مشكلتي مضايقتني يا بنات

انا مشكلتي مضيقة خلقي و تعباني نفسيا..........

انا من الشخصيات اللي تحب الناس جدا و تتعشم فيهم مرة خاصة لو كانو من اهلي....

يوم تزوج اخوي تقربت من مرته ما خليتها تحس انها غريبة و اتصل فيها و احكي معها علطول و هي كانت مبسوطة و فرحانة جدا

المهم اني لاحظت انها بدأت تتغير يعني لما قربت منها اكثر لاحظت ان شخصيتها غريبة تتحسس من الناس بسرعة و اي تصرف يصدر من اي شخص تفهمه العكس حساسة لاقصى درجة و كنت انا اول اسألها و اقول انتي زعلانة مني و اتقرب منها

بعدين صراحة طفشت من الطريقة هذه مو معقول اني اعتذر على تصرفات تتوهمها من مخها.....بالاضافة انها لاحظت انها تغيرت الفترة الاخيرة تدرون اني في الفترة الاخيرة هذه كنت واقفة معها لاقصى درجة لانها كانت تمر بظروف تعب صرت انظف بيتها و امسح و ارتب و اسويلها غدا و يوم حصل مني تصرف احسه عادي يعني عاتبتها زعلت منها في شي فعاتبتها بهدوء من عشمي

صارت تغيرت و تتعامل بطريقة غريبة و شكتني لاخوي و اخوي لانه عاقل ما كلمني بس انا عرفت انها تشكيني لانه كان متغير و صدر منه تصرفات حسيت فيها انها تشكيله و لما كان يسألني عليها اشكر فيها مع اني طفشانة من تصرفاتها ما احب اني اسوي مشاكل بينه و بين مرته

المهم انها اتغيرت و تتعامل بطريقة مو مرحبة مع اني كنت في بيتها و فوق هذا رحت و كلمتها و صالحتها لو زعلانة مع اني ماسويت لها شي

و في يوم اتصلت فيني و كنت تعبانة و متضايقة و مارديت على التليفون و ربي شاهد اني ما كنت اعرف انها المتصلة بس اسمع التليفون من بعيد

و كلمني اخوي قاللي مرتي تكلمك ليش ما رديتي عليها كلميها قلتله اوكي راح اكلمها

و صراحة كان فيه موضوع شاغلني و ما لقيت وقت اكلمها المهم بعدها بيومين كلمتها ما ترد علي لمدة اسبوع تخيلو اتصل ما ترد و هي دايما تسوي الحركات هذه لو اتصلت و ما رديت عليها هي تتوهم اني قاصدة ما ارد........

صراحة يا بنات طفشت خلاص من التصرفات هذه المهم قلت اني خلاص ما راح اتصل و راح ابلغ اخوي اني اكلمها عشان يوصلها اني اتصلت عليها و اني رديت مكالمتها المهم اتصلت فيني بعدها بيومين تتكلم بطريقة رسمية و سكرت

اللي قاهرني انها نسيت تماما اني وقفت معاه في مرضها و اني تعبت عشانها و سويت المستحيل في ظروفها و ما قدرت و اللي مجنني انها متغيرة من وحي خيالها انا ما سويتلها شي اصلا و انا ماعندي استعداد اقعد اراضي و اصالح من غير سبب سبحان الله

و الله تعبت يا بنات صرت اتضايق منها جدا احس اني لما اخدت عليها مرة و اعتبرتها مثل اختي صارت تتكبر يعني في شخصيات لو عطيتيها وجه قوي تتصيدلك على الاخطاء

مشكلتي اني متضايقة و ابكي و ما اقدر اني اصارح اخوي باللي مضايقني من مرته لانه اكيد راح يقولها هو ما يخبي عنها شي و اخوي هذا حنون جدا و مرة طيب و دايم يقوللي قربي من مرتي و صاحبيها لكنه ما يسمع الا من طرف واحد من طرف مرته اللي تتوهم الشين من كل اللي حواليها انا هو دايما شايفها الطيبة المظلومة

مع انها تسوي احيانا حركات قليلة الذوق مع اولادي يعني لو اتضاربو الاولاد تزعل و تسكر غرفتها و تصيح و اكون انا عندها في زيارة يعني ما يصير تتركني و تدخل يعني اطفال اشلون تزعل و تسوي الحركات هذا في وجودي و بعدبن اخوي دايم واقف معها و يقول هي ما قصدها و مادري ايش

و الله طفشت خلاص و اصيح كل يوم لان اخوي شايف انها طيبة و مسكينة و موحاسس بتصرفاتها و دايم ملتمسلها العذر و انا ما اقدر اني اشكيله و اخليه يشيل منها لكن هي تشكي و تكلمه مع اني و الله العظيم اراعيها في المعالمة مو لانها مرة اخوي لا و الله لاني اخاف الله دايم و ما احب اظلم احد.........

انا نفسيتي زفت اصيح لاني احب علاقتي بمرة اخوي تكون طيبة انا هذا اخوي الوحيد و انا اخته الوحيدة ما لنا غير بعض لكن متضايقة من التصرفات هذه كل واحد عنده كرامة

انا صديقتي اشكيلها تقوللي في نوعيات من الناس لو عطيتيها وجه و صرت تتأسفين على الفاضي و المليان تتكبر عليك انتي ما تعطيها وجه و تعاملي معاها برسمية راح تنعدل

و انا خايفة اسوي كذا لاني قبل سويت كذا معها و راحت تشكي لاخوي اني متغيرة معاها و زعل اخوي مني و في النهاية صرت انا الشريرة و هي المسكينة

و في نفس الوقت انا و الحمد لله شخصيتي محبوبة من صديقاتي و لي وضعي ما يصير اعتذر و اتودد لوحدة ماتعطيني حقي في التقدير مع كل اللي اسويه عشانها

علموني يا بنات ايش اسوي و الله مقهورة و ابكي طول الليل و حاسة اني ماني طايقة نفسي و ما اقدر اقول لامي عشان ما تشيل منها و ماتكرهها

انا اخاف الله من ها الاشياء يعني كاتمة في نفسي و ساكتة ما اقدر احكي لاخوي و لا لامي

علموني يا بنات و الله مقهورة و طفشااااانة و ابكي ليل نهار كيف اتعامل معاها و في نفس الوقت اخد وضعي

احيانا افكر اكلم اخوي و اصارحه و اخاف اطلع في النهاية انا الحساسة اللي تتوهم لانه دايم يدافع عن مرته مع العلم ان اخوي و الله طيب جدا بس مادري اخاف اني اسوي مشاكل

علموني انا نفسيتي زي الزفت صرت افكر اقول لو عيالي كبرو و عيال اخوي و صارت العلاقة شينة بيني و بين مرته ماراح نكون عيلة واحدة انا مالي غير اخوي

و الله مقهورة ساعدوني الله يرضى عنكم ابغى ارجع وضعي و كرامتي في نفس الوقت تحس هي من داخلها اني واحدة عندها كرامة و تحاسب في تعاملتها معي مو عشان اني اصلحها و اكلمها باستمرار تزيد في طريقتها هذه ارجوووووووووووووووكم ساعدوني

و ما ابغى اخوي يحس اني مقصرة في حق مرته

و مشكورين خواتي ما لي غيركم....