محتارة اوى ومش عارفه اعمل ايه ؟؟؟؟؟؟؟؟؟؟؟؟

بسم الله الرحمن الرحيم
اولا ازيكم كلكم ((الاعضاء والمديرين والمسؤلين وكل زوار المنتدى))

بجد ده اكتر منتدى عجبنى وعشان كده انا سجلت فيها لما كنت بدور على موضوع واكتشفت المنتدى بالصدفه وقد ايه عجبنتى ارائكم عشان كده عايزة اخد رايكم كلكم فى موضوع مهم جدا جدا جدا بالنسبالى ومحتارة اوى ومش عارفه اعمل ايه
مش هطول عليكم هبدىء الموضوع اهه


انا مخطوبه بقالى حوالى 8 شهور وقبل خطيبى مايسافر السعوديه كتب كتابى وهو دلوقتى مسافر بقاله شهرين وهينزل على شهر 6 نتجوز بس طبعا ملحقش يكون مبلغ كويس يعنى انا كده هديقها عليه فى مصاريف الفرح وتجهيز الشقه وخلافه وهو وبيعرض عليا دلوقتى انه يبعتلى واروحله هناك ونستقر هناك بس ده طبعا هيكون من غير فرح ولو عملت فرح هيكون من غيرة يعنى هكون لوحدى فيه من غير عريس بس انا حابه الفت انتباهكم لحاجه انا فى خطوبتى عملت حفله كبيرة كده زى الفرح
بس محتارة اوى اعمل ايه ؟
انا بينى وبين نفسى هموت واروحله ومش فارقه معايا فرح او غيرة بس طبعا زييى زى اى بنت نفسها تلبس الفستان الابيض وجوزها يكون جنبها فى الكوشه وبقول لنفسى مش مشكله ما انا عملت حفله قبل كده بس اللى قالقنى انى خايفه اندم بعد كده لما احب مثلا استرجع ذكريات الفرح والصور وكده يعنى ملقيش حاجه
ارجوكم كلكم تقولولى رايكم ايه ولو انتم مكانى هتعملو ايه


ملحوظه

انا واشرف قصة حب بقالها 9 سنين حصل بينا خلافات وافترقنا سنين وبعد كده رجعنا لبعض
يعنى بموت فيه وهو بيموت فيا :):o


معلش طولت عليكم بس بجد محتارة اوى اوى اوى وعايزة اسمع ارائكم عشان اكيد ان شاءالله هستفيد منها وربنا يوفقنى للى فيه خير