انتهى الحب الاول وأبتدا جرح جديد وانتهت قصه غريبه واسمعوها ياكرام

انتهى الحب الأول وابتدا جرح جديد

وانتهت قصة غريبه واسمعوها ياكرام!

صح تقليب المواجع بالسوالف مايفيد

وصح ان الصمت قاسي واقسى من صمتي الكلام!

بس لاصارت حياتك سجن مظلم وانت قيد

مالك الا..لاتعبت تطير آهاتك حمام!

كان ياماكان حلم لاقريب ولابعيد

كان حلمي وكنت حلمه قبل مانولد بعام

كان يجمعني اماني كل هالدنيا في ايد

مادرى إن الأماني كانت فعينه تنام

كان يبكي لابكيت ويوم اضحك يوم عيد

يبتسم لامن ذكرني حتى لو وسط الزحام

مااقول انه ملاك والأكيد انه يزيد

ولااقول انه خيال ولاهو مثله بالتمام

شي من ذا وذاك لاهو نار ولاجليد

اندى من ديم السحاب واسمى من معنى السلام

به حنان ولو قسى احن من ام الوليد!

ولي عيون ترتجيه إن غاب عنها ماتنام

لكن إحساسه[وناسه]
وطيبي والحظ العنيد

وقلب نبضاته تعاسه والمصالح والملام

علموه كيف يقسى ويهدم الحلم الوحيد!

وعلموه قلبي الوفي يعني الغبا والإنهزام!

وعلموه وعلموني ومابقى شي أكيد!

غير إنه يوم حب كان حبه أي كلام

وانه يجري في عروقي من الوريد للوريد...

ورغم ذا ماكفاه وخان خله والسلام.....

منقول