اتصال ........؟؟ طيب ارد؟؟

السلام عليكم ........
ازيكم يابنات اتمنى تكونوا بخير يارب ..........
طبعا انتوا عارفين انكم اخواتى بجد ولما بحتار فى شئ او بستغربه بلجأ ليكم وفعلا بيكون ثقتى فى محلها ليكم .......ربنا يخليكم ليا يارب ........

هحكيلكم على اللى حصل ليا النهارده العصر وكانت المفاجأه ليا ولاخويه ..............

وعلى فكره كنت وقتها قاعده على النت وكنت لسه هكتب ليكم موضوع انى تعبانه ونفسيتى وحشه قوى وكده وفجأه جتلى المكالمه ..........
وهحكى بكل صراحه جدا ......... المكالمه كلها وبعدين هوضح .... بس بجد نفسيتى تعبانه بلاش تنقدونى واعزرونى او فرحونى

الموبايل رن .....

اسمها ..........
انا: اسلام دى .......... ارد ولا ماردش؟؟
اخويا: لا ردى وشوفى عايزين ايه؟؟
انا: الو..
هى: اميره؟
ايوه
ازيك
بصراحه انا فرحت جدا لانها واحشانى قوى
اهلا ازيك
هى: عامله ايه انا هموت عليكى وحشاااااااااااااانى قوى والله بجد
انا: انتى اكتر عامله ايه
هى: الحمدلله ازيك انتى ..انتى فينك
انا فى الدنيا يوم كده ويوم كده
البقاء لله والله العظيم والله العظيم والله العظيم كنا فيى سيرتك على طول وحشتينا قوى وكمان حاولنا نتصل بيكى ببقالنا فتره طويييييييله جدا وتليفونك مقفول (ده صحيح) وحشتينا قوى وكنا عايزين نعزيكى اول ماعرفنا والله العظيم زعلنا جدا حتى اختى الكبيره كانت عماله تتصل بيكى وعايزه تكلمك بقالها فتره من اول ماعرفت موضوع طنط الله يرحمها
وانا قاطعتها ربنا يخليكم ليا اكيد انتوا حاسين بللى فيا
هى: والله حتى هى سألتنى عنك وخدت رقمك منى تانى وقالتلى لا هو اللى عندى
اميره؟؟
نعم
هو انتى اتجوزتى؟؟
انا؟؟
مين قالكم كده
قالتلتى من زمان واحنا عايزين نكلمك واتقال لينا انك اتجوزتى وسافرتى قطر كمان خلاص
واللى اكدلنا كده انه تليفونك مقفول دايما ...
انا صعقت :eek: مين قال كده
قالت والله ده اللى عرفناه
انا: طيب ازاى ده ماما ماتت من 3 شهور مين اللى هيجيلوا نفس ؟؟
انا كان عندى عريس فعلا من يومين لكن رفضت وقت الجد بلاقى نفسى مش مستعده نفسيا
قالت أه
يعنى ولا اتخطبتى؟؟
قولتلها لا
وقعدت تواسينى شويه وتضحكنى وتقوللى ده احنا امبارح كنا عايزين نكلمك ودخلنا الاوضه وقفلنا على نفسنا وقعدنا نتصل بيكى وكنا هنموت عليكى وعايزين نكلمك ومعانا ماما (كانت بتحبنى موت وهى طيبه قوى ) وفعلا انا اشتركت فى خدمه الرسايل وعرفت انهم اتصلوا وانا قافله الموبايل .........
هى: طيب انا هقول لهاله دى هتفرح قوى لما تعرف انك رقمك لسه شغال هى عايزه تسمع صوتك والله بقالنا فتره من اول الموضوع واحنا عايزين نكلمك وكده
وعرفت انها حامل وحاجات من دى وقعدت تدعيلى وتقوللى والله انتى طيبه قوى ربنا يهدى الامور يارب ويكرمك ياحبيبتى ........ مش فاكره بالظبط كل الكلام لكن المكالمه كانت حلوه وانها حاسه بيا وبالمسئوليه اللى عليا وانى واحشاهم قوى فعلا (وده حسيته بجد)
وقفلنا .............................................................................................

اقل من 3 دقايق
الموبايل رن
رقم غريب .............
الو ...
اميره؟؟
ايوه
ازيك عامله ايه؟؟
اهلا هاله ؟
ايوه ازيك؟
الحمدلله عامله ايه
حبيبتى البقاء لله والله العظيم انا بحاول اتصل بيكى من يوم موت طنط والله العظيم التليفون على طول مقفول وكنا هنجيلك وبعدين حد جه قال لنا اميره خلاص اتجوزت وسافرت
قولتله متأكد (اكيد هو) قال اه انا لسه عارف خلاص سافرت بتقول والله استغربنا كنا بنتصل علشان عايزين نيجى وقولنا نستأذن عندك استعداد تقابلينا ولا فيها احراج عندك ؟؟
قولتلها لا طبعا كنتوا تشرفوا فى اى وقت
المهم لقيتها عماله تعيط وتقوللى والله بنحبك جدا انتى وحشتينا قوى امانه عليكى اول ماتحتاجى حاجه تتصلى
انا: اكيد ربنا يخليكم ليا وانتوا عاملين ايه وحشتونى والله قوى برضه وماما عامله ايه؟
هى: هتموت عليكى والله نفسها تسمع صوتك ودايما فى سيرتك لدرجه انوا انتى بقالك فتره فى بالى جدا والله العظيم لدرجه انى بقيت بتلخبط وانده قرايبى باسمك وهم يتريقوا عليا وتضحك وتحلف ........
وتقوللى والله كنا فى النادى من يومين واخت جوزى قالتلى الله شوفتى البنت الاموره دى
قولتلها لا انا خلاص (بحزن) بعد اميره مش بشوف حد جميل تانى ولا هشوف احلى لانها بجد مفيش زيها ..........
انا: بجد؟ ربنا يخليكى ليا ياهاله والله من القلب للقلب!:o
وهى قعدت تحكيلى وتقوللى من زمان عايزين نكلمك بس فقدنا الامل لانه تليفونك مقفول على طول وسمعنا انه انتى اتجوزتى خلاص (اكيد ده من جوز صاحبتى) وكلام تانى كده برضه مش فاكراه بس حلفتنى انى لو احتجت اى حاجه لازم اقولها وهى تجيلى اى مكان فى العالم وتجيبهالى وخدت منى وعد بكده (وطبعا مش هعمل كده) وكانت بتعيط جامد انى صعبانه عليها وقعدت تقوللى والله ربنا لازم يعوضك عن كل اللى شوفتيه وهينصرك والله باذن الله وتعيط وهى بتسألنى عن ماما الله يرحمها .........
انا: والله هو الموضوع زى غيبوبه عندى عارفه تطلعى من حاجه تدخلى فى حاجه اشد خصوصا وانها ماما عندى موتى وهى لآ
هى:
اه ياحبيبتى عارفه الله يعينك ويوقويكى على المسؤليه دى
وكلام كده
وقفلنا وقالتلى ده رقمى الجديد سجليه وارجوكى لازم نفضل اصحاب ونتكلم واحنا معاكى دايما .......

