رابطه عرايس مصر المسافرون للسعوديه

اولا ازيكم يا بنات
انا عايشه ف السعوديه عمر بحاله من زمااان قوي وانا عندي دلوقتي 23 سنه
وهتجوز في مصر ان شاء الله بس انا تحت امركم لو عزتو اي حاجه او اي استفسار عن الحياه هنا
او الاماكن او الاسعار او اي حاجه من واقع تجربتي في العيشه ف السعوديه وربنا يوفقكم يااااااااااااااااارب

اسمحيلي اكون اول واحده انا اسمي بسمه من المنصوره وعندي 23 سنه وان شاء الله فرحي يوم 3_4_2009 وهسافر مع جوزي بأذن الله السعوديه في جده ان شاء الله
واي اساله يابنات في حكايه اجراءات الورق والسفر انا ممكن افيدكم باللي اعرفه

انا هبدا بما اني عملت الموضوع
بس طبعا الفكره فكرتكم طمنت وحبيبه مادو و manyaa

انا ميتسي 23 سنه وانا شاء الله هتجوز في شهر 4
وهعد في الدمام باذن الله

مطلعتش انا اول واحده
المهم يا بنتوته مصريه جداااااااااااااااااااا طبعا هتنورينا
وانتي يا طمنت منوره. وانا وانتي عرايس شهر واحد ربنا يتمم بخير
وانتي يا مصريه جداااااااااااا فرحك امتي ان شاء الله؟

تخيلي يامتسي انا وانتي ومنمن في شهر واحد ومسافرين السعوديه برضوا بس قوليلي انتي هتسافري ع طول مع جوزك ولا بعده وهتعملي ايه؟

يابنات كل اللي يدخل تقول هيا فرحها امتي وهتسافر ع طول ولا ايه علشان نساعد بعض وبجد الموضوع ده هيفدنا اوي وخاصه ان الاجرلاتءات بتاعه السفر رخمه اوي ربنا يتمملنا جميعا ع خير ويهنينا يارب قادر ياكريم

النور نورك يا قمر دا انتم اللي هتنوره السعوديه
انا فرحي في شهر 7 باذن الله .... وحاليا كنت بحج وقاعده ف الرياض بجهز شويه
الحاجات هنا حلوه ومعقوله سعرها غير مصر خالصصصصصصصصصصصصصصصص
ربنا يكون في عونا كلنا

انا برده من المنصوره وفرحي 2-4 وبرده مسافره السعوديه ان شاء الله بس بلد اسمها القريات وعندي 23 سنه اظاهر ان شهر 4 شهر توريد عرايس مصر للسعوديه

هههههههههههههههه عند حقك يالوله
طيب بقولوكوا ايه تيجوا نعمل لينا ليسته ونسميه ليسته عرايس توريد السعوديه وميتس تحطها في الاول ايه رايكم بصوا انا يوم 3_4_2009 يلا ميتسي ظبطيها وحطيها في اول مشاركه

ميتس منمن معانا في شهر 4 وهي يوم 28 ولوله كمان يوم 2 مستنين manayaa وحبيبه مادو وباقي البنات المسافرانت علشان نعمل ليستتنا هتبقي عهسل اوي

منمن كانت بتسال ع تذكره السفر بتتظبط ازاي بصي ياحبيبتي انتي ممكن تحجزيها من عندك او هو يحجز هالك بصي انا خطيبي حجز تذكرته ذهاب وعوده طبعا وانا سالت هنا وهناك ع سعر التذكره وان شاء الله اول ماخد التاشير واخلص الورق باذن الله هاخد رقم رحله العوده بتاعه خطيبي وهاجز عليها او هو هيحجزلي من عنده وبصي انا سالت في مكتب سياحه ع التذاكر في شهر 4 وقالولي ان الطيران مش بيبقي زحمه
اصل انا كنت خايفه مش اعرف احجز معاه واسافر في طياره تانيه ولان كمان هو هيبقي حاجز قبلي بفتره
واي اساله يابنت انا في الخدمه
وكمان يابنات عايزين نتشارك ونشوف ناخد قد ايه هدوم معانا والاكل وايه ناخده وايه مناخدوش قولولي ارائكم

