الكباجي او الجباتي تختلف المسميات من منطقة للثانية هو حلو شعبي ولذيييذ جدا
انا حقيقة جربت كذا طريقة وماعجبتني الاهذي شهية وخفيفة تذوب بالفمم الله يعطي صاحبة الطريقة(ملكة قطيفية ) الف عافية
المقادير والطريقة معا
المقادير :
كوب ونص طحين
نص كوب سكر
ملعقة زيت
ملعقة بكنج بودر
نص ملعقة خميرة
نص كوب ماء
ملعقيتن حليب بودر
-رشة صغيرة صفار الزعفران
الطريقة :
- اخلطي المقادير الناشفة مع بعضها ماعدا الخميرة
- ذوبي الخميرة في نص كاس الماء
- امزجي المقادير السائلة بالمقادير الناشفة حتى تتماسك جيداً وتذوب حبيبات السكر والطحين
- غطي العجينه لمدة نص ساعه - حتى ترتاح
- ستحتاجين الى مقدار من الطحين
العجينة راح تلاقوها تشبه عجينة الخنفروش نوعا ما يعني مو مثل العجينة العادية وعشان تفرديها بتحتاجي لكمية طحين
نقسمها الى كور صغيرة ونشتغل على كل وحده لوحدها
نفرد الكرة على سطح مرشوش بالطحين بهذي الطريقة ويفضل تخلينها شوي رقيقة وانتي تفردي رشيها بالطحين حتى ماتخترب او تلصق وماتعرفي ترفعيها
ونقطعها الى انصاف او ارباع على حسب الرغبة
اذا قطعتي كل الكرات تقليهم قطعة قطعة في زيت حار ونرش عليها من فوق زيت حتى تنتفخ
ملاحظه :انا قلت لكم اقلوها قطعة قطعة لانك اذا حطيتي كل القطع مابتنقلي بالشكل المطلوب ولا بتنتفخ عندك
وهذي النتيجة النهائية
وهني قطعتها لكم شوفوا شلون هششششة
وبالعافية عليكم
ان شاء الله تعجبكم الطريقة
بانتظار ردوودكم وتقييماتكم الحلوة:)