وبســـــــــــــــــ

طبعا عرفتوا مين دول؟؟؟؟

اخـــــــــــــــــــــــــــــــــــــــــــــــــــــــــــــــــوات محمد

بقاله فتره فى بالى جدا هو واخواته ولقيتنى برضه كنت فى بالهم بس طبعا مجبتش سيرته خالص وهم عرفوا انى لا اتخطبت ولا اتجوزت ..........

دلوقتى بقى تفتكروا اتصالهم ده ليه؟؟
هل فعلا مفيش حاجه واطمئنان وخلاص؟؟
ولا عرفوا قيمتى فعلا؟؟
وبيحاولوا يصلحوا الوضع؟؟
ولا عادى؟

علشان فى حاجه تانيه يابنات بس امانه ماتسخروا منى ..........
انا ماما بعد موتها بفتره جاتلى فى الحلم وتقوللى اميره انتى مسحورلك واللى عليكى متفكش
حاولى تشوفيه وخللى حد يساعدك لانه واقف حالك .......:eek:
انا فضلت كام يوم محتاره احكى الحلم لمين؟؟
حكيت لبابا وقاللى رؤيه الميت حق يابنتى
واحتارنا نروح لمين ولا نعمل ايه؟؟
حكيت لطنط انتيمه ماما الله يرحمها قالتلى انا كنت هكلمك فى الموضوع ده اول ما ماما ماتت لانى سألت عليكى علشان اعرف ليه بيحصل كده وكل مرره قبل الفرح بشهرين ومرره واحده يقول نفس السبب كل مرره بعد مابيكون طاير بيكى
وعرفت انه انتى مسحوره سحر جامد جدا وهى راحت لواحده بجد طيبه جدا وخيره جدا وكله بتعمله لله من غير مقابل وبطلع السحر وكانت معاهم فى ولاد اختها كان واقف على الطلاق يوم الصباحيه وهى عالجتهم ودلوقتى خلفوا بنت .............
المهم طنط دى راحت للحاجه دى واديتنى اعشاب وحاجات مقرى عليها قرآن لانى مسحورلى جامد من سنين وبعد كام اسبوع طنط اتصلت
اميره :::
الحاجه طلعت السحر تعالى نروح نجيبه بكره ونشوفه قبل ماترميه هى
وفعلا ريحته كانت بشعه حاجات متعفنه وحديد محفور عليه اسمى ووش قرد وجلد تعبان وراس تعبان وطرحه من عندى كانت عندى فعلا ومهريه ومتوسخه خاااااااااالص وحاجات تانيه مقرفه قوى وقعدت تشرحلى وكانت الحاجه دى متأثره جدا وحسبنت عليهم قوى وقالتلى انه كان من اشد انواع السحر وانه كان مدفون وفعلا منظره كده باين قوى والطرحه قديييييييييمه قوى ..............

المهم من ضمن كلامها انه لو محمد مشى من اثر السحر يبقى هيرجع لانه العازل اللى عليا اتشال وهيبان وهى قالتلى اهله فعلا عايزين يوصلولك ومكسوفين جدا وندمانين قوى ...........
لكن طبعا مقالتش حاجه فى علم الغيب هى كلامها على اللى شايفاه وكان الاهم انها تخلصنى من السحر ده والحمدلله
حتى اخويا اللى اكبر منى كان زيى لكن مش سحره شديد لكن مسحورله برضه وكان باين قوى فى وقف حاله لشغله وخطوباته اللى مش بتتعمل اصلا
واول ماشافته ماشاء الله عليه اشتغل وخطب دلوقتى فى اسبوع واحد اهو ماشاء الله عليه بعد عناء سنييييييييييين ........................... (خرجت من الموضوع عارفه)


سيبكوا من كل الكلام ده انا وضحت بس النقطه الاخيره تفسيرا لاى وضع كان موجود وبيحصللى لانى الحمدلله عرفت السبب وحبيت اقولكم برضه ........................ كمان فى حاجه هقولكم عليها بس محرجه منكم دلوقتى :)


ها ايه رأيكم ؟؟
بس امانه محدش ينتقدنى لانى بقيت بنقد نفسى جامد فى اى تصرف الايام دى لو فعلا شايفينى غلطت فى حاجه غير كده تشاركونى فى التفكير مكان ماما الله يرحمها ................

طولت عليكم معلش مليش غيركم والله