قصة ولادتي

السلام عليكم

شخباركم شمسوين ؟؟ وحشتوني موووووت

تأخرت بكتابة قصتي لأني للحين معاناة الخياط معاي بس الحمد لله احسن وحبيت اكتب لكم قصة ولادتي

بدا معاي الطلق بتاريخ 28 بالليل الساعة 9 تقريبا وكانت الام شديدة بس متقطعة وتميت للساعة 1 تقريبا اسولف مع حبيبتي مفتون ونصحتني اصحي زوجي لانه الالم زاد علي بس انا قمت وتميت اشتغل بالشقة تنظيفات وغسيل والساعة 4 حاولت انام شوي وعلى الساعة 7 ونص خلاص ماتحملت الالم زوجي صحى وقال لي تبيني اخذج للمستشفى قلت له لا تو الناس وانا اصلا مادري تو الناس او لا مع ان الالم كان كل 5 دقايق وجت عمتي لي وسوت لي اعشاب كف مريم وماي زعفران فيه هيل وتحملت الالم الى الساعة 3 العصر بس اختي جت وقالت لي لازم تروحين المستشفى مو شرط ينزل ماي عليج

المهيم ما اطول عليكم<<<< خخخخخخخخخخخ كاني طولت :tongue:

رحت المستشفى اكشفو علي قالو لي متوسعة 3 سم ورحمج رقيق راح تولدين بسرعة قلت لهم بس 3؟؟ ابي ارد بيتنا مارضو ودخلوني ولادة ومن دخلت اعطوني ابر 2 لتخفيف الالم مع اني ما طلبت وبس راح الم الطلق ومارجع لي الا الساعة 7 الليل وعلى الساعة 11 فتحوا كيس الماي لي وصرت متوسعة 9 سم واعطوني هم ابر 2 لتخفيف الالم وتخدرت والساعة 1 الا 10 قالو لي خلاص ولادة وولدت الساعة 1 و12 دقيقة بتاريخ 30 وجبت احلى زنوب

بصراحة ما انصح اي وحدة تاخذ ابر تخفيف الالم لو ادري انها ابر تخفيف ماخليتهم يعطوني لانه ماسوو لي شي ولاقدرت انام وجتني اعصاب لانه كل من دخلت ولدت وانا اسمع صريخ اللي رايح واللي جاي والحمد لله على نعمته

وسلامتكم ومسامحة على توجيع راسكم

ربي يسهل عليكم كلكم ويعطي كل من تتمنى يارب