دموع اشتياقي;8582070:
التذكره بتاعتي علي الخطوط السعوديه ب1800ج
وابني عنده3 سنين تذكرته ب1500ج
بيقولوا الخطوط السعوديه افضل
اما الوزن والله ربنا يستر مش عارفه اوزنه فلبيت لانه ده ميزان اشخاص مش ميزان شنط
دموع اشتياقي;8582070:
اما الوزن والله ربنا يستر مش عارفه اوزنه فلبيت لانه ده ميزان اشخاص مش ميزان شنط
moon_eyes;8582492:
تصدقى يا صوفى انا برضة فكرت اعرض الموضوع دة على جوزى
فى شركة اسمها سما للطيران بيقولوا اسعار تذاكرها حلوة قوى
فعلا هما حيلاحقوا على اية ولا اية
ربنا يعنهم فى الغربة
moon_eyes;8582586:
LOLAAAAA1985, sofy_eg
صوفى انتى مسافرة الرياض مش كدة
sofy_eg;8582611:
عليكى نور يا حبيبتى
كتر خير فكرتينى باسم الشركه اللى قالى عليها
هى فعلا اسمها سما وفى واحده كمان اسمها ناس
بس على ما اعتقد انه بيتكلم على سما
وقالى ما فيش فرق غير انهم مش بيقدموا وجبه على الطياره
ودى اكيد برضوا بالنسبه لى مش حاجه مهمه لانى لما بكون فرحانه مش بأكل
وانا اكيد ان شاء الله هكون فرحانه علشان هشوف حبيب قلبى زوجى والخكايه كلها ساعات
اما بالنسبه للخطوط السعوديه انا زوجى كان وزن الشنط وكان عارف انه معاه 10 كيلو وزن زياده بس مكنش يقدر يستغنى عن حاجه من اللى كان واخدها معاه
بس مخدوش من حاجه فى المطار يعنى مدفعش رسوم الوزن الزايد وقالى فى مره ان ده يرجع للتوقيت اللى مسافره فيه يعنى لو فى موسم بيدققوا اوى لكن غير كده بيعدوا الناس والله اعلم طبعا دى مساله حظ
sofy_eg;8582631:
ايوة فعلا مسافره الرياض وانتى يا حبيبتى رايحه الرياض برضوا؟
moon_eyes;8582651:
طب موضوع الوجبة دة مش مشكلة عندى خالص لانى مش باكل فى الطيارة اصلا
طب عاوزة اعرف هو رسوم الوزن الزائد بيبقى كتير يعنى ولو اخدت معايا اكل احطة فى الشنطة الى على الطيارة ولا يبوض لانى ما ااعتقدش انى حعرف امسك شنطة فى ايدى خالص
sofy_eg;8582729:
معلش يا حبيبتى انا مش فاهمه انتى تقصدى انك تاخدى اكل يعنى تكليه فى الطياره ولا تقصدى حاجات مجمده يعنى لاستعمالك هناك؟
لو تقصدى انك تاخدى اكل علشان تكليه انا عارفه ان ده بالنسبه لسما ممنوع
لانهم بيقدموا وجبات بس بتدفعى وانتى فى الطياره
فأكيد مش هيسمحوا للناس انهم ياخدوا ماكولات معاهم للاستخدام
اما لو تقصدى انك تاخدى حاجات مجمده معتقدش ان فى مشكله لانهم سمحين بحقيبه هاند باج بس بشرط الوزن ما يعدى ال7 كيلو
moon_eyes;8582670:
اة انا رايحة الرياض برضوا ان شاء الله ..انتى حتقعدى فين ان شاء الله..وعرفتى حاجة عن اسعار الشقق هناك
الرياض جوزى بيقول انها حلوة بس مينفعش الخروج فيها بدون سيارة عشان كدة هو ماشى برضة فى اجراءات انة يعمل رخصة قيادة وكدة
ومفيهاش فسح كتير غير اماكن للعوائل والمولالات
بس مش مهم اهم حاجة نكون جمب ازوجنا وخلاص
ربنا يحفظهم
moon_eyes;8582782:
لالا يا صوفى اصل انا ان شاء الله مسافرة عروسة لجوزى وماما عاوزة تعمل لى اكل عشان العشا وكدة..قصدى اكل مطبوخ يعنى..تحكمات ماما بقى اعمل اية:21_184:
معرفش هل حيبوض منى او يحمض
sofy_eg;8582791:
انا ولله لسه مش عارفه انا هقعد فين فى الرياض بس اول ما زوجى يقولى هقولك على طول
يمكن نتقابل هناك ونكون سوا فى مكان واحد
اما الخروجات انا فعلا عرفت من زوجى انها محدوده شويه فى الرياض مش زى جده
بس مش مهم زى ما انتى بتقولى اهم حاجه هنكون جنبهم
