أصل مسكـ الطهاااارة ......مهم جداً

طيف الحلى 12-01-2009 29 رد 3,397 مشاهدة
ط


كيفكم حبيباتي بنات عروووس
موضوع مهم شفته وقلت لازم تشوفونه معي وتفهمون وتفرقون
لأني وبصراحه ماكنت فاهمة زين :ss:ولما إتضح لي الموضوع حبيت أوضحه لكم كمان:B_wink:
هذا نص الموضوع




موضوعي عن مسك الطهارةوهي وصية الرسول صلى الله عليه وسلم للصحابية حديث عائشة إن امرأة سألت النبي صلى الله عليه وسلم عن غسلها من المحيض ، فأمرها كيف تغتسل ،قال : خذي فرصة من مسك فتطهري بها قالت: كيف أتطهر بها ؟ قال: تطهري بهاقالت : كيف؟ قال : ( سبحان الله ! تطهري بها ) فاجتبذتها إلي ، فقلت تتبعي بها أثر الدم.
أخرجه البخاري
ولقد تم مؤخرا اكتشاف أن المسك يقضي على البكتريا ويطهر الرحم من النجاسةوصدق الرسول الكريم صلى الله عليه وسلم




و مثل مانتو عارفين هالايام الحريم و البنات شغلهم الشاغل مسك الطهارة




عشان جذي حبيت انزل هالموضوع كتنبيه لكل الفراشات و ابري ذمتي





اولا احب اوضح لكم ان المسك نوعين





المسك الاسود و يسمى بدم الغزال





هالنوع من المسك مصدره حيواني و هو عبارة عن دم متكتل على سرة الحيوان




و موجود عند بعض انواع الغزلان و الثيران و السلاحف و حتى القطط و الفئران البرية




لاكن اجود انواعه الي يستخرج من غزال المسك و هو الي يستخدم في الطهارة




و كان معروف من زماااان و هو المقصود بحديث الرسول عليه الصلاة و السلام




و طريقة استخدامه للمراة انها لما تخلص دورتها الشهرية و تغتسل




تاخذ نقطة من المسك باصبعها و تمسح فيه المهبل من الخارج اذا كانت بنت و تدخله اذا كانت متزوجة




و ممكن وضعه بقطنه مبلولة من الخارج بس انتبهي لاتدخلين القطنه بالمهبل لان ممكن بقايا القطن تعلق و تسبب التهابات




مسك الطهارة الاسود نادر و غالي و متوفر عند عبد الصمد القرشي و سعر التولة الف ريال




اما الحريم الي يبيعونه و العطارين متوفر عندهم بسعر رخيص و اشك انه اصلي عشان جذي احذركم منه خلكم في السليم و المضمون و لو كان سعره غالي
و ممكن تشترينه من محلات العطور المضمونة بشرط انج تتاكدين من البياع انه مسك طهارة موب بس مسك اسود>> لان مسك الطهارة خالص بدون اضافات و البعض يضيف له عطور و مواد و اعشاب عشان الريحة هاذه مايصلح






المسك الابيض





هالنوع من المسك يستخرج من الصخور في جبال التيبت و هو عبارة عن مادة تنتج عن تفاعل صخور الجرانيت مع الرطوبة و الامطار و يكون لونها ابيض مائل للصفرة و له ريحة باردة و حلوووة و يسمونه المسك الابيض لاكنه يختلف تماما عن المسك الاسود و ان كان يحمل نفس الاسم




و احب اوضح لكل الفراشات ان هالنوع من المسك ليس المقصود في الحديث




و السبب ان على ايام الرسول عليه الصلاة و السلام ماكان هالنوع من المسك معروف في الجزيرة العربية و هو حاليا يصنع من مواد كيميائية ريحتها تشابه الطبيعية





و انا احب انبه الجميع بخصوص المسك الابيض لان الاقبال عليه شديد بسبب ريحته الحلوة و مثل مانتو عارفين في نوعين منه المسك السائل و المسك الحجر او المكعبات





