أرجوكم ساعدوني بنتي تعبتني.....

أرق المشاعر 15-01-2009 13 رد 14,202 مشاهدة
أ
صباح الخير

كيفكم يابنات

والله بنتي تعبت وتعبتني معاها فقلت مالي غيركم استشيركم

مثل مايقولون أسأل مجرب ولا تسأل طبيب

بنتي عمرها شهر و بس تبكي وعندها غازات مرة تعبتعها

ماني عارفة ايش اسويلها قلت يمكن يكون من الحليب اللي تشربه وفكرت اغير لها هو

بس قلت اسألكم يمكن تفيدوني بشي

او اذا في وحدة مرت بنفس الحالة تساعدني
B
كل الاطفال بهالعمر يمرون بحالة مغص وغازات اخذي لها من الصيدليه قطرات سالينال مرة زين يهدئ الطفل

وممكن يكون من الحليب اشتشيري الطبيبة عنه
ا
مثل ما قالت الاخت blossom قطرة سالينال مرة حلوة حتى طبيب بنتي قال مكوناتها طبيعية

وان كان عالحليب في حليب نوفالاك للغازات ممتاز وانك تستشيري طبيب افضل

وسلامتها ما تشوف شر
*
هلا حبيبتي
انا وحده من توائمي عانيت معاها الامرين،، ثلاث شهور ونص وانا لا ليلي ليل ولا نهاري نهار،،،
انا جربت سالينال ومافاد.. و دونتينوكس ومافاد ابد،،، ولا ماي غريب،، ولا حتى الكمون ،، ولااا شي
مافاد معاها الا قطرات من الصيدليه اسمهم دسفلاتيل Disflatyl.. اعطيهم عشر قطرات ،، والحمدلله فاد معاهم،،

ماتشوف شر وطمنينا عليها،،
م
هلا اختي اني مريت نفس تجربش
بنتي الحين عمرها شهرين وعشرين يوم وكله غازات لاليلي ليل ولانهاري نهار
وكله اصيح حتى ماطلع ولا اروح مكان مسوى الغازات جربت وياها ماي مرقدوش ايطلع الغازات
الي في بطنها اذا كنتي اترضعيها حليب طبيعي لاتشربي بيبسي ولاحاجه حاره واذا كنت اتشربيها حليب صناعي يمكن الحليب ايجيب غازات
ملاك الحياه
ا
هلا حبيبتي ..انا بعد عانيت مع بنتي , كلشي طبيعي جربته ومافاد حتى لما غيرت الحليب .. بس قطرات ديسفلاتيل ممتازه

وربي يكون في عونش
م
جربي انفاكول للمغص والغازات والترجيع

وااااااااااااايد مفيد
و
الله يكون في عونك
والمغص والغازات طبيعي في هذه المرحلة لأن الجهاز الهضمي ماابعد يكتمل عندهم
اول شي استشيري الطبيب وهو بيقول لك شنهو المناسب لبنتك لأن في أدوية تناسب الغير ماتناسب بنتك فالأفضل الإستشارة
حطيها على بطنها على رجولك كل فترة عشان ترتاح وتسهل خروج الغازات
وإذا جاتها نوبة المغص حطي في كمادة ماء دافئ وحطيها على رجولك وحطي البنت بحيث يكون بطنها على الكمادة عشان يخف الألم
وربي يشفيها
ا
حبيبتي استشيري الدكتور قبل لا تعطينها اي نوع دوا

و استخدمي اليانسون كلش زين انا فادني بولدي و استغنيت عن الادوية
و
البنااااااات ماقصروا وانا بعد ولدي كده كله غازاااات بس كلما يكبر الطفل يخف الغازات وابتعدي عن الاشياء الي تجيب الغازات وبطحيها على بطنها عشان ترتاح وبعد كل رضعه لازم تتجاشاه والله المعين
ب
كل الاطفال في هالعمر يمرون بالهالشي الله يساعدهم

انا الدكتور نصحني ان تشجين الطفل بعد الرضاعة

وووقت مايصيح تحطينه على بطنه << ماشاء الله جربت الطريقة واااااااجد نفع معاها ولله الحمد
أ
أنا أنصحج أولا بأستشارة طبيب خاص بالأطفال عن المشكله و الدوا...

مو كل شي مع الغير أوكي يصير معاج أوكي...

أهم شي الإستشاره...

و هذا شي طبيعي جدا... و الله يعيييييييييييييينج..>>حاسه فيييييييييج..
و الله يعطيج العافيه.. و ما تشوفون شر...
ل
Blossoms;8441641:
كل الاطفال بهالعمر يمرون بحالة مغص وغازات اخذي لها من الصيدليه قطرات سالينال مرة زين يهدئ الطفل

وممكن يكون من الحليب اشتشيري الطبيبة عنه

نفس الكلام اللي كنت بقوله انا بنتي نفع معها سالينال
أ
يسلموووو حبيباتي

جزاكم الله خير

الحمد الله احس المغص خف لأني غيرت لها الحليب من اس 26إلى نوفالاك

والدكتورة اعطتها قطرات ديسفلاتيل وانشاء الله خير

وااله يعننا على تربيتهم
X