اما موضوع السياره د فعلا مظبوط لازم سياره
وعقبال ما زوجك يطلع رخصه
نتقابل بئه ونخرج سوا
لان زوجى معاه عربيه ........... اي رأيك ؟
sofy_eg;8582862:
امممممممم:think::think::think:
مش عارف ولله بس شوفى هى هتديكى ايه يمكن تعرفى تجمديه
بس اكيد الافضل ان عريسك هناك هو اللى يجيب العشا
بس نعمل ايه فى التحكمات
انا كمان حماتى مصممه تدينى حمام محشى مش نى
وبتقولى انى ممكن اجمده ولما اروح هناك واحط فى الفرن شويه هيرجع زى الطازه
ومش راضيه تدينى الكميه كلها نئه
هى كمان بتفكر فى العشا بتاع يوم السفر
بس اكيد الحاجات المجمده مش تلحق تحمض
انتى مسافره امتى ان شاء الله؟
moon_eyes;8582935:
والله يا صوفى انا برضة ماما عاوزة تدينى حمممام
لا والمصيبة بقى كمان ان حماتى عاوزة تدينى فسيخ:21_133::21_133:
عروسة رايحة لعريسها بفسيخ
وقدرش اقول لحماتى لاء
وكمان عاوزين يدونى كحك وبسكوت زى ما يكون مفيش اكل هناك
moon_eyes;8582911:
والله ياريت انا رايحة هناك ومعرفش اى حد وان شاء الله نتعرف على بعض
طب انتى عرفتى كمان ان هناك مفيش كوافيرات زى مصر هنا يعنى مثلا اقل حاجة ممكن تتعمل الحواجب وكدة ب 50 ريال انا سالت بنت معانا هنا فى المنتدى وقاعدة فى الرياض
وبيقولوا فى كوافيرا فى البيوت بقى معرفش الواحد حيتصرف ازاى فى الموضوع دة
sofy_eg;8582453:انا بئه هقولكم على حاجه هتضحكوا عليه مووووووووت:21_133::21_133:
انا زوجى غاوى حاجه اسمها عرووووووووووووووووض:yahoo::yahoo:
رغم ان انا من المهندسين لكن زوجى احتمال يخلينى اركب من اسكندريه علشان فى شركات طيران عامله تذاكر بأسعار مخفضه بس هى مش مصر للطيران ولا الخطوط السعوديه وبصراحه انا مش عاوزة اقوله لأ ولا عاوزه اقوله ان المشوار ده هيكون ارهاق ليه :21_184::21_184:
علشان هو يا حرام متكلف كتيييييييييييييييييييييييير اوى زى ما انتوا عارفين فى السكن والتأسيس هناك وكل شويه تطلع له مصاريف من تحت الارض
كمان انا مش فارقه معايا اوى انا هسافر فى ايه
الحكايه كلها ساعتين ونوصل ان شاء الله بسلامه ومش هتفرق اوى
و بالنسبه لى فى حاجات تانيه اهم
وكمان انا عاوزه اساعد بأى حاجه ومش عارفه اعمل ايه ودى اقل حاجه اقدر اعملها
بس برضوا رأيكم يهمنى
ولو فى حد منكم من الاسكندريه يقولى فين مطار النزهه ؟وفين مطار برج العرب ؟
بس الاحتمال الاكبر انى اركب من مطار برج العرب
manyaa;8583304:
مطار النزهة ده في اسكندرية جنب نادي اللاجون....و كارفور ...
مطار برج العرب في برج العرب و هي برة اسكندرية بشوية كدا لكن معرفش بأد ايه ....و مش حتفرق معاكي في حاجة اسألي الباص حينزلك فين و حتاخدي تاكسي من مكان ما حينزلك بس بصراحة معرفش المسافات حتكون ايه بالنسبة لبرج العرب...
و ادعولي يا بنات لحسن انا و خطيبي مش لاقيين حجز طيران في المعاد اللي المفروض نسافر فيه ..:ss:
دموع اشتياقي;8579331:
ممكن عشان يخلصلكم الاقامه قبل متروحوا مش عارفه والله انا عاملي استقدام بصي هوه لسه باعتلي رساله انه عايز صور ليه انا وابني
انا باذن الله تذكرتي يوم الاربعاء بعد بكره الصبح بنات خلي بالكم من الوزن ثم الوزن
انا مسافره علي مصر لطيران مسموحلي بس ب20ك للتذكره
وابني كمان 20ج للتذكره ولازم كل 20ك في شنطه
ومسموحلك بشنطه هاند باج فايدك عطياره لا تتعدي 7 او 10 ك