المسك الابيض السائل




معروف بريحته الباردة و الناعمة و يستخدم كعطر للاطفال و ممكن استخدامه كعطر للجسم او للمناطق الحساسة لان ريحته مثيرة للرجل و طبعا في انواع وايد منه لكن افضلها حسب تجربتي مسك عبد الصمد القرشي و هو ثقيل جدا و قطرة منه تكفي و ريحته ثاااابته و ماااتروح




و طريقة استخدامه ان تنحط نقطه منه على مناطق النبض الي هي رسغ اليد باطن المرفق (الكوع) و بين الافخاذ و ممكن مسح نقطة منه على الملابس الداخلية




لاكن تجنبي ان يمس المهبل مباشرة ولاتستخدمينه للطهارة بعد الحيض لان مثل ماقلت لكم موب اهو الي مقصود في الحديث و ماله اي فوائد علاجيه غير الريحة الحلوة و ممكن لاسمح الله يسبب التهاب او خراب بالرحم




و طبعا في عطور و كريمات بريحة المسك الابيض و انا تعجبني الي عند بودي شوب مع ان ريحتها خفيفة بس ناااعمة و في بودرة تستخدم كمزيل للعرق و تخلط مع الشبة بس للامانة ماجربتها





المسك الابيض الجامد





و هو الي يسمونه الحجر او المكعبات و هاذه يابنات خطير و احذركم من استخدامه




ادري ان في مواضيع انتشرت توضح طريقة استخدامه و يقولون ابشريه و حطيه مع ماء ورد و مسحي فيه المنطقة




و ما اخفي عليكم انا وحدة صدقت الكلام الي انقال و رحت شريته و سويت هالطريقة و للاسف تماديت و جربت طريقة ثانية و نزلتها بالمنتدى و الحين ندمت واااايد لاني سويت شي ماكنت متاكدة اذا كان صحي ولا لاء و نصحت فيه البنات و اتمنى تسامحوني و تعذرون جهلي




ليش اقول لكم ان هالمسك خطير؟؟؟ لانه ياحبيباتي مكعبات شمعية تستخدم لتعطير الادراج و الغرف و متوفر بروايح كثيرة و موجود بالاسواق الشعبية لاكن بعضه يكون بريحة المسك الابيض و للاسف البنات يفتكرونه مسك حقيقي و يستخدمونه




الي عندها هالنوع من المسك لاترميه حرااام حطيه باكياس شيفون او ربطيه بشكل صرة و ارميه بالادراج خصوصا للملابس الداخلية كلما فتحتي الدرج تطلع الريحة و تكون عالقة بالثياب





الحين و بعد ماقلت لكم كل الي اعرفه اقدر اقول لكم اني برأت ذمتي




لاني والله يوم اكتشفت اصل هالمسك الي نستخدمه حطيت يدي على راسي و وقفت خلاص هالمسك المكعبات و اكتفيت بالمسك السائل و بالطريقة الي قلت لكم عنها




لاكني اشوف البنات و الحريم يسئلون عن مسك الطهارة و يشترونه و العطارين و تاجرات المنتديات الله يسامحهم يستغلون هالشي و يمشون بضاعتهم




حاولت ارد على كل بنت سئلت عن المسك و ابين لها الي اعرفه




لاكني والله تعبت و انا ارد على المواضيع فقلت انزل موضوع و اقول كل الي اعرفه و بعدين كل وحدة ذنبها على جنبها




رجاااااء يابنات لاتضرون نفسكم و تخترعون وصفات و طرق انتو موب متاكدين منها ولا تطبقون كل شي تقرونه بالمنتديات لانها راح تضيعكم




و انا بصراحة وحدة كنت غشيمة و اصدق كلام المنتديات و مافي خلطة ولا وصفة الا وجربتها حتى لو ماكنت محتاجة لها