ماشي انتي هتعملي فرحك فين؟ وعلي فكره انا مش عارفه ليه انت مبتحبيش جونتنياس انا كنت بشعري ووديت بعدي صحبتي محجبه في دخلتها مرات محمد السعدني كانت مطلعها قمر وبعدين انتي في الرواقه بتاعه 4 يعني المكان هيكون فاضي انا مشكلتي مع جونتنياس اني مش عايزه اطلع الاتنين شبهه بعض عايزه اغير

ازيكم يا قمرات

شوفو انا مش عارفه الموضوع دا احنا عامليه علشان البنات المصريات اللي مسافرين السعوديه
ولا اللي عندهم 23 سنه ولا اللي هيتجوزا في شهر 4
فعلا صدفه غربيه ولذيذه
اوكي يا طمنت انا هعمل ليسته العرايس اهو
انا 9_4 _2009
وان شاء الله هنتظر لحد ما خطيبي يخلص ورق الاستقدام.ان شاء الله

يا اهلا يا اهلا عملتوا الموضوع خلاص كويييييس عشان نبقى نونس بعض لما نساااافر ونفيد بعض

والله انتوا منوريين يا حبيبى انا هنا اصغر واحده ولا ايه يعنى كلكم عليا ولا ايييه هههههههه

انا عندى 21سنه ونص وخطوبتى كانت 28/8/2008 وان شاء الله فرحى فى شهر 9 بس لسه مش حددت اليوم بس انا عاجبنى يوم 24 و28 و29 احب اختار ايام مميزه كده زى الخطوبه انا اخترته
انا بقى محتاره جدا لانى مش كتب الكتاب لسه وخطيبى مسافر بس هو عمل لباباه توكيل عشان نكتب الكتاب بس مش عارفه حكايه الشهاده الطبيه دى ايه تتعمل ازاى يعنى وهو ومش هنا ينفع يعملها هناك ويبعتها ؟؟

مبررررررررررروك ليكم يارب
وتيجوا لنا بالف سلامه

اوعي حد فيكم يكون من مواليد شهر 4 كمان تبقي ائيه انا من مواليد10-4 وكان نفسي اعمله يوم عيد ميلادي بس للاسف مش نفع

شوفي يا طمنت بالنسبه لتذكره الطيران
شوي لو مش هتفرق تحجزي علي الخطوط المصلايه او السعوديه
يعني لة الاتنين ينفعوا عادي .عاوزاكي تاخدي بالك من حاجه
ان كل شركه ليها وزن معين يعني الوزن اللي ينفع تخديه علي المصلايه مش زي اللي ينفع علي السعوديه.. يعني لما تيجي تحجزي اسالي في النقطه دي...علشان اكيد وانتي مسافره باذن الله هيبقي معاكي حاجات كتير اكتر من اي مره..بس انا اسمع ان الخطوط المصريه ليكي فيها وزن اكتر من السعوديه...............
حبيبه مادو.......نورتي يا جميله...قوليلي انتي منين؟؟؟؟؟
وبالنسبه لكتب الكتاب. علي حسب مزاجك.لو انتي حبه تسافري معاه
يبقي تكتبي الكتاب طبعا هي مش بيبقي ليها طعم اوي زي لو هو موجود
بس اهي بتبقي كويسه بعد كدا علشان هتسافري معاه.بس ماتنسيش انه قبل ما ينزل لازم يجهز شقه علشان يخدك معاه عليها...انما لو كتب الكتاب
وهو هنا هتضطري تستني لما يبعت ليكي .ويخلص الورق ويجهز الشقه

lolaaaa:ماتقلقيش انا عن نفسي مش مواليد شهر 4
انا شهر 6...
حبيبه مادو..انا بقترح عليكي تعملي فرحك يوم 29
علشان يبقي 29_9_2009
انا خطوبتي كانت 17_7_2007
جنه الله....ميرسي ليكي يا قمر الله يبارك فيكي يارب

انا لحد الان مش عارفه هناخد معانا كميه هدوم قد ائيه وكده يعني بسبب الموضوع ده يا mitcy وهدوم الخروج هوه احنا مش هناك ليهم استيل لبس معين