بنات جدة رايكم في الكوفيرة ام ملاك

كان فرحي في مكة وسألت ناس ودلوني على صالون ملاك في النزهة وقالولي انو عندهم فرعين وشغلهم مرة رايق وذوق من غير تخبيص وقالولي عن صالون ماجدة في الرصيفة بس انو شغلهم ثقيل وانا عن نفسي احب الشي الرايق
وبس رحت يوم فرحي صالون ملاك الفرع الثاني
أول مادخلت الصالون مشاء الله تبارك الله اتفاجأت انو في مكة صوالين بهذا المستوى كان روعة
المكياج سوتلي هو صباح
أمل الشعر جيهان
والاكسسوار والمسكة صممتها عند صاحبة الصالون أمل
الحمدلله ربي وفقني وطلعوني قمررررررررر والكل يسألني فين اتصلحتي مرة شغلهم ملكي مشاء الله

بس سلبيات المحل بنات الاستقبال أخلاقهم سيئة جداً وماعندهم اسلوب

بالرغم اني طول عمري في مكه لكن عمري مارحت إلا مرتين لصالون <<اعرف احط ماكياج لنفسي أحلى من الكوافيرات لأن مزاجي صعب أنا أحب الماكياج يكون بيرفكت من الكريم المرطب الين الروج لكن غالبية الصوالين تلاقين عندهم أردى الماركات وهذا اللي انا شايفته بصراحه ودايم ماكياج الصوالين يجيك متشابه يعني انا اقدر اقولك ان هذا شغل ملاك وهذا شغل الياذه لأنهم مايغيرون مررررررره وربي بنت خالتي راحت ملاك سوت لها تسريحه وماكياج مالهم داعي قمه في الهبل وبصراحه كان مبالغ فيه<<يشبه عروض ديور في الهوت كوتيور..عندنا هنا يسوون اللي يعجبهم وفي النادر تلاقين وحده تفهم الشخصيه وتفهم تقاسيم الوجه زين..
وانا بصراحه أفهم في الماكياج زين وهذا يخليني أتردد أروح لهم لأني انقهر من التعامل الواطي وكثرة التدخين والمعسل وكأن الكوافيره تشتغل عشان تصارخ وتدخن وترفع حاجب لو تكلمتي معها عن الشعر والماكياج<<تناظرك بنص عين ويكون ودها تقولك انت وش دخلك هذا شغلي..يتعاملوا مع الزباين بتعالي..

انا بالنسبه لي احب صالون ملاك
مكياجهم روووعه ومو غاليه واااي استفسار انا
في الخدمه