صح استفدت من بعض الاشيا لاكن بعد اكتشفت اشيا مامنها فايدة و بعضها مضر و مايصلح




الحين تادبت و الله صرت قبل ماطبق اي خلطة او اشتري اي منتج ادخل قوقل و اسوي بحث عنه في الموسوعات و اعرف مكوناته و فوايده و اثاره الجانبية و ادخل المنتديات الثانية و اقرا التجارب





الموضوع جهدي الشخصي موب منقول بس اتمنى من اي وحدة تقراه و تستفيد من كلامي تنقله لااي منتدى ثاني لان انتي اذا شفتي الناس تسوي شي غلط و انتي عارفة الصح تكونين مسؤولة جدام رب العالمين لو مانصحتيهم >> و مايحتاج ذكر المصدر اخذو راحتكم و اذا عندكم سؤال اختكم حاضرة و بالخدمة




طبعاً هذا كلام صاحبة الموضوع الأخت القطوة السوداء<<يعني الموضوع منقووول
بس نقلته للفائدة


تقبلوا موضوعي المنقول ومن يعجبها لاتحرمني من التقييم

ف
تسلمين على الموضوع المفيد

تحياتي لج
ع
مره غالي الاصلي
بسال واشوف مشكووووووووووووووووووووووووووووووره عالنصيحه وجعله الله في موازين حسناتك
ت
اشكرك كثيييييييييييييييييييييييييييير الشكر (تستحقي التقيم على هالنقل القيم )
والله فيه باسواق شعبيه المسك الحجر مكشوووف له سنواااااات والحريم يشتروووون
والله غلط
بالنسبه لي اقعد ما اشري ولا اشري من ذولا ما ادري عن جودته
وان شالله البنات يعرفون الصح من الغلط
ومشكووووره مره ثانيه
ط
تسلمون ع المرور خواتي
ل
مشكوره اختي على النقل الرائع
ا
الله يوفقك ومشكورة اختي ويارب يسعدك امين
س
يسلمووووووووووو
و
تسلمين يالغلا على النقل المفيد وربي يوفقك للخير دايما
ط
هلا والله

شرفتوني ونورتوني


حياكم اخواتي

وأشكركم ع المرور
د
طيف الحلا جزاج الله خير

والله انج لحقتي علي
انا شريت المسك المكعبات من عبدالصمد القرشي وقاعدة احطه في المنطقة المذكورة بحديث الرسول عليه الصلاة والسلام لكني توني عارفة من موضوعج ان اللي خذيته مش هو نفسه ....ياربي صار لي فترة شهر وانااستعمله ...يارب ماصار فيني شي ..

جزاج الله خير على الموضوع ..بصراحة من سعادتي قمت ابي اقيمج بس الميزان مو راضي ..يقولي لازم اتقيمين احد ثاني <<يعاندني

تحياتي لج والف شكر على المعلومة المهمة ..انقذتيني
ل
انا بعد صار فترة وانا استخدم المسك الي من عبد الصمد القرشي :ss:
والحين استغربت ن مش هو المقصود طيب المقصود المسك الاسود؟؟ طيب وين الاقي الاصلي وياريت طريقة الاستخدام كم مرة في الشهر
•
تسلمين يالغلا على النقل المفيد
D
مشكورة كتيير عالموضوع الاكثر من رائع
احلى تقييم لعيونك
ط
حياكم خواتي

وبالنسبه ياليال احمد
المسك الأسود عند عبد الصمد وهو ريحته مو عطريه
إنتي قولي لي عطني مسك الطهارة الأسود

الله ينورنا جميع
h
مشكورووووووووووووووووووووورة
موضوع جميييل
ا
الله يعطيج العافيه خيتو

وماقصرتي الغاليه
أ
شكرا على هذه المعلومات
C
تسلمين يالغلا على النقل المفيد وربي يوفقك للخير دايما
س
حتى المسك من عند عبد الصمد القرشي مو زين ؟؟؟؟؟
X