على الله داخله ثمن عليكم تكفوووووون ساعدوني

بسم الله الرحمن الرحيم
ممكن اخذ من وقتكم دقايق
حابه احكي لكم قصتي وتعوطوني رايكم بالامنه
انا بنت تحب ولد خالتها وهو يحبني الكل يعرف الوالده وخالتي وخواته واختي
كنت احبه وكان عمري13سنه هو اكبر مني باربع سنوات كنت اموت عليه وهو نفس الشي كنا نتمنى لحظه نلتقي فيها كنا نجلس مع بعض نلعب مع بعض كانت ايام حلوووووووووووووه كثير
بعد كذا كبرت وتغطيت منه بس بعد كذا كنا نلتقي صدفه ويامحلها من صدفه صدف كثيره لاتعد ولا تحصى
المهم في ذاك اليوم طلعت لي بنت عمتي هي اكبر مني بثلاث سنوات كانت ماخذه رقم ولد خالتي من جوال الوالده وهي ماتدري بس هي مره جريئه كيف فتحت الاسامي بالاصل كانت تشوف راسايل الوالده بعد كذا فتحت على الاسمي وخذت الرقم
دقت عليه هلا كيفك ممكن اتعرف بس رد عليها قال انا ماتعرف على بنات وقفل بوجهها
قالت لي هي شين وقواية عين بس انا سكت وماقلت شي ذاك اليوم بس اختي سمعتها كلام ماسمعته في حياتها؛؛؛ انا بسرعه رحت لجوال الوالده وارسل لولد خالتي (((انا فلانه بنت خالتك الي دقت عليك اليوم كانت بنت عمتي ))) هو خذ رقم وطلع رقم ابوها وهددها اذا دقت راح يخبر ابوها عن الموضوع
بس بعد السالفه هذي تعرفنا ورجعنا مع بعض وكنا نلم بعض يوميا ورسايل حب وغرام
كنت اكلمه لي ثلاث سنوات وانا اكلمه من سنه اولى ثانوي وانا بديت اكلمه الى سنه ثالث
كان دايم يفاتحني بموضوع الزواج بس انا ارفض اقول لسى صغيره بس اذا تخرجت من الثانوي عادي***في سنه ثالث الترم الثاني على نهايتة ثالث خالتي تبيني لولدها امي قالت للوالد والوالد وافق على الموضوع وربي كانت الارض مو شايلتني من الفرح وهو نفس الشي***
كانت الملكه بعد اسبوعين
بس المشكله طلع لي:mad::mad: ولد عمي الكبير تقدم لي عن طريق عمي للوالد والوالد قال يكون خير بس لازم اخبر البنت عن الموضع((جاء وخبرني انا رفضت بسرعه ابي ليش مايجوز خطبه على خطبه)) قال الوالد لا عادي مافيها شي قلت لا ماني موافقه نهائيا بس الوالد خيرني يخيارين
(يا امك بالبيت&انتي بالبيت)تعرفون مستحيل اخلي الوالده تطلع من البيت لو يكون حرام مسكينه مالها اي ذنب المشكله في اخوان صغار ثلاثه واحد برابع ابتدائي والثانين صغار
بس رضيت وافقت كله من شان الوالده الله يحفضها ويخليه لنا
تزوجت لي الحين6شهور وانا متزوجه قال يحبني قال وهو يضربني علي شي تافه ودايم يتكلم على اخواني كلام مو زين
بعد شهرين من ضربي بلغت الوالده عنه والوالده خبرت الوالد فالبدايه الوالد عصب وكلم ولد عمي اذا انت تبيها عاملها معامله زينه اذا ماتبيها طلقها بس اخوي واقف ضدي يقول لا هو كان يمزح((بالله يشدني مع شعري ويرميني بالغرفه ويقفل الباب علي تقريبا نص ساعه كل هذا مزح وسقطت منه ظربه هذا مزح هذا)) انا ماحبيته وش رايكم اقول له انا ماحبك طلقني ولا اش رايكم هو دايم يسألني انتي تحبيني ولا لا هو يعرف اني مجبوره عليه بس يقول لا شكلك تحبيني وانا الى الان احب ولد خالتي ولا الان رسايل فقط بينا ماكلمه
بس انا ماني سعيده معاه الوالده دايم تسأل مستانسه سعيده معاه بس اجاوب لها واقول سعيده بس المهم ماتزعل الوالده ويضيق صدرها علي
تكفووووووووووووووووون ارشدوني عالطريق الصحيح:confused::confused::confused::confused: