زوجي جاب لنا كبدة بقر ولا مرة في حياتي ذقتها او طبختها اول مررة :)
المهم احتست فيها وجلست أألف من عندي لين طلعت بهالطريقة اللذيذة ولله الحمد
ماطول عليكم نبتدي ببسم الله
الطريقة والمقادير معا
نغسل الكبدة زين وندعكها بطحين وشوية خل عشان ننزل الزفر وبعدين نغسلها بماء زين
نحضر مقلاة ونحميها شوي ونشوح الكبدة الى ان ينزل كل الماء
نضيف شوية زيت ونضيف البصل ونبدأ نشوح شوي وبعدين نضيف الفليفلة واذا تحبي ضيفي جزر
ونحركهم شوي وبعدين نضيف لهم كم رشة صويا صوص (الكمية على حسب الرغبة ) والملح والبهارات ونحركهم ونضيف كاس ماء ونحركهم زين
هذي الخطوة نحضر صينيه ونفرش فيها ورق قصدير ويكون كبير شوي ونصب فيه المقادير ونضيف لهم ملعقة سمن (y)
نقفلة زين وندخله الفرن الى ان ينضج تماما
ويقدم مع الخبز العربي(خبز التنور) والسلطة
وبالعافية علينا وعليكم
اتمنى تعجبكم
بانتظار ردودكم وتقييماتكم الحلوة:)
