مشكلتي .. خالتي .. خطيب خالتي وولد عمي =(

السلام عليكم ..

أنا ترددت وايد لين ما كتبت هالموضوع ..

عمري 18 وأدرس برا .. حبيت ولد عمي من سنه .. أصلا انا عرفته من سنه .. ما كنا نشوف بعض قبلها وكانت عايلتنا بعيده ومتفرقه .. المهم اني حبيته وهو حبني .. وعلاقته زينه الحين ويا اخوي الكبير .. بس المشكله خالتي !! هي رافضه اني أكلمه .. مع انه في عايلتنا عادي يعني أنا أكلم عيال عمي الباقيين وجي الا هذا !! ما تبيه يكلمني ولا تبيني أكلمه !! المهم هي كلمت خطيبها وخطيبها يصيرلنا من صوب أبوي يعني يصيرلي ويصير لولد عمي .. هو بعد معااارض بس لأنه خالتي معارضه وراح عند ولد عمي لين بيتهم ! قاله يبتعد عني !! أنا أحبه وهو يحبني والله غيرت وايد أشياء فيه .. خليته يعدل علاقته مع أهله وخليته يفكر بالشغل لين ما اشتغل وراح يبتدي دراسته جريب ان شا الله .. المشكله هو عمره 19 !! يعني أحس صعبه يخطب ولو خطب ما راح ياخذون السالفه جد ! وبنفس الوقت أمي تبيني أعرس بسرعه !!!!!! في وايدين يووني بس انا مابي غير ولد عمي :( ماعرف شو اسوي وكل ما أقول لااء وأرفض حد أشوف مليون علامة استفهام على ويه امي .. أبي أقوللها .. لأني ما أخبي عليها شي .. ف أبي أقوللها إني أحبه وإني أبيه .. وأبي علاقته مع امي اتكون زينه .. وأنا راده البلاد جريب .. وأبي في هالإجازه أقوي علاقتي بأمي مثل الأول وأخبرها عن كل شي .. بس مب عارفه كيف أكلمها ومن وين أبتدي !!! هو مستعد انه يكلم امي واخوي بس بعد مب عارف كيف يبتدي ! سااااعدوووني أقوول لأمي عن ولد عمي !!! اذا قلت لها ما بتقدر خالتي اتغير رايها في ولد عمي ولا حتى خطيبها بيقدر !! بلييز ساعدوني .. أحتاج أعرف كيف أبتدي وكيف أكلمها .. واذا خبرت اخوي تتوقعون انه بيساعدني ؟؟!!! هو يحبه وعلاقته وايد زينه وياه بس ما يدري عن الي بينا ! ولد عمي حاول يقوله مره بس استحى .. لمح له انه يحب وحده ويبي يتزوجها بس ما قال اسم البنت .. اخوي قالي هالكلام .. واخوي انسان متفهم الحمدلله .. بلييز ساعدوني