مساعدتكم ياخواتي ويا بنات البحرين ...

شوفي حبيبتي اذا بس بتسوين خطوبة لبسي ابيض او سكري اللي يعجبج في وايد بنات ايسوونهه

او شغلات الديكور في وايد ناس ايسوون لج مب مشكله اعتقد نفس المكان اللي تاخذين منه المسرح ايسوون

انا عن نفسي الذهب ما باشتريه في الخطوبة لان قايلين لي ان الذهب بينخفض بعد سنة

انا اقول لج نطري اشوي يمكن ينزل

بس اهم شي حجزي المكياج والشعر ترا عادي ما اتحصلين انا كنت ابي صفاء معن رحت لهه قبل شهر او بعد ما حصلت

عندج الحنايات زينب او ام شهد وايد حلوين انا عندي احلى من منيرة

المهم باطرج لج تليفونهم

سالفة المسرح وايد محلات يعدلونه عندج الانصاري ذي يخلي الناس يطلعون من الصاله والكل يتحجى عن المسرح
صج روووووووووووووووووعه شغله ومرتب بس شوي غالي
اما عن الحنايات انا مايعجبني منيره كثر مايعجبوني زينب وام شهد حناهم مرتب ودقيق
والحين روحي جوفي الفستان اللي تبينه اذا تبين تسوين حفله وحده اخذي فستان ابيض او بيج
وروحي حجزي الصالون
كل شئ سويه من الحين ترى بعدين كل شئ بكون فلل

هلا حبيبتي الأفضل انج تلبسين السكري لانه انتي مومسويه عرس
وعن التوزيعات من اللحين جوفي دوري وعن الذهب أنتظري لي شهر 2 يمكن ينزل لانه الحين نزل أشوي
والحنايه عندج عايشة مالت البستين حناها حلو ودقيق بس أشوي بطيئه بس للأسف انه ماقدر أحجزعندها لانه تحنيت عندها في خطوبتي وقلت أبي أغير
وعن المسرح عندج صلاح المعلا في محل الأيام في جدعلي حلو شغله انه مسرحي ومسكتي وستند شبكتي من عنده يوم الخطوبه كان كل شي ناعم وحلو

حبيبتي بما انش راح اتسوين حفلة وحده فلذا لبسي شنيول يعني فستان (أبيض، سكري، اف وايت)

لا تلبسين ملون لان ف النهاية اتروح موضة لملون ويبقة الابيض وتوابعة اهو الى ما تروح موضته

وتفضلي بزيارة تجهيزات بنات البحرين وراح تستفيدين وايد منه بنفس القسم الحب

واي شي احنا حاضرين يابنية ومبروك مقدما

وي فديتكم والله
الله يطول بأعماركم
وبالفعل أنه اليوم رحت حق الذهب ونزل من 10 لي 8.800
اما عن الحنه فانه كلش خاطري في حنه منيرة وام شهد جفت حناها بس مادري منيرة احس احلى
بالنسبه للديكور في الصالة انه حابته بسيط
وياريت تعطوني أسعار اللي يسوون الديكورات اذا أمكن
وتسلمون
ماقصرتو والله ..

الحناايات
منيرة حليو واجد حاولي تتصلين فيها يمكن تحصلينها
ونفس مستواها عندش
زينب - مدينة حمد
نجاة - عالي
ثريا
عواطف - المالجيه
حورية - السنابس
ام ابراهيم - البلاد
واذا تبغين ارقامهم قولي بطرش لش دزي لي رساله خاصه عاد

مزاهير يغيرون لج المسرح مع ورد طبيعي ,, في حدود 100 دينار بس .,,
في خطوبتي حسيت ان شغلهم مو ذاك الزود ..
بس صج صج طلع يجنن في الحفلة .. والكل سألني من وين ,,

رخيص وقوي ,,

اما الانصاري كان في حدود 300 وفوق الشي البسيط .,..

اتكلم عن اسعار السنة إلي طافت .,
ومن خلال تجربتي ارخص مكان مزاهير ,, ويطلع المكان روعة

هلا اختي

وبالبركة ان شاء الله

صح ستايل مرمريز 2 حلو بسيط واحس ما يحتاج تغيرين فيه وتخسرين

بس ممكن اذا حابة تغيرين الورد اللي على الطالوله وتضيفين كم شغله حلوة على المسرح عشان يتغير

,,

مدام حجزتين الصاله الحين ابدأي حجزي الصالون

والفستان طبعاً , اذا تبين تشترين او اجار لازم تتحركين من الحين عشان تجوفين اكبر مجموعه وتختارين

ومثل ما قالوا اذا بتسوين بس حفله وحده لبسي ابيض او سكري بيطلع حلوووو

وبالبركة








ع ـذبة المشاعر

لازم تبتدين من الحين حق الحجوزات ع الاقل الميك اب والشعر
والفستان بس روحي افتر ع المحلات من الحين عشان تلحقين تحصلين شي يعجبج واذا ما عجبج شي يمديج تروحين السعودية تاخذين لج

الله يوفقج حبابة

موفقة يارب والله يساعدش ويساعدنا على التجهيزات وصلتي الى شنو الحين وشنو اخر مستجدات لديك

زمن الطفولة
مت وانه اتصل حق منيرة لا يمكن لا يمكن لا يمكن ..

sugar123
مزاهير جفت شغلهم في سفرة بنت عمي صج صج كانت رووووعه بمعنى الكلمه
وبما انج قلتي انهم ممكن يغيرون لي المسرح وغيره الي روعه فبكل تاكيد بمر اجوفهم ..

ع ـذبة المشاعر
فديتج عمري , اهوه صج ستايله حلو وبسيط بس الناس كلها هناك يعني شي حلو لما يكون في تغيير
وبالنسبه للفستان وغيره انه قلت ببتدي فيهم عقب نص الشهر جود خواتي وامي خلصو من فترة الامتحانات ونروح السعوديه ..
والله يبارك فيج يارب ..

حصاصي
التوفيق للجميع يارب
وانه محتارة وين اروح سلوى ولا وين ؟؟ ..

عروس متفرغة
ماوصلت لي امس رحنه حق الذهب بس نصحوني اني اروح شهر 2
واليوم ببتدي في التوزيعات ..
والله يساعدج انتي بعد , شكلج بعد تجهزين ..

ويعطيكم الف عافيه
::

بنات قط شفتوا حنه ام ابراهيم

بجم تحني

منيره بجم تحني

بقيت رقم نجاه مالت عالي اذا تعرفون بعد بجم تحني