تطبيقي لحلى الأوريو بالصور بس هالمره من مطبخ ,’ نسيم الشوق’, حياكم

السلام عليكم ورحمة الله وبركاته

كيفكم ياحلوات

صراحه من شفت الحلى اللي مسويته ام نجود الاحساء وانا نفسي فيه

على اساس بصلحه امس كل ما جبت الكيك كلوه عيالي :D صحه وهنا على قلوبهم

المهم واليوم جبته ودسيته منهم خخخ..

هذا رابط الموضوع
http://www.3roos.com/forums/t400518.html

ربي يسعدك ويعطيك العافيه يارب ..

المقادير سهله جدا وهي :

كيك شوكليت امريكانا .
شوكليت سائل هرشي.
6 حبات كيري .
2 ظرف دريم ويب.
علبتين قشطه .
بسكوت اوريو .

واذا صينيتك كبيره زيدي المقادير ..



ناخذ الكيك ونقسمه من النص وبعدين كل نص نقطعه بالطول مثل الصور ,,








بعد كذا نرصه بالصينيه ,,




وبعدين نحط 3 حبات كيري وظرف دريم ويب وحبه قشطه عشان نخلطهم مع بعض ,,




بعد ما نخلطه نكسر البسكوت فوقه بهذا الشكل ,,




وبعد ما نحركه نضيف فوقه الشوكليت السائل ,,




نقلبه وبعدين نضيفه فوق الكيك اللي رصيناه من اول ,,




وبعدين تحطه بالثلاجه ساعه او اكثر لين ما تحسينه شوي تماسك وبعدين نسوي خلطه بباقي الاغراض اللي هي ظرف دريم ويب و3 كيري وحبه قشطه نخلطها زين بدون ما تضيفون فيها الاوريو ولا الشوكليت ,,



بعدين نضيفه فوق الخلطه الاولى شوفو كيف الصينيه بااارده ,, تراني حطيته في الفريزر مستعجله عليه (a)




ورجعته للفريزي عشان يتماسك بسرررعه مافيني صبر ,,وهذي صورته بعد ما لبسته اكسسواره خخخ,, ام نجود زينته بالاوريو فوق وعلى الجوانب لو شفتو موضوعها
انا اعجبني كذا قلت يكفي البسكوت اللي داخله يعني على كيفكم ,,




وهنا من الجنب ,,






والحين وهو مستانس فوق الصحن مايدري وش مصيره :D خخخ
هذا الصحن للدوبا صمت الدروب لاني طلبتها تساعدني قالت انا ما اساعد انا اكل بس هههههه فضحتك :tongue:

خذي صحنك وجيبي القهوه معك وحياك (a)




ويلا انا وانتو باقي الصينيه اللي بتتاخر لا تزعل لو ما لقت شي (6)

لا تحرموني ردودكم وتقيمكم ويعطيكم الف عافيه

اشوفكم على خير في طبق ثاني باذن واحد احد (f)