انا اترددت كتير عشان اكتب الموضوع ده بصراحه كنت مكسوفه يعني استحي بس كل واحده كاتبة يوم حلو قضته مع زوجها او خطيبها شجعتني اني اوريكم افكاري البسيطه
اولا انا مخطوبه ومن مصر واتخطبت بعد قصة حب جامده جدا هههههههه
كلها دموع واهاااااات بس الحمد لله اخذت رجل احلامي عقبال كل البنات يارب
المهم هدخل في الموضوع لا تكرهوني بسبب الرغي اي الكلام الكتير
انا خطيبي يجيلي يوم في الاسبوع وكنت بحضرله مفاجأ ليوم حلو كا يوم عيد ميلاده
نسيت اقلكم ان انا وهو الفرق بنا 5 ايام فقط في العمر فبنحتفل بعيد ميلادنا سوا في يوم واحد
المهم
نزلت جبت الهديه وكانت بيرفن من شركة ايفون لاني عضوه فيها
وكمان جرفاته اي رابطة عنق
وكمان طقم لازرار البدله ودبوس الجرافته
ولفتهم لفه علي زوقي
واحنا بنجلس دائما في غرفتي لان فيها الكمبيوتر
وضبة السرير وحطيت مفرش جديد وحطية الزينه علي هيئة قلب كبير وحطيت الهديه في الوسط ووزعة قلوب كانت عندي في الغرفه
بس للاسف الصوره مش عايزه تتحمل عشان حجمها كبير
وبعدين حطيت في الصاله بلالين وزينه
وعملت اول حرف من اسمه واول حرف من اسمي بالزينه علي الحيطه
وجبت تورته حلوه من بره
وكمان عملت كرات شوكولاته انا عملتها بايدي
واول ما جيه اغلقت النور وفاجأته
وبعدين اهداني دبدوب كبير احمر
وساعه شيك جدا وقلم روج
واحتفلنا بعيد ميلادنا ومعاني والدي ووالدتي واخواتي واخواته ووالدته بس كان يوم جامد جدا
وكنت فرحانه انا وهو جدا لانه مكنش متوقع كل ده
ادعلنا ان رنا يجمعنا في خير
ويارب يومي البسيط يعجبكم