما أغسله أحط المنتج الذهبي.
وقت الإستحمام لازم يتساقط الشعر بس في حدود المعقول يعني 20 شعره تقريبا، ولما أنسل شعري 5 شعرات تقريبا، وقبل كان يطيح بالهبل يعني لما أنسله البروش ينترس ويصير أسود.

الحمد لله على كل حال

قطاف وين مكان صيدلية المواساة ؟؟ قريب من عالم الاعشاب ؟؟

مشكورة حبيبتي قطاف
ويارب تقطفين من ثمار الجنة

وراح احاول احصل على هذا المنتج

صيدلية المواساة في المحرق

وأنتي جايه من الجسر الجديد خلج سيده لين توصلين للفه مجمع ماكس وروحي شويه سيده لي الدوار الصغير وروحي بعد سيده بعد الدوار بتشوفين الصيدلية على يمينج.

هي الوحيده اللي تبيعه في البحرين لأنهم الوكيل، عاد ما أدري إذا يوزعون مكان ثاني أو لا.

يبالنا ندور عليه

الله ينور عليج دنيا واخره قولي امين

مشكورن جميعا