راح اعرض طرقي اللي استفيد منها من الكيك الباقي والخبز
يعني بعد اليوم لاتكبين شي
واتمنى اللي عندها طرق ثانيه تكتبها
راح ابدآ بالكيك أي ابيض او شوكولاته
الكيك الباقي اذا كان قليل اقطعه شرائح رفيعه واحطه في كاسات واحط في الخلاط(كيس دريم ويب_حليب نستله اسويه في البيت_حبتين جبن كيري او مثلث _كيس كريم كراميل )اخلطعها وابقي منها شوي واعبي الكاسات من الخلطه
الباقي احط عليه شوكولاته بعدين احطه على الكاسات راح يطلع لذيذ
الكاسه مثل هذي
او اذا كان كثير افتته وارصه في الصينيه واحط الخلطه اللي فوق على الكيك واحط
جلى أي نكهه سويه بطريقته العاديه وكبيه فوق الخلطه شوي شوي وعلى الثلاجه
نجي للخبز
اذا كان صامولي
قطعيه شرائح وادهنيه ب(مايونيز ملعقتين+جبن سايل)وحطي عليها جزر مبشور وخيار مبشور وحطيها في الفرن شوي بس
او اخذ ثلاث صامولي احطها في الخلاط مع نص كاس سكر - نص كاس زيت - بيضتين – ملعقه بكنج بودر- شوي فنيليا)
احطها في الفرن من تحت بعدين فوق
واذا طلعتها احط عليهاخلطه مكونه من (نستله –ثلاث حبات جبن- ظرف كريم كرامل)
ادخلها شوي على حراره الفرن بعدين الثلاجه
نجي الحين للخبز العادي
كوني مجهزه خلطت البيتزاء وحطي منهاعلى رغيف الخبز وشوي جبن كانك تسوين بيتزاء بس بدون عجن
ودخليها الفرن شوي عشان تذوب الجبنه
او حطي عليها زعتر
هذي بعد ماطلعتها من الفرن وقطعتها البيتزا والزعتر
او قطعيها مثلثات صغيره وحطي عليها شوي زيت زيتون وزعتر وحركيها عشان يتوزع فيها الزعتر(هذي شفتها في فتافيت)
وقدمي جنبها لبنه راشه عليها شوي سماق
او اذا كان عندك باقي حشوت دجاج او لحم خذي شوي منها واخلطي معها بيضه و احشي فيها الخبزه واضغطي عليها وحطيها في قصدير وسكريها زين وعلى الفرن من فوق وتحت لحد ماتستوي من داخل البيضه
شوفي بعد ماطلعتها وقطعتها
صوره جماعيه
يالله الحين قومو قدامي على المطبخ
شوفو ايش عندكم من الخبز وطبقو عن الكسل مافي ابسط من كذا منقووووول
