شي غريب صار لي ادخلوا وشوفوا

%بنت الرفاع% 14-01-2009 13 رد 2,857 مشاهدة
%
السلام عليكم يااحلى عروسات


اليوم انا رايقه مره والسبب الي حصل لي امس

مبسوطه مرره راح اقول لكم قبل معاناتي .

انا اذا بشيل شعر ساقي بالحلاوه اتعب تعب الله لايرويكم يمكن الي مشكلتها زيي راح تتصور حجم المعاناه الي هي ان شعر الساق غليظ وصعب نتفه من اول مره لازم اعيد على المنطقه الوحده 3 او 4 مرات واركز ع كل شعره مرات لحاله عشان تتنتف وكنت اقضي ساعات عشان بس اشيل سيقاني يعني تقريبا 3 ساعات عند التلفزيون عشان احصل ع نتيجه مرضيه وانا عندي الديسك في الرقبه يعني بعد مااخلص اسمع اصوات طالعه من رقبتي كانها اصوات باب قديم يتفتح:sad: وغير ان بهام صبع ايدي يتنتف تنتف بعد بيوم ويتشوه لاسبوع من كثر ماتعب في مد الحلاوه وسحبها فقررت اني اوقف عن الشيل في البيت:BANNED2: واروح الصالون صرت احط ع سيقاني سكر وخميره وليومن او ماء عشان الشعر الصغير يطلع بعد واتوجه للصالون ع طول واشيل وارجع البيت و اشيل الباقي ببرون لان مو كل الشعر يطلع .

لكن من يومين قريت عن الحجر الي تدعكين فيه ساقج للتخلص من الشعر الموجود داخل الساق وكنت متخوفه منه اخاف يهيج لي البشره ويجرحها وهي مو ناقصه بلاوي:poster_kewlpics: المهم توكلت ع الله وجربتها ليومين اقوم بوضع صابون واخلي رغوه وادعك بالحجر 5 لفات يمين و5 لفات يسار وبعد يومين قررت اشيل شعر ساقي مع انه يابنات وربي صغار بس عندي مناسبه وقاعده اقول في نفسي رحلة العذاب بتبتدي شعر صغير وبرد والصالون ماراح يشيلون لي بقلب مثل ماانا راح اشيل المهم حطيت ملعقه عسل وملعقه خميره الي حبيباتها كبار مو الناعم طبعا اثنينهم فوريه بس كنت احط الناعم هالمره غيرت وحطيت شوية مويه دافيه وملعقة سكر ومسحت رجولي بفخوذي وبديت اشيل بالحلاوه الي هي ميم اكيد تعرفونها

يعني مااستنيت بعد ماحطيت الخلطه زي كل مره والمشوار لين اروح الصالون لا ع طول شلت بسم الله وبديت نسيت اقول لكم قبلها كنت مسويه حمام بخار في بيتي طبعا .


الي صار يابنات والله والله والله اني حطيت الحلاوه عكس نمو الشعر مو زي كل مره باتجاه نموه واشيل بعكس نموها لا حطيت بعكس اتجاه نموها وشلتها بعكس اتجاه نموها بعد والنتيجه الي ماشاء الله تبارك الله وهذا من فضل ربي انشال كل الشعر صغير وكير من اول مره تبلعمت:eek2: ورحت لمنطقه ثانيه ونفس الطريقه ونفس النتيجه سهوله في الشيل احس يابنات كانت الشعره تعبانه ماقاومتني:UP202: زي كل مره بالعكس صارت زي مايقولون دزني واطيح:21_133: وشلت الساق الوحده بالفخوذ كامل في غضون نص ساعه وبعدها حطيت الخلطه ع الساق الثني يعني ماخليتهم اثنينهم في نفس الوقت وسويت نفس الشي واطلع فوق ع ايدي وبعد شعرها وربي صغار وشلت وانشال كله وبسهوله جداااااااا وكانت الحلاوه مليانه حبيبات الخميره وربي اني ارتحت امس وانبسطت

