السلام عليكم ورحمة الله وبركاتـــه
أتمنى من كل وحده تقرا موضوعي وتعــرف عنــه ترد عليـــه ...
بنات انا عمري 18 سنــه .. اول مره يوم حملــت طبعا هذا قبل فتره ما كنت اعرف اني حامل كنت اعاني الله يعزكم من التهابات بوليــه .. وسرت العياده وعطوني مضااد حيوي .. المهم المضاد الحيوي ضاع سرت مره ثاانيــه وقلت للدكتور انه المضاد الحيوي ضاع وطلبت منه يسوييلي تحليل بول يوم سوييت التحليل قالي مبروووك انتي حامل .. كان هذا احلى خبــر سمعته فحيااتي ... أذكر اني ركبت السياره ويا ريلي وقلتله وقف وكنا فنص الشارع قلتله حبيبي انا فداخلي شي منك قالي شو !! ما فهم قلتله انا حامل :) والله يا بنات دمعة عيــنه من الفرحــه .. المهم الدكتور عطاني مضاد حيوي وقال هذا ما يضر الحوامل .. وخذته يوم خذته نزل عليــه شوية دم .. قلت يمكن هذا دم بسيط او افرازات عااديه بصبر بعدين حسييت بألم فظييع تحت بطنــي صوب اليمين .. كنت احس انه هالالم يضرب فريوولي بعد ... المهم خفت وسرت عند دكتوره فدبــي .. الدكتوره سوتلي صوره من تحت عشان تشوف الجنين قالت كل شي اووكي وقالتلي شوفي هذا كيس الجنين موجود فالرحم وعطتني حبوب مثبتـــه .. المهم بنااات خذت الحبوب ومر ع حملي شهر واسبوعين .. المهم عقب سرت عرس وانا فالعرس حسيت بالآآآم فظيييييييييييييعه ما قدرت اقعد ابدا وكنت اصيييييييح واصارخ بأعلى صوتي من الويع ... امي خذتني وودتني البيت وقالت بدهنج بزيت زيتون وقلتلها اووكي اول ما رفعت ثوبي شافته كلــه دم .. قالتلي انتي تنزفين قومي بنسير المستشفى بسