تجربتي في تعليم بنتي النوم لوحدها..وبدون ما اشيلها أو أهزها..بعد معاناة 4 أشهر

ا

البنت الدلوعة

عروس برونزية

11-01-2009 | 07:55 PM

السلام عليكم ورحمة الله وبركاته ..

.
.

.
في موضوع من زماااااااان حابة أتكلم عنه..

اتذكرت اكتبه وأكتب تجربتي لمن شفت هدا الموضوع للأخت نوران

http://www.3roos.com/forums/t418508.html

أنا من اول يوم طلعت في المستشفى مع بنتي وانا صرااااااع معاها وقت النوم
في اول شهرين كانت دايما تنام على حضني وراسها على صدري وانا انام على ظهري..ومقدر اتحرك ولو شوية
ومرررررررررة عذاااااااااب لاني كنت كل ما احطها عالسرير تقوم من النوم وما ترضى تنام..

وبعد كدة لمن كبرت شوية سارت تنام وهي ترضع..واول ما اشيلها تبكي..
يعني تبغاني شايلتها.. وبأرضعها

وانا خلاااااااااص من جد مرة تعبت..واتهلكت وظهري سار مرة يئلمني وما كنت انام كويس..

وجربت اني اسيبها تنام لحالها..وقلت حتى لو بكيت رح اطنننننننننننننش..ومسكينة قعدت تبكي لمدة 10 دقايق الللللين ماخلاص..طبعا قلبي ما استحمل وما قدرت..وشلتها وحضنتها وشوية ابكي معاها..

أتاري الموضووع مو سهل..

لكن الحمدلله ..اخدت قراري ومن كم اسبوع قلت لازم اعلمها وحتى لو بكيت ما اروح واشيلها عشان تتعلم..
ارضعها واغيرلها واخليها مرتاحة واسيبها تبكي..ومصيرها تتعلم..ولازم اتعلم اني ما اضعف كل ما تبكي وتتدلع تبغى احد يشيلها..

وجربت..وخليتها تنام والجو هدووووء وبضوء خافت..
قعدت تبكييييييي والله يا بنات تقريبا ساعة الا ربع..وانا بأتقطع خلاااااااااااص..مني قادرة..
بس شوية..اسمع مافي صوووووووووت مشالله نامت..
قلت الحمدلله..

واليوم اللي بعدو نفس الشي..بس ربع ساعة بكيت فحطيتلها قرآن بصوت واطي بعدين سكتت ونامت..

واليوم اللي بعده خمس دقايق..

وكدة كل شوية يقل الوقت ومشالله تنام لحالها..
قولوا مشالله تبارك الله لاني من جد عانييييييت..وسارت تنام دحين اول ما احطها او تدلع شويتين وتنام..
ولو بكيت زيادة اعرف انه فيها شي..يعني جيعانة او ماهي مرتاحة..

يعني لازم الام يكون قلبها قوي أحيانا عشان تقدر تربي اولادها كويس..حتى لو قلبها وجعها..

انا حماتي أنبتني وقالتلي حرام عليك وكانت تطالع في اني قاسية وقلبي قاسي..بس بعدين فهمت..انه هدا الشي الصح..وسارت لمن تبا تشيلها تنيمها اقولها لا سيبيها تنام لحالها...

والحمدلله هدي حكايتي..

انشالله يكون استفدتوا ولو شوية..
ومن جد لازم تقوا قلبكم..
وادعولي الله يعينني على تربيتها يا رب

ف

فلة صالح

عروس مشاركة

11-01-2009 | 08:18 PM

سلام
مبروك و الله معك حق
لازم تتعود
ان شاء الله تفرحي بيها

ع

عنوني

عروس برونزية

11-01-2009 | 08:18 PM

الله يعطيكي الف حبيبتي

بنتي عمرها سنه الحين

بس احاول اخليها تنام لوحدها في سريرها وبدون رضاعه

وصار لي تقريبا بس اسبوع

اتم لساعه وحده الليل ،،، بس صج تعب وعوار راس

ا

ام عمـار

مشرفة سابقة

11-01-2009 | 08:24 PM

ما شاء الله تبارك الرحمن من جد شاطرة

صحيح يقطعون القلب بس لازم نوصل لحل يريح الطرفين

شكرا لنقل تجربتك و الله يخليك الحلوة

ا

القمران

عروس ماسية

11-01-2009 | 10:24 PM

ماشاءالله تبارك الرحمن

الله يخليها وتبلغي فيها يارب

ر

رحيل الأحزان

عروس مبدعة

11-01-2009 | 11:45 PM

حلووووو ورائع ماشاء الله تبارك الله

ع

عذاري...

عروس برونزية

11-01-2009 | 11:58 PM

الحمد لله بنتي من صار عمرها اربع شهور صارت تنام لحالها وما تعرف تنام على رجلي

بس المصيبة اذا كنا بره وتبي تنام

تنتظر ليما نرجع البيت حتى اخليها بسريرها

ا

ام بتايل 20020

عروس مشاركة

12-01-2009 | 12:06 AM

[GRADE="00008B FF6347 008000 4B0082"]
هههههههههههههه والله انكم دلع خليهم يدلعو زي ماتدلعتو على امهاتكم انا بنتي جبتها بعد عشره سنوات تعب وصبر ودحي تنام وتصحى على رجلي ما تعرف سريرها ولاا الارض وانا مره مبسوطه
[/GRADE]

ر

ربيعيه

عروس ماسية

12-01-2009 | 12:11 AM

ماشاءالله تبارك الرحمن

الله يخليها وتبلغي فيها يارب

لكن لو اني ما اقدر اخليهم يصيحو قدامي قلبي يتقطع عليهم حتى لو دلع

لكن اني من وقت الولاده اعلمهم بس الرضعه والتغير واخليهم على السرير حتى لو صاحين

o

om lina w saad

عروس جديدة

12-01-2009 | 12:22 AM

أنا عندي توأم و مطللعين روحي بأي شي
بالنوم و الأكل و كل شي
و الله رح جن
بس برجع و أقول الله يغفر لينا من الوالدين...

*

**ام عبادي القمر**

عروس ماسية

12-01-2009 | 12:28 AM

ماشاء الله تبارك الرحمن
وعقبال اولادنا ان شاء الله

ج

جودي جودي

عروس مبدعة

12-01-2009 | 01:09 AM

يسلموا
اللله يحفظها ويخليها يارب

ج

جنه ساكنها حبيبي

عروس ماسية

12-01-2009 | 01:23 AM

ماشاءالله تبارك الرحمن

الله يخليها وتبلغي فيها يارب

اني بنتي عمرها تسع شهور وهي لازم تقعد من النوم وترضع وبعدها اتنام

لو اخليها على سريرها اتجي اللي ماتقدر اتنام من دون ماترضع

جاري التقييم

ج

جويهر

عروس رائعة

12-01-2009 | 01:24 AM

ماشاءالله الله يخليها لك وتشوفيها عروسه .

الله يكون في العون الاطفال يبون صبر ونفس طويل الله يصلحهم مشكوره حبيبتي ماقصرتي

وتستاهلي التقييم

B

Blossoms

مشرفة سابقة

12-01-2009 | 02:22 AM

ماشاء الله مشكورة على عرض تجربتك اختي والله يهديها لك

أ

أم عزوز001

مشرفة سابقة

12-01-2009 | 03:48 AM

[FRAME="11 70"]
[GRADE="FF4500 4B0082 0000FF 000000 F4A460"]
[SIZE=5]الله يعينك ويحفظها
بس مو صغيره تتركيها لوحدهاااااااا؟
[/GRADE]
[/FRAME][/SIZE]

s

shoog2006

عروس مبدعة

12-01-2009 | 04:15 AM

تشكري لنقل تجربتك وان شاء الله نتعلم منك

الله يخليها لك وتبلغي فيها يارب

ع

عطرالحياةالياسمين

عروس فضية

12-01-2009 | 06:59 AM

عندك حق نومهم متعب في السن الصغير ده
دي بالظبط كانت معاناتي لكن الحمد لله دلوقتي كبرو
بينامو لوحدهم المشكلة الجديدة ان بنتي الصغيرة لازم تنام
تنام فين ؟؟؟؟ طبعا جانبي لزق فية حاولت على قد ماحولت
خلاص لازم تنام الاول وبعدين اشيلها احطها في سريرها

ع

عروس جنان

مشرفة سابقة

12-01-2009 | 07:38 AM

ما شاء الله..
انا اتبعت نفس طريقتج والحمد لله نجحت..
عسى الامهات يستفيدوا...

2

2009ESRA

عروس مبدعة

12-01-2009 | 07:45 AM

ماشاء الله

نفسي طريقه نوم بنتي علمتها كده

تسلمي ياغلا