حبيت اطرح الموضوع بهدا القسم مشان يستفيد منو أكبر قدر من النساء
[grade="00008B FF6347 008000 4B0082"]
لما كنت صغيرة كانت ستي وأمي وخالاتي يعملو شغلات ما أفهم ليش عم
يعملوها وبعدين لما فهمت شو فائدة هالأمور قلت لحالي ان شالله بكرة بس
أحمل وأولد
بطبقها على حالي وبعلمها لبناتي اذا الله عيشني
[/grade]
رح اعرض عليكم بعض هذه العادات وأنا متأكدة بإذن الله ان الكل رح يستفيد منها
الحامل
شوفو بيقولو الحامل لازم تاكل تمر كتير مشان يطلع الولد عيونه كبار وحلوين
ولازم تاكل سفرجل مشان يطلع الولد ذكي
والتفاح كمان لتنشيط دقات قلب الولد ببطنها
بعد الولادة
التمر والحلاوة الطحينية و شرب الحليب وأكل البقدونس مع البيض المقلي كل هذا من أجل ادرار الحليب
لاننسى أن ترش الأم الكمون على جميع أنواع الطعام للوقاية من النفخة للأم وللرضيع
تغلى نص كاسة ماء صغيرة مع تمرة مدة دقيقتين و منشرب الرضع نقطتين أول يوم بعد الولادة حتى ما ينصاب بمرض ريقان الأطفال
وبيقولو أن الولد اذا اطعمتيه حلو بعد الولادة مباشرة بيطلع لسانو حلو وما بيحكي الا حكي حلو
نحنا في عندنا عادة بالشام وهي تمليح الرضيع بعد الولادة
يعني رش الملح على جسمه طبعا هدا بيقولو بيعقم الجسم والولد بس يكبر ما بيطلعلو ريحة عرق
وكمان منشان ما يتسمط جسم الرضيع تحت الأبط والرقبة و ثنيات الأيدي
بعد الولادة تخفيف الأم لشرب الماء مشان ما يطلعلها بطن
للأم بعد الولادة مباشرة كانو يربطو البطن بسلك ( وهو قطقة قماش ) ممكن استبدالها
بمشد أو إي قطعة قماش تلف على البطن حتى تشد البطن ويبقى ممسوحا وكل اسبوع تشد أكثر
بعد الولادة بأربعين يوم
كانو يدقو دق ناعم بالهاون زنجبيل ثم يخلط مع بيضة نية
ويدهنو فيها بطن الأم منيح داخل الحمام مشان الجسم يتشرب
وتظل بالحمام شي نص ساعة حتى تشد البطن بعدين تغسله
وبعد ما تطلع من الحمام تسقى كاسة حليب مع بيضة نية تكمر جيدا بغطاء وتنام وترتاح
للبنت عند البلوغ مباشرة وهي ماما عملتها معي
للبياض
تذويب قليل من النشاء بالماء وتسقى للفتاة
وماما ضربتني على ضهري كم ضربة قوية قال مشان ما أتألم أثناء الدورة
وفي بنت بالمنتدى قالت كمان أن البنت تسقى ملعقة زيت بعد البلوغ مباشرة حتى يظل الصوت ناعم
جمال الأم
كانت وصفاتهم بسيطة ومن الأغراض الموجودة بكل منزل
للبشرة نشاء + بيضة + عسل = تغذية وبياض
[FONT=Impact]قشطة الحليب على الوجه تغذية + بياض[/FONT]
للعيون كحل عربي +ليمون = تعقيم للعيون + جمال للعيون
بيقولوكمان أن العيون لما تدمع من فرم البصل بيجوهر العيون كمان نقطة ليمون جوا العين
بتعقم وبتزيد لمعة العيون
للشعر زيت الزيتون = تنعيم + تغذية
وبتذكر ستي كانت تفرم الجوز ناعم بالهاون حتى يصير متل العجين
بعدين تضيف له زيت زيتون وتحطه على شعرها
قبل الحمام بساعة أو ساعتين وبعدين تغسله
كانو كمان يغسلو الشعر الشطفة الأخيرة
بالطرابة الحلبية وما كانو يستعملو أي نوع من الشامبو
بس صابون غار حلبي وطرابة حلبية طبعا لاحظو أنو ما كانو يشيبو على بكير متلنا وكان شعرهم دايما طويل وناعم
للجسم من أجل التقشيرأمي وستي أول ما تفوت ع الحمام
بتجيب زيتونة وبتفركها على جسمها بتمررها على الجسم كله
ولبين ما تغسل شعرها كان الجسم يتشتش بعدين تفركه بكيس التفريك
اسمه عنا كيس حمام الزيتونة بتسهل عملية التقشير
وان شالله الكل يستفيد من هالنصائح
[grade="00008B FF6347 008000 4B0082"]ادعولي أنا وخطيبي بالتوفيق[/grade]