هلا والله .............
كلنا مليون في الميه ملينا من المنتجات الكيميائيه الموجوده في السوق.......
ما خلينا منتج ما استعملناه ....بس ما نوصل للهدف اللي نبغيه ...............
انا من الناس اللي اهتم ببشرتيه واااااااايد ....افضل اني مااحط شي في ويهي احسن
من اني احط شي يدمره ..........علشان جي اختار المنتجات بدقه ....وافكر فيهن الف مره قبل
لا اعرضهن لكم............
طبعا الكل عارف اني اعرض منتجات
orintal princess
واللي مجرب هالشركه يعرف اشكثر هي رهيبه ....ومنتجاتها طبيعيه
بس البنات كانن يقولن لي هاتي بودرتهم واساسهم تجنن..............بصراحه كنت متردده واااااايد
لانه البشره مب لعبه نلعب بها...........لين اخر مره لما اشتريت منتجاتهم للجسم قلت بجرب البودره في المحل............المهم الحرمه كانت ترتب اغراضي وانا كنت احط البودره اجربها.............مع العلم يومها كنت تعباااااااااانه واااااايد............وبشرتي بااااهته.........
المهم خلصت ويلست اطالع ويهي مادري حسيت انه عادي..ونسيت الموضوع .....ويلست فيا الحرمه ارتب باقي المنتجات .....يوم حاسبت وخلصت وطلعت من المحل......يتني البياعه روحها ونادت علي
وقالت ممكن سؤال؟قلت لها هيه شو.؟؟قالت البودره او الاساس اللي حاطتنه رهيييييب وااايد منعم بشرتج..؟من اي ماركه ههههههههههههههههههههههههههههههه والله انصدمممممممممممت
جان يقولها ريلي هاي روحها ويهها جي <<<ريلي يدري يوم اطلع مااحط كريمات ....
جان اضحك عليهم قلت لها هاي بودرتكم اللي في المحل..........عنبو بضاعتكم وما تعرفونها..؟؟ويلست اسال ريلي ...قالي هيه واااااااايد طبيعي وحلووو طالع انا على بالي انتي محلوه اليوم >_<((شو يعني انا خسفه امبوني.!!))
وما صدقت خبر ورديت دشيت المحل واخذت الاساس والبودره وسوالف ثانيه...جان اقول صدقها فلانه (وحده دوم تمدح بودرتهم) صدقها يوم قالت هاتيه والله رهيب...............
المهم تكلمت وايد ^^ بس بغيت اقولكم السبب اللي خلاني اخذ منهم ......
صور الاساس من الموقع الرئيسي لهم
As You Wish Oil Control Fluid Foundation
وهاللون الموجود عندي
والحلو فيه انه خفيف يعني ما يسوي تكتلات على البشره والبشره تمص الكريم بسرعه ويعطيج منظر مخملي ناااعم ...وهالصوره من الموقع نفسه وصدق انا ويهي جي استوى...وحتى اشتريت البلاشر وعطاني نفس اللوك بالضبببببببببط
صورة الاساس من تصويري.......
السعر 90 درهم
السعر 90 درهم
اما الباودر
الصوره من الموقع
الالوان اللي عندي
رقم
02 (للبشره الطبيعيه )
05(للبشره المشمشيه )
06 (للبشره المخمليه )
رقم
02 (للبشره الطبيعيه )
05(للبشره المشمشيه )
06 (للبشره المخمليه )
الباودر من تصويري
السعر 90 درهم
فديتكن انا كل شي اختاره بعيني واجربه ..ولاااازم اقتنع فيه قبل لا اشتريه ........لهالسبب الحمدلله كل اللي يتعاملون معايه ما قد ندموا ...لاني اعامل زبوناتي شرات ما اعامل نفسي.....
وحب لاخيك ما تحب لنفسك .....
بالنسبه للتوصيل خواتي عن طريق شركه والدفع سلم واستلم .........