ادري بتقولون الحين ايش تبي هاذي انا حبيت انقل لكم تجربتي لان الي يحب شخص يعلمه بشي يفيده وانا استفدت وحبيت افودكم حبيباتي الي يعانون مثلي وكتبت لاني وربي مو عارفه ايش سبب هالانجاز هذا وضعف الشعره الي كانها تنشال من نفسها ومااحتجت لمكينه بعدها ولا نتف بالظافر او الملقط هل تعتقدون السبب من:


1- الحجر

2- حمام البخار الي سويته قبل الشيل بنص ساعه

3- الخلطه الي غيرت فيها حبيبات الخميره الفوريه وزدت عليها بالعسل

4- ولا شي انا نسيت ماذكرتها فوق اني قضيت ليله كامله بنهاره يعني حوالي20 ساعه مدهنه جسمي بزيت الجلسرين والليمون وماقط خليت المده طويله كذا

الي تعرف السبب تكتب لي عشان ارجع اطبقها الشهر الجاي انشالله

والله اني احبكم في الله وحبيت تشاركوني فرحتي بالتخلص من تعبي الشهري ههههههه:888345:
أ
نفس المعانات عندي وشعر رجلي اتعب لي شلته وتشوه رجولي من الحب وشعر الي تحت الجلد ....... الله يوفقج اختي
....وان شاء الله يفيدونج البنات شنو الي خلا الشعر ما يقاوم وينشال ونستفيد

يسلمو
&
مشكووورة اختي على نقل تجربتج وتستاهلين احلى تقييم
و
ايه الغالية الحمام المغربي يوسع المسامات


فتنشال الشعرة بسهولة اكثر


اما خلطة العسل والخميرة

هذي تخلي الحلاوة تمسك بالشعر عدل


اما الحجر ما قد جربته

وزيت الجلسرين والليمون مادري يمكن له تاثير


بس تجربة روعة
أ
مبروك عليج الراحة والنعومة ههههههه

أنا مثلج شعر سيقاني كثيف والشعرة متينة وسودة يعني شكله مقرف

وبعد الدورة أقعد بروحي اشيله بالبيت بماكينة الشمع مثل اللي بالصالون

والحمد لله تصير ناعنة لكن اللي يضايقني الحبوب اللي على الساق لأن لما بيطلع الشعر

يسبب لي حكة ومن الحكة تصير نقط سوده وتترك أثر

آآآآآخ معاناه
ف
مشكووورة اختي ع الموضوع الحلووو ^^
ا
اتوقع الترطيب والتقشير بالحجر اله دور كبير

الله يهنيك ..

امنيه
ع
:yahoo::yahoo:حلللللللللللللللللللللللللللللوه حركت الحجر مره عجبتني بنفذها تسلمين يالغاليه على نقل تجربتك الرائعه :clap:
ر
مبروووووووووووووووووووووووك عليج النتيجه الحلوه

وماتقصرين الغاليه انج تفيدين البنات

ربي يديم عليج النعومه ويزيد البياض خخخخ

ماقلتي لنا آخر الخلطات والتطورات وحشتنا خلطبيطاتج
ع
يعني تحطين الشيره
بعكس اتجاه نمو الشعر
وبعد تشيلينها بعكس اتجاه نمو الشعر؟؟؟ هذا قصدج؟؟؟


احس من حمام البخاار
لانه بيفتح المساام ومن البخار الشعر لان
*
مشكورة تسلمي
%
اخيرا لقيت الموضوع وربي دورت دواره ابي ارد

تسلمون يالغاليات ع ردكم وفرحتكم للانجاز الي صار لي خخخخخخخخخخ
%
المهم انا للحين مستمره في نفس الخطوات الي هي افرك سيقاني مع الفخوذ بالحجر يوم وترك عند الاستحمام وزيدت عدد اللفات خخخخخخ الثعلب فات فات خخخخخخخ وصرت استخدم هالحركه بعد للحبيبات الي في مؤخرتي هي ماتبان بس تحسون فيها الي يسمونها قشر البرتغال والله تغيرت المنطقه وصارت ناااااعمه والساق روعه والنقط السوده شبه مختفيه وصرت قبل لااشيل الحلاوه استخدم العسل والخميره واشيل بحلاوة ميم والحمد لله النتيجه روعه ولله الحمد وصرت البس قصير وانا كلي ثقه
ا
تسلمين يالغلا
X