بداية وايد أستغرب من الامهات اللي يعانون من ادمان اطفالهم على الحليب والرضاعة:(
على الرغم من ان هالطفل كبر وممكن وصل عمره سنتين وللحين معتمد على الرضاعة
انا في هذا الشي ما اقول انه عيب الطفل
لا لانه عيب الام اللي استسهلت سالفة الرضاعة وبعدها صارت تشتكي
انا مع بنتي نجد قللت عدد رضعاتها الى رضعتين في اليوم من كان عمرها 9 اشهر" وحدة بالليل قبل ما تنام ووحدة الصبح اول ما تقعد من النوم"
واعتمدت على الاكل
طبعا ما فيييييييييييييييييييه رضاعة بالليل من دخلت الشهر السادس
لا تخافون البيبي ما يموت من الجوع اذا ما رضع في الليل اذا كان ماكل زين في النهار وماكل وجبة مشبعة قبل النوم
اما طريقتي في تاكيلها الحين لما صار عمرها سنة وشهر فهي اولا عملت لها جدول للاكل
هذا الجدول ما اعتمد عليه اعتماد كلي الا اذا صكت فيني الدنيا وما عرفت شاكلها
عندي اهم شي ان بنتي تاخذ: فيتامينات، بروتينات، كالسيوم، كربوهيدرات يوميا" حسب نصيحة الطبيبة"
يعني ما اقول بنتي كلت موز او روب او رز مثلا
لا لا لا هذي الطريقة ممكن تخلي بنتي ما تاخذ كفايتها من المواد الغذائية اليومية المهمة لها
فاقول اذا كلت موزة : بنتي خذت فيتامينات
فاقول اذا كلت موزة : بنتي خذت فيتامينات
واذا كلت روب بنتي كلت كالسيوم
واذا كلت رز بنتي كلت كربوهيدرات
وما بيبقى عندي بهالحالة الا البروتينات وهي الاقيها في البيض او اللحوم او الاسماك وهكذا
وطبعا انا اتفنن في خلط هالمواد لها في اكلة وحدة
ولكم بعض الوصفات اللي سويتها لبنتي وما زلت في بحث مستمر عن كل طبق خفيف ومفيد حتى اسويه لها:
هذا طبق ارز بحليب وشوية سكر
الطبق هذا يحتوي على: كالسيوم وكربوهيدرات
جبن
وانا افضل هذا النوع لانه علب صغيرة وتضمنين انه ما يتلوث بعد الفتح لانج راح تستهلكينه مرة وحدة
خبز
وبنتي تفضل خبز التنور على انواع الخبز الاخرى
وانا طبعا استغليت الوضع هذا وشريت لها خبز اسمر
لانه اكثر فائدة للطفل
لانه يذهب الغازات والامساك
وغني بالالياف والبروتينات
وفيه حنطة وكلنا يعرف فائدته على الصحة
ويؤسس لقولون سليم للانسان من طفولته
طبعا بنتي ما رفضته والحمد لله
تعرفون بنتي شنو تحب؟؟؟
شوفوا
ودام انها تحبه انا اضفته لطبق الجبن السابق وقطعته لها بهالصحن
بتسألون شنو فايدة هذي المبشرة؟؟
استخدمها في بشر قطع الفواكه اللي لااااااااااااااااازم تكون الوجبة الخفيفة اليومية لبنتي لان فيها فيتامينات
وهني طبق فاكهة مبشورة عبارة عن: خوخ ومشمش وتفاح
اللي في الصورة: كاسترد، موزة، وكيكة
يعني: كالسيوم، فيتامينات، كربوهيدرات
سويت منه طبق واحد
وحبته بنتي:)
طبعا ما انسى السوائل لبنتي وما صدقت انها كملت سنة حتى استخدمت لها بدل العصاير
لاحظي انج ما تعطين طفلج حليب قليل الدسم لان الطفل بمرحلة نمو ونشاط ويحتاج للحليب كامل الدسم
انواع الحليب هذي اشتريها بالجملة واخزنها بالثلاجة عندي مع ملاحظة تاريخ الصلاحية
بتقولون: اووووووووووه المسالة وايد متعبة والحليب احسن
لا لا عن الكسل
اشتري هذا النوع من الاواني للحفظ وحفظي فيه اكل طفلج بالثلاجة لليوم كله
قومي من الصبح وجهزي الاكل اللي راح تقدمينه لطفلج طول اليوم وخزنيه في هذي
في النهاية تعرفون شنو مكافاتي؟
لما وديت بنتي لتطعيمها الاخير قالت لي الطبيبة: انت الام الوحيدة اللي جابت طفلها هالشهر وزنه مثالي ونسبة دمه مثالي ( قولوا ما شاء الله)، شنو السر؟
وفعلا خبرت الطبيبة بطريقتي فقالت: الام المثالية هي اللي يصيرون عيالها مثاليين:cool:
ملاحظة: الموضوع جهد شخصي لذا يرجى ذكر المصدر عند النقل
لما وديت بنتي لتطعيمها الاخير قالت لي الطبيبة: انت الام الوحيدة اللي جابت طفلها هالشهر وزنه مثالي ونسبة دمه مثالي ( قولوا ما شاء الله)، شنو السر؟
وفعلا خبرت الطبيبة بطريقتي فقالت: الام المثالية هي اللي يصيرون عيالها مثاليين:cool:
ملاحظة: الموضوع جهد شخصي لذا يرجى ذكر المصدر عند النقل