السلام عليكم والرحمه
شحالكم
بحط لكم عجيييينه روعه حق كل شي مثل البيتزا او الجبنيه و خليه نحل
بحط لكم طريقه خليه نحل بالتفصيل
المقـادير
1 ونص طحين رقم 1 (قوطي السميد )
4 ملاعق صغيره خميرة فوريه
4 ملاعق صغيره حليب بودرة
4ملاعق صغيره سكر ناعم
ملعقة صغيره ملح
نص فنجان زيت
جبن أي نوع المثلثات او الكيري
ماء
الطــريقــة
تخلط جميع المقادير مع بعضها البعض لين ما تتكون عجينه متماسكة وتترك نص ساعة لين ماتتخمر
ناخذ شوي من العجينه ونفردها بايدنا
ونحشيها بالحين
ونصفهم في صينيه مدهونه بالزيت
وندهن الخليه بالبيض وننثر عليها سمسم
وندخلها الفرن ولما انطلعها انصب عليها شيره
وهاي الشغلات اللي سويتها بنفس العجينه
نفس طريقه الخليه بس قليتها بالزيت وحطيتها في سكر مطحووون ^_^
البيتزاااااااااااا
دهنت العجينه بالكاتشب وحطي اي نوع من الحشوو مثل الطماط وزيتون وفلفل رومي وجبن موزيلا
السينابوووووووووووووووون
نفرد العجينه ونرش عليها قرفه مطحونه وانلفها
مثل اللي بالصوره خذت هالصوره من النت
وانقصها دوائر وانحطها في صينيه مدهونه بالزيت وندخلها الفرن
والصوص اللي علي الصوره بس حليب مركز
بس الصوص الاحلي هووو
6 حبات جبن كيري +علبه حليب مركز نخلطهم في الخلاط ونصب فوق السينابون
واسمحولي اول مره اشرح :^_^