اليوم اقدم لكم طبق بسيط جدا وماياخذ نص ساعة وخفيف ولذيييذ
الطريقة والمقادير
سمك صافي ننظفه زين وننظف البطن
نتبله بالملح والبهارات
نجهز الحشوة
بنحتاج الى بصل مقطع مكعبات صغيرة
نتبل البصل بالبهارات ورشة صغيرة ملح ورشه ليمون اسود مطحون راح يعطيه طعم (y)
نحشي السمك بالبصل مع ضغطه داخل السمكة حتى مايطلع معانا كله عند القلي
نتركه يرتاح شوي
نقليه في الزيت هني راح تلاحظون ان بعض البصل راح يطلع عادي خلوه ينقلي شوي وخليه على جنب واذا بقى عندك حشوة اقليها في النهاية< بعدين اعلمكم ليش
بعد ماقلينا كل السمكات يقدم
يقدم مع الرز الابيض والزبدة ونزينه بالبصل اللي طلع من السمك وقت القلاي
وبالعافية على قلوبكم
اتمنى يعجبكم
بانتظار ردودكم وتقييماتكم الحلوة :)
