رابطه عرايس مصر المسافرون للسعوديه

معاكي حق احنا عندنا بقي بياخد 100 جنيه رقم للنت
وفعلا الواحد بيدايق حتي لو المبلغ تافهه من الموقف همه بيبصولنا علي اننا مسافريين بره يا بنتي و هنعبي في شوال فلوس ونجيب مش تنسي تخدي شوال لحسن في ازمه اشوله في السعوديه حاجه تفرس مع اننا غلابه والله احنا لو كنا لقينا هنا حاجه كويسه مكناش سفرنا واتغربنا لحظه الغربه بعيد عن الاهل متسوايش كنوز الدنيا انتي جوزك بيشتغل ائيه هناك

ولله معاكى حق
ده كمان انا شفت ناس بتفاصل فى مكتب السفريات
انتى عارفه انا دخلت الموقع اللى المفروض بيجيبوا منه رقم النت وبيسجلوا فيه بيانات جواز السفر
وهو موقع الخارجيه السعوديه وموقع انجاز
بس الاستخدام مش متاح للافراد متاح للشركات بس والشركه بتدخل بيانات خاصه بيها زى رخصه الشركه
ومن الموقع عرفت موضوع ال10 دولار الرسوم اللى بيقولك عليها
انا بحب ادور وافهم قبل ما اعمل حاجه لان لما رحت عند السفاره معرفتش ادخل ومفيش غيرالناس اللى واقفين
وكمان زوجى مكنش ملم باللاجراءات كلها وقالى اسألى انتى
انا زوجى بيشتغل فى شركه منتجات حلوى ومثلجات اطفال
وهو مشرف مبيعات
وانتى زوجك بيشتغل ايه؟

انا يا ستي مهندس كمبيوتر احنا المكتب عندنا بياخد 250 جنيه 100 منهم الرقم بتاع النت
لا انا مش بعرف افاصل انا فاشله اصلا وعلي فكره رقم تحاليل وزاره الصحه في رقم تقدري تباشريه من النت مكتوب في الورقه

LOLAAAAA1985;8759683:
انا يا ستي مهندس كمبيوتر احنا المكتب عندنا بياخد 250 جنيه 100 منهم الرقم بتاع النت
لا انا مش بعرف افاصل انا فاشله اصلا وعلي فكره رقم تحاليل وزاره الصحه في رقم تقدري تباشريه من النت مكتوب في الورقه

لا يا حبيبتى انتى فهمتينى غلط
مش انا اللى كنت بفاصل
انا معرفش خالصصصصص
بتكسف بصراحه
وكمان الرقم اللى بقولك عليه مش رقم لمتابعه التحاليل انا بتكلم على رقم االنت اللى بتروحى تحللى بي

ايوه منا فاهمه انا بقولك احنا مش بنعرف نفاصل منا عارفه وانا فاهمه كلامك صح انا بعرفك ان في رقم ممكن تراجعي بيه علي النت

مكتب فهد قالى كل التكاليف 180 منهم 80 رقم النت
بس انا وبنتى يعنى التكاليف360
بس انتى ممكن عندك يكلف 250 يعنى اكتر شويه يعنى علشان انتى مش فى القاهره

يعني انا يمكن اقابلك السبت ان شاء الله صح ادعيلي وادعيلك وانا هدعيلك وادعيلي وكمان هستفاد منك في تحليل الشروق ان هتعرفي ائيه النظام لان التحليل بتخديه تاني يوم

ولله يا حبيبتى بدعيلك وربنا يخليكى متشكره ع الدعوه
انا نفسى اطمن على موضوع التحاليل ده فعلا انا قلقانه شويه
ولله ياريت فعلا نتقابل يوم السبت وتنورينى فى البيت كمان

الله يخليكي يا رب

LOLAAAAA1985;8759902:
وكمان هستفاد منك في تحليل الشروق ان هتعرفي ائيه النظام لان التحليل بتخديه تاني يوم

انتى تأمرى يا حبيبتى انا تحت امرك

بصي يا قمر تحليل جامكا النتيجه تاني يوم وطبعا علشان انا مش من القاهره فانا هروح اجيب التحليلين في يوم واحد وهوه السبت بس فانتي طبعا جمبها ممكن تجيبي تحليلك تاني يوم نعرف كتبوا فيه ائيه كده فهماني

اه فهمت
ماشى اوكى
انا اول ما اخذ نتيجه التحاليل بتاعت الشروق هقولك على اللى فيها
ان شاء الله خير

انتى بس قوليلى انتى بتدخلى النت امتى علشان الاقيكى هنا فى الرابطه واقولك على التفاصيل ونتكلم

انا لا جئه علي النت هتلاقيني من بعد الساعه 3 ونصف لحد 12 والصبح بطبخ وانا بطبخ مشغلاه لان انا ماما متوفيه وانا اللي بهتم بشغل البيت وكده وزي ما قولتلك عاطله لا وريا حاجه ولا حاجه

[blink]

[/blink]

بنات:حد مسافر حفر الباطن؟:(
ةاخبار السكن هناك ايه؟الي يعرف يفيدنا

السلام عليكم ازيكم يابنات فاكرني انا إيمان سيد كنت مسافره للرياض من شهر ونص كده انا فرياض الآن بس الحياه نار غاليه بنسبه للأكل والكوافير محدش بيعمل حواجب انا قاعده فحي الروضه والكوافيرات غاليين واسمها هنا مشاغل انا داخله من الموبيل لما اجيب كمبيوتر هدخل وأقول كل حاجه وحشني سلام

لمبادا;8974119:

بنات افيدونى

لو فى شئ اخلصه قبل ما زوجى ما يسافر
هو وثق شهاده ميلاد اولادى وقسيمه الزواج
وانا خلصت جواز سفرى انا واولادى فى حاجه تانيه ممكن اعملها قبل ما يسافر ولا خلاص بستنى لما يبعت التاشيره
وانا من الزقازيق يعنى من وين اسوى التحاليل ديه وامتى اعملها

ارجو الرد

السلام عليكم ...
بصي ياحبيبتي كده بالنسبة للورق خلاص وانت بتستني التاشيرة
وتخليها معاك حتحتاجيها في المطار ماشي
بالنسبة للتحاليل حسب البلد الى رايح ليها زوجك هل بتطلب تحاليل ولا لأ
لو بتطلب اكيد عندكم مكان مخصص لاخذ التحاليل الخاصة بالمسافرين الى الخارج
بس ما عليك سوى السؤال عن مكانها وبتعمليها وان شاء الله
كله خير وتوصلي لزوجك بالسلامة
ويارب اكون افدتك ...تقبلي مروري وتحياااتي (f)(f)(f)

مشكورة اختى ام عمر ومنه
طيب بعد ما زوجى يبعت التاشيره قالى هبعتها على النت وبعدين اعمل ايه

لمبادا;9168409:
مشكورة اختى ام عمر ومنه
طيب بعد ما زوجى يبعت التاشيره قالى هبعتها على النت وبعدين اعمل ايه

مافيش حتعمليلها اسكان وحتخليها معاك
وحتروحي بيها المطار وجواز السفر والتزاكر
وان شاء الله مش حتحتاجي حاجة تانيه
بس خلي بالك من الميزان دلوقتي بيدققو قوي
لازم الشنطة متزدش عن 30 كيلو والا حيفضوها
وكمان الشنطة الى واخداها معاك الطيارة 7كيلو
وتوصلي بالسلامة ان شاء الله