بناااااااااااااااااااااااااااااااااااااااااااااااا اااااااات بستخف

السلام عليكم ,,
انا مشتركه جديده انا ماشكي لكم لان الشكوى لله بس حبيت افضفض لكم عن اللي بداخلي ابي احد يسمعني لاني شوي بيستخف عقلي من الهموم ... واللي زاد همومي زوجي لنا سنه متزوجين واحبه موت بس من ايام الملكه احسه مايحبني الى الحين لنا سنه كل ماصارت مشكله اتأكد انه مايحبني وهو يقول احبك ولو مااحبك كان طلقتك وش يصبرني على مشاكلنا ..المهم مشاكلنا بدت من ثالث شهر من زواجي تخيلوا ثلاث شهور وحملت بس اكتشفت بعد حملي انه يغازل ينت في المسنجر يقول لها قصته اني كنت احب وحده ماقدرت اتزوجها ومستحيل انساها ويقول انا متزوج واحب زوجتي بس ذيك مااقدر انساها عصبت وهاوشته وتعبت نفسيتي بس ماتميت شهرين الا وانا مسقطه الحمدلله انه خيرة لي
بس قال انا استهبل وهذي خرابيط ومااحب احد والبنت استهبل وهي اللي دخلت علي ومسح ايميلها ,, وصدقته وبعد 7 شهور اكتشفت انه مع اخوياه مسافر الاردن وسويت له مشكله قال ماجلست الا يومين ولا سويت شي ويقول كنت بحقل ومرينا الاردن وجلست ساعتين بس مع لانها اقرب من تبوك ,, المهم صدقته المهم انه طلع يدخن وحاولت الين ترك الدخان مو عشاني خايف من المرض ومن كلام الناس واهله وانا مكتمه على تدخينه لين تركه ,, وصابرة على البلاوي المهم الحين الفترة هذي لقيته محمل البالتوك فترة ومسحه بس ناقشته بهدوء وسويت ان الموضوع ماهمني ودخلت البالتوك قدامه قلت عندي فضول ابي اشوفه عصب وزعل وقلت بدخل العب بلياردو قال العبي باسمي بس لاتشتركين كلهم شباب خايف اني اغازل..المهم انا ماصرت اثق فيه والفترة هذي تعب جاه اعصاب وصرع وابعد عن الاغاني وحافظ على الصلاه في وقتها بس فيه شي ماتغير احسه يحب يشوف الحريم ويقزز فيهم في السوق في اي مكان والتلفزيون اذا شاف وحده حلوة يقول اروح وطي ومن هالاكلام وكم مرة قلت له ترا الشي هذا يضايقني مااحب الرجال يقز وصرت اطنش كني مااشوف بس دايم افكر مع نفسي واتذكر كل شي واتذكر انه من بداية زواجي الى الحين ماعمرة اهداني هديه ولا سفرني مع ان حالتنا ميسورة ولا يمشيني الا لين اقوله وازن عليه .. .. مع اني حلوة وجذابه وكل شي سويته له ارقص له واسوي حفلات واتدلع مااقصر معه في الجنس والبس ملابس الاغرا ماخليت شي وطيبه معه وانا مخلصه جامعه وعمري 22 وهو 23 ..مافيه شي يدل على حبه لي وش تنصحوني اسوي انا دايم ادعي واذكر الله و ابكي دايم واهملت نفسي وصرت اشك فيه مع اني اخاف ربي وماعمري غزلت اوسويت شي غلط الحمدلله على كل شي بس كيف اعامله دلوني وترا انا دايم اراضيه لو انه هو مزعلني انا بديت اكرهه لانه مايحس فيني ولا يشبعني جنسيا .. الله يوفق اللي يردون ويساعدون غيرهم ويوجههونهم الله يسعدكم دنيا واخرة ..وهل مشكلتي تستاهل اللي اقوله ولا انا ابالغ تكفون ردو واسفه طولت عليكم بس ماعندي احد افضفض له لاني وحيده امي وابوي ,,