في بيت اهلها وتقابل زوجها؟؟؟؟؟؟؟؟؟

والله لازم نعرف نوع المشاكل بالضبط
على السكن
او خيانه
او اشياء عامه تتعلق بكرامة الاهل
ونصيحتي لها لو كانت المشاكل لا تتعلق بهالمواضيع ومجرد مشاكل شخصيه وزعل بينه وبينها
تكلمه عادي وتقابله لان هو شرعا زوجها وتحاول تحل الامور بينها وبينه وتتفق معه على الرجعه
بعدين هو يجي لااهلها ويحاول يطيب خواطرهم وياخذها معززه مكرمه من بيت اهلها
تحياتي

هي المشاكل بين الاهالي وبيتها الي راح فيها

بس هي بتحاول علشان الاولاد

مافي شئ اهم من زوجها وعيالها

مهما كانت المشاكل

المفرووض محد يتدخل بينها وبين وزوجها

المفروض تحل مشاكلها بدوون حد يدري

مهما كانت مستانسة عند اهلها

نار الزوج ولا جنة الاهل

من رائي ترجع لزوجها

مو لازم يرضوون اهلها .. اهم شئ زوجها يبيها وهي تبيه

و تهتم في بيتها و تحرص عليه ..

كل الازواج بينهم مشاكل

لكن الناجحين بحياتهم اللي محد يدري عن مشاكلهم

ويحلوونها في صمت

لا لا لا للمقابله السريه حتى لو كان زوجها في جوال متى اشتاق لها يكلمها
ودام هي على ذمته يقدر ياخذها وهي واجبه عليها طاعته لان طاعة الزوج مقدمه
على طاعة الوالدين
وانصحها ترجع لبيتها دام بينهم اطفال اش ذنبهم يتشتتو
المهم قولي لصاحتك تقعد جلسه رايقه مع والدها ووالدتها سويا وتفهمه انها ما تبي
تهدم بيتها بيدها وانها خايفه ع مستقبل عيالها ومن ها الحكي
صدقيني بيرخون شوي عليها ويمكن يكلمو زوجها يقولو تعال خذ امانتك
والله ييسر امرها ويفرج كربتها

الغــ شموووخ ــلا;8403619:
مافي شئ اهم من زوجها وعيالها

مهما كانت المشاكل

المفرووض محد يتدخل بينها وبين وزوجها

المفروض تحل مشاكلها بدوون حد يدري

مهما كانت مستانسة عند اهلها

نار الزوج ولا جنة الاهل

من رائي ترجع لزوجها

مو لازم يرضوون اهلها .. اهم شئ زوجها يبيها وهي تبيه

و تهتم في بيتها و تحرص عليه ..

كل الازواج بينهم مشاكل

لكن الناجحين بحياتهم اللي محد يدري عن مشاكلهم

ويحلوونها في صمت

انا رأيي من رأي اختي

عزيزتي صديقتك لازم تحاول تحل مشاكلها بينها وبين زوجها وياما مشاكل كبيرة تصير بين الازواج بس رغم كذا تنحل والحياة تستمر

دعواتي لها بالتوفيق والله يردهم لبعض

هي ما شاء الله تفكيرها عقلاني

ما حد بينفعها بعدين...و لا حد بيشيل همّها...

ترجع بيت زوجها أفضل لها و لعيالها

بس الأفضل تكلم أهلها و تقول لهم فكرت و عايزه أرجع بيت زوجي...و زوجي بييجي ياخذني

و تخلي زوجها ييجي بيتهم و ياخذها هي و عيالها...علشان ما تصير حساسيه بين أهلها و زوجها...و يكون كله في المزبوط...

الله يهدّي سرّها يا رب

مثل ماقالوا الاخوات

المفروض تخبر اهلها ان زوج يبغي يرجعها ولو رفضوا تدخل واحد كبير من العايلة يمكن تنحل المشكلة

والله حرام الاطفال وش ذنبهم؟

الله يسعدهم يارب

عادي تقول فكرت انا وزوجي وقررنا نتفاهم وبس
والله يسهل امورها

أنا أشوف انها لاااااازم تقول لأهلها
أو انه يجي هو لأهلها ويكلمهم
مادام كل شيء بالسر ليه تروح من الأول عندهم
مو معقول الأهل مايبغوا السعاده لها
وخلها تقنعه انه يجي يكلمهم
والله يساعدها

هي وش خايفة منه....تقول لأهلها أبي ارجع بيتي ...بس تخرج معاه بالدس طبعا أكيد مليون لا

زوجها يزور والدها ووالدتها وفي أيده علبة شيكولاتة ويقبل إيدين أبوها ويقول لها أنت وحماتي على عيني وعين زوجتي وراسنا وكذلك الحال بالنسبة لأمي وأبوي على عينا وعلى راسنا لكن مشاكل العائلتين ضيعت سنين من عمرنا ولن نتركها تضيع ما بقي لنا من العمر وعمر أطفالنا !!! وياخذ زوجته ويروح على بيته !!

مرحبا بك اختي ,.,

نحن لا نتكلم بصدد الدين ,, فالدين ... يشرع ان يأخذ الزوج زوجته فهي تحت أمرته ,, وحكمه وله الحق ان يأخذها وقتما يشاء دون الرجوع لاهلها..

لكن نحن نتكلم بصدد العادات والتقاليد والعرف الخليجي وهو الحشيمه و الواجب والاخذ بالخاطر .. كل الموضوع يا اختي يروح زوجك حق اهلك ويطلب مقابلتك .. على اساس انكم تبون تتفاهمون وانتي توافقين .. وتكلمو بشكل عادي .. وخليه يطلبك .. يردك البيت ,, وانتي كلمي اهلك بموافقتك ,, وانك خلاص حليتي مشكلتك مع زوزجك .. وانها سحابه صيف ,,

مهما بلغت الامور حدتها الطلاق يجب ان يكون من اخر الحلول الي الزوجه تفكر فيها .. صدقوني بناء حياه زوجيه ليست بالسهوله المتوقعه .. ورجوعك بالبيت من بعد ان كانت لكي ممكله خاصه فيكي حتى لو كانت غرفه يختلف اختلاف تام عن بيت اهلك ..

مثال بسيط يعني تلقيك الاوامر في بيت اهلك قبل الزواج راح تحسين انه مزعج بالنسبه لك بعد الطلاق او حتى في فتره الزعل وتصيرين حساسه من اقل كلمه .. مع ان مافي شي تغير الكلام هو الكلام والنصيحه نفسها والاوامر نفسها لكن الفرق انك تعودتي انك تكوني الامره الناهيه ببيتك حتى لو في ابسط امورك وانتي المديره .. ببيتك ..

الحياه في ظل الاهل من بعد الطلاق امر صعب لا يعرف مرارته الا من جربه فتجدين الزوجه المطلقه تركض سريعا لزوجها لو اراد ترجيعها ... لانها لا تتحمل العيش مع اهلها بالرغم من انهم اهلها !! غريب صح ..

غاليتي .. ما هو اسوأ شي يمكن حدوثه لو كلمتي اهلك .. غير انهم بيقولون لك انتي حره بكره لا تشتكين منه ... وهالشي وارد حدوثه بس اختي لو صار مشكله مره ثانيه حاولي ماتطلعين من البيت ان شاء الله تقعدين بغرفه ثانيه بس لا تطلعين من البيت ..

تحياتي

ام جنى

المشاكل الزوجيه لزم تكون بين الزوجين و محد يعرف بهااا ...

اهي ادرى بزوجهااا ... لو متأكده انه بيسعدهااا .... خلاص تقول تعااالي كلم هلي و انااا موافقه ارجع معاااك ...
اليهااال اصغااار منو بيربيهم ... لازم يكونون فـ بيت مع امهم و ابوهم ...

الله يفرج كربتهااا و يصلح اهلهااا و اهل ريلهاااا.......

شكرا حبيباتي وجزاكم الله الف خير بصراحة ما اتوقعت تردوا علية

طبعا زوجها شيل عليها كتير وهي كمان بس في بينهم كمان حجات

حلوة يبغوا فترة يبعدوا عن بعض ويحاولوا يرجعوا الود والحب

بس هي رافضة تقابلة لان ممكن ما تنحل المشاكل و

ينفصلوا واذا عرفوا اهلها ايش حيكون ردت فعلهم

وزجها مايبغي يطلع الموضوع من بينهم علشان الحكاية

لا تنعرف بين العائلة الكبيرة وكل واحد يقعد يتفلسف عليهم

هي معامله اهلها مرة حلوة معاها امها واخوانها مدلعينها

ابوها متوفي والكل رافع يده من الموضوع اعمامها واخوالها واخوانها

الكل موافقها علي الطلاقققققققققق وهي خايفة علي اولادها

وكمان زوجها لة مكانة في قلبها والله محتارة ايش اقولها

يعني ياريت يبغي يرجعها الان لا ولا هي تبغي ترجع الان

يبغوا فترة علشان قلوبهم تصفي ايش رائيكم

بسمة أطفالي;8404503:
مثل ماقالوا الاخوات

المفروض تخبر اهلها ان زوج يبغي يرجعها ولو رفضوا تدخل واحد كبير من العايلة يمكن تنحل المشكلة

والله حرام الاطفال وش ذنبهم؟

الله يسعدهم يارب

عزيزتي صديقتك لازم تحاول تحل مشاكلها بينها وبين زوجها وياما مشاكل كبيرة تصير بين الازواج بس رغم كذا تنحل والحياة تستمر

هذا المفروض انها تحل المشاكل بينها وبينه بس هو الي ودها عند اهلها

ويقولها فترة نحاول قلوبنا تصفا يعني لو قابلتة برضوا حتكون عند اهلها

لفترة عل وعسي ينفع ويرجعوا يعني حيكونوا زي ايام الملكة

تقابلة والي يصير يصير بس ماعملتها وهي مراهقة تعمل شي من وري

اهلها هي بتفكر تقول لاختها الكبيرة وتاخذ رئها ايش رايكم

علي فكرة ابوها متوفي ولو كان ابوها عايش كان ما احتارت

لان ابوها اقترح علي وحدة من بنات اخواتة انهم يجلسوا

كل واحد عند اهلة ويتقابلوا كنهم مخطوبين ويصلحوا الامور

لان ابوها الله يرحمة اصعب شي عندة خراب البيت بس اهلها

الباقين عادي عندهم لان بصراحة عانت كتير من زوجها

بس حياتها اولادها وكمان هي ما شاء الله عقلها كبير

وتقول ايش خلاص هو الزواج سن واجعني اخلة واخلص منة

وعندها امل في زوجها لانة برضوا يحبها بس مشاكل العائلة اثرت علية

العيال شو ذنبهم


الله يكون في عونها

مايخصهم . .أهلها ...هاذي حياتها وحياة عيالها ....
زخلها تروح تسوي هالشي ..حتى لو بالخفاء ..دام اهلها مش مهتمين خلاص كل وحدة تهتم بنفسها ...واذا بتسمع كلام اهلها ....يمكن ماتنحل مشاكلها ...
الله يهديهم يارب ويصلح بينها وين زوجها وخليها تشوفه وتقابله ويتفاهمون حتى لو مو بعلم أهلها ..لأانه فوق كل هذا حلالها وكيفها