اسوي كذا او لا ؟ ( فقط استشاره عاجله)

بصراااااااااااااااحه أنا اشوفها شينه اني اطلع زوجي
من غرفته عشان ضيفه مهما"كان قدرها عندي
واذا ضروفكم زينه اشتري سرير خاص للضيوف او مرتبه
طبيه احسن من هالطريقه

هلا و الله

ما شاء الله عليكي بتكرمي الضيفه

اختي إذا هالضيفه قريبه فلا مو مشكله جيبيلها فرشه و ان شاء الله بترتاح

و إذا غريبه بعد مو مشكله تنام بره و انا ما احبذ بعد لا الغرب و القريب يدخل غرفه النوم

اصلا هي ماراح ترضى انكم تطلعون من غرفتكم وبعدين نومة الحامل على الارض ماتضر ماضرت امهاتنا زمان

عادي حبيبتي هاتي الها سرير محمووول يعني مثل مرتبه عريضه تقدر ترتاح عليها و حطيها ف الغرفه الثانيه الها ...

لا اطلعين ريلج من الغرفه ... و الله يسعدكم

الصراحة وعن تجربة نومة الارض تكون صعبة على الحامل خصوصا اذا كانت بطنها كبيرة ..و امهاتنا و جداتنا اصلا كانوا متعودين على نومة الأرض ....لكن برضة مو حلوة تطلعي زوجك من غرفته ... و كمان لو نيمتيها في الصالة مو حلوة انها تكون ممددة في طريق زوجك وقت دخوله و خروجة من البيت... عارفة:eek: قفلتها في وجهك بس يعني ماعندكم غرفة اطفال او حتى غرفة فاضية حتى استعيري لها سريرك القديم من بيت الوالد وحطيه فيها و فضي لها كم درج تحط فيهم اغراضها

اختي اذا عندج ميزانية تكفي اشتري سرير بسيط مايكلف وايد

وحطيه بالصالة ووبس واذا ماتقدرين ع السرير اشتري طرااحه وحطيها ع الارض عادي

وترى مابتتعب الحاامل بالعكس جنها على سرير

وتحملي تطلعين من غرفة نومج انتي وريلج ترى مب حلووة كللش

حبيبتي مو زين تدخليها غرفة النوووم
بعدين لو زرتيها اكييد مابتنومك في
غرفة نومها
عاااادي حطي طراحه وووبس

ومو حلوة تخلينها تنام بسرير ريلج خصوصا اذا كانت غريبة ( يعني مو أخته ولا أمه او خالته او عمته )

عادي حطي لها فرشة مرتبة والله يحفظج ان شاء الله

عزيزتي .. غرفه النوم بالنسبه لاي مرأه منطقه محظوره .. وخاصه جدا...

الافضل غاليتي تشترين لها مرتبه خاصه مرتفعه قليللا ويفضل ان يكون من النوع الطبي .. وان شاء الله ترتاح ..

ام جنى

انا رأيي من رأي الأخوات ... والله هي حيرة بصراحة ...
لو تاخذي المراتب اللي تفتحيها وتكون سرير في نفس الوقت أفضل اذا كنتي تقدري

الله يعينك

العتب

بنات هي تصير مرت ولد عم زوجي

وحنا ببريطانيا صعبه اشتري والبيت جحر

وش الدبره اخليها ع الكنب بالصاله بس
والله حرررام انا عارفه ان غرررفة النوممم محظوره للجميع بس والله جربت نومت الارض بغيت اموووت منها

مافي راي ثاااني
اتمنى ترجعووون تردووون علي

حجزيلها فندق اذا بتجي جم يوم

قوليلها مااقدر انومكم ببيتي لان بيتي صغير و اجريلها غرفه بفندق

عادي خليها تنام في اي غرفه ثانيه في بيتج

فديتج لا اطلعين زوجج من الغرفه .... مب حلوة !!

اشتري لهاا شبريه او شوفي حد من اهلج عندهم شبريه زيـــااده ..

بصراحه اذا هي ضيفه ومقربه بعد بالذات اذا كانت مع زوجها صعب تنوميها بالصاله وانا عارفه ان بيوت بريطانيا ضيقه لاني عايشه فيها , انا عن نفسي انوم ضيوفي في غرفتي لان مهما كانت هي ضيفه يعني مو كل يوم عندج , حتى الناس الاي ازورهم في بريطانيا ينوموني في غرفة نومهم , احسه عادي , اذا على اغراضج الحاصه حطيهم في الكبت وسكري عليه , او في صندوق , طبعا في النهايه اللي ريحج ,

احس مو حلوه تخلين الضيفه بغرفه وتطلعي انتي وزوجك برا
اذا هي قريبه عليك ف عادي حطيلها فرشه وبترتاح ان شاء الله
واذا ظروفكم تسمح في مثل الفرشه تكون خاص للضيوف مريحه وبعد ما تروح تقدري تسكريها وتحطيها بمكان مرتب

خليها تنام على الكنب
اصلا اظن هي بروحها ما راح ترضى انك تطلعي من الغرفه مع زوجك
وبكذا بتحس انها ضيفه ثقيله عليكم ويمكن ما بترتاح ف جعدتها معك لانها عارفه مثقله عليكم

مو حلوة تطلعين زوجج من الغرفة
وكلش كلش مو حلوة تخلينها في الصالة يمر عليها زوجج في الداخلة والطالعة
شي أهون من شي
لو كنت مكانج بنام معاها في الغرفة وبخلي زوجي ينام في الصالة وكلها جم يوم ما راح تفرق في شي
وإذا تحبين حسبيها بطريقة ثانية وإخذيها فرصة تكونين شوي بعيد عن زوجج عشان يشتاق لج

انا عندي حل اعتقد يرضي الكل
انتي وياها نامي فحجرة النوم منها تكونين مامنه على اغراضج ومنها تكون راحة ضيفتج ،، وريلج برع على الكنب ماعتقد ريلج يقول شي لنها تقربله ويهمه راحتها
ولا شو رايكم بنات ؟؟؟؟؟؟؟