احبه من كل قلبي.....ولكن........

السلام عليكم ورحمة الله وبركاته :

ياأختي الغاليه والله لو هو من جد يحبها وشاريها ماراح يتحجج ويتعذر بأعذار واهية
وعنده الف طريقة وطريقة مثلا يقدر يقول ان واحد من اعز اصحابي ذكر لي ناس طيبين
عندهم بنت في سن الزواج وقلت يالله اتوكل على الله واتقدم والله يقدر اللي فيه الصالح
وراح اقولك قصة أصغر واحد من أعمامي قبل لايسافر يكمل دراسته كانوا اهله مخططين انه لما يرجع يخطبون له بنت عمه يعني الامر أوكيه
المهم لما كان برا حب له وحده وقرر انه يتزوجها ,يوم خلص دراسته وأخذ الدكتوراه رجع لأهله وحطهم أمام الأمر الواقع قال لهم ترى بنت عمي مالي فيها نصيب واني خطبت وحده من برا وراح اتزوجها , طبعا مااقولكم
انهم وافقوا على طول لكن مع اصراره رضخوا للأمر الواقع وتزوجها والحمدلله وجاب منها العيال وعياله الحين في سن الزواج
وعلى فكره انا مااقصد من ذكري لقصة عمي انه لازم يصر ويعاند او يحطهم امام الامر الواقع بس انا ابغى اوضح قدرة الرجال لمايبغى يسوي شئ معين بيعمل المستحيل ولايتحجج بأي حجه

أما مسألة انه الاهل مايعرفون الاهل ولاقد شافوا البنت فهذا شئ طبيعي , بالله عليك كل اللي متزوجين كانوا الاهالي يعرفون بعض لا , حبيبتي هذا نصيب يعني الواحد مايدري وين راح يكون نصيبه

عموما اتمنى من كل قلبي انه يكون صادق ولايتلاعب بمشاعر هاالانسانه واذا ربي كاتب لهم نصيب
راح يأخذونه , وقولي لصاحبتك لو ماصار نصيب لاتدفن نفسها بالهموم والاحزان والدنيا ماتتوقف على انسان
معين يمكن تستغرب من كلامي وتقول لأني ماجربت فماراح احس فيها لكن وربي يعلم كيف انا حاسه فيها
لاني مجربه أضعاف أضعاف ماتتوقعه لكن سلمت أمري لله

دعواتي الصادقه لها من الأعماق أن يتمم لهم ويجمع بينهم بخير ويرزقهم بالذرية الصالحة اللهم آآآآآآآآمين


أختكم المحبة لكم : أحاسيس

أحاسيس

انتي كلامك 100% :up:

الرجال يعمل المستحيل اذا يبي الشي

و يقدر يطلع الف حجه

حبيباتي الله يديكم العافيه
انا احكيلكم الظروف مظبوطه عشان تفهموني زين:
اولا:الخوف على البنت لايدرو اهلها باالسالفه
ثانيا:اهل الولد اول مايجون لاهل البنت يخطبونها راح يسألون انتم جيتوا عن طريق منوا؟؟؟ولا من وين عرفتونا؟؟؟؟ومين دلكم علينا؟؟؟؟هذي اسئله اهلها قد سئلوها لعرسان قبله جوه .....وبعدين مين قلكم اني ماقلتلها هاالكلام ....بس انا اعرف اهلها والله لو دروا انها كانت تحبه وحتى ان جا وخطبه ماراح يوافقون..وش رايكم؟؟؟
ثالثا/الولد من بيئه مرره محافظه وياويل قال لهلو انه يبي يخطب وحده بره العايله ...لانهم وبكل بساطه يتبعون نظام القبايل يعني لازم يتزوج من داخل العايله .....وبعد ما عرفتوا ظروف هاالمسكينه وش ردودكم؟؟؟:(

يا حبيبتي طولي بالك معنا ..والله يجمعهم علي خير بس الواحد يتوكل علي الله,المسالة محلولة وتم الرد عليها من قبل اختي احاسيس.. بس الاضافة هي انه ما يمسك السلم بعرض وكل ايشي نصيب وايلي الله كاتبة يصير في سؤال شو ظروفهم يعني بتشتغل او بتدرس وما عندة خوات يساعدوة ؟اهم ايشي يكون صادق والله يسهل الامور بالتوفيق.