ارجو المساعده

دلال2009 15-01-2009 14 رد 635 مشاهدة
د
السلام عليكم
ادخل في الموضوع على طول انا اعطيت زوجي ذهبي بعته وعطيته الفلوس للمساعده
المشكله انه تعدلت اموره ولله الحمد لكن مارجع لي فلوسي ورافض اني اتكلم فيه يقول هذا حقي ورجع لي وانا والله محتاجه فلوس لان عندي اطفال في جميع المراحل الدراسيه وتعرفون
طلباتهم هو من النوع الي ماسك الريال يجوز اخذ من جيبه بدون علمه علما اني احتاج ويرفض يعطيني
ع
حبيبتي .. والله مو عارفة ايش اقولك ..
بس انا اذكر حديث من أحاديث الرسول صلى الله عليه وسلم بما معناه انه اباح لصحابية ( وإذا مو غلطانة لهند ) .. و قال .. خذي ما يكفيك و ولدك بالمعروف .. آسفة والله مو مذكرة الحديث عدل ..

و انا من وجهة نظري اسألي شيخ احسن لك و اظمن :)

عسى ربي يهدي زوجك يا الغالية ..
S
اختتتي يممكن ماعنده يرجع لج ..او ادا عندج اولالاد فهم اولااده وهو الي يصررف علييهم ..وانتي بعد قلبي سويتي خطووة جريئئة فهل اهو وعدج يرجع لج لفلوووس ولا شنو ؟؟ لان شكلله مو ناوي يرجع ابد وربي يوفقج ويسعدج او انشاء الله يرجع لج فلوسج
ا
هلا اختى انا مافهمت طلبك انت تسالين من الناحية الشرعية ام الاجتماعية ام ماذا؟

بس يااختى الفاضلة انت فلوسك كثيرة فكيف بالله عليك راح ترجعينها حتى لو بالسر اخاف ينتبه زوجك وتصير مشكلة كبيرة
جربى معاه جميع الطرق من اسلوب وحوار وكل شى ولو رفض وكلى امرك لله وادعى وانت عارفة دعوة المظلوم مستجابة

الله يطمنك
د
اشكركم حبيباتي على المرور
والفلوس الى عطيته هي فلوس مهري تقريبا 17 الف ريال وهو رافض اصلا اتي اتكلم فيه يزعل ويعصب ويرفض اني اهدي خواني في مناسباتهم مثل هديه الولاده او وحده بتتزوج
وشديد علينا انا والعيال من ناحيه الفلوس لدرجه اني اقل اهلي في كل شى والله المستعان
ابى الحكم فقط ولكم خالص شكري
ق
هدديه انك راح تشتكين عليه بالمحكمه لو ما رجعهم لك وقوليله انا طالبه حقي ومو عيب لا توصلها للمحاكم و اقصر الشر ورجعهم
ترى الرجال بهالزمن ما يخافون الا البنت اللي تعرف وتلجأ للقانون
ش
اختي انسي انك عطيتها ذهبك لان

مستحيل يرجع لك ذا الرجال اللي يأخذ ذهب

زوجته ماادري وش اقول عنه

تقبلي مروري
N
الغلط عليكى من الاول كيف تعطيه فلوسك وانتى عارفه انه بخييييل !!
وثانيا هو ملزوم يصرف على اولاده مو انتى خليه يشيل المسؤليه مو من فلوسك
من ناحيه الحكم الشرعي عشان تحصلي حقك اسألي فيها شيخ
آ
لاحول ولاقوة الا بالله
C
الله يصلح لك
د
اعوذ بالله من الرجال الي من هالنوع
حبيبتي وش يعني يقولك حقي واخذته لا طبعا مو حقه هذا مهرك بشرع الله
وانا اعتبره نصب واحتيال يعني عطاك مهرك ومتحسف ورجعه بطريقه ملتويه
لو عنده ذره من الرجوله كان ما تجرأ وطلب منك فلس واحد بس شنقول
راح زمن الرجال وصار زمن اشباه الرجال للاسف ولا تزعلين مني
الغلط منك من البدايه وما تقدري تلحي بالموضوع لان بيصير بايخ جدااا
وماله اى نتيجه للاسف خلص وكلي امرك لله وانسي موضوع الفلوس الي اعطيتيه
دام رضا على نفسه ياكل وينسى انتي انسي بعد .
وبالنسبه لطلباتك اتصور هو ملزوم يصرف عليك وعلى عياله ولا تتنازلي بهالموضوع
وهذا زوجك وانتي ادرى الناس فيه حاولي معه بطريقه ذكيه تأخذي مصروف يكفيك ويكفي العيال
لاخر الشهر ..
تحياتي
ش
اقول اذا صار عنيد

لاتسوي مشاكل عشان فلوس

كثري من الاستغفار وصدقيني بيجيك المال
م
اذااا من نااحيه الشرع .. اسئلي الشييخ اضمن ..

واناا اقول المفرووض ما كنت تعطيينه المبلغ كله ... لان انتي عااارفته ...

الله يهديه وانتي حاولي اتلمحيينله .. الله يهدييه انشااءالله ..
د
اشكركم على المرور اخواتي ~{ قطريه ستايل .. شوشو20 .. naaan ..آخر العنقود ..chanel2009 }~فعلا شى يقهر لاكن الشكوى لله
ع
لا حول ولا قوة الا يالله ربنا يهديهولك يا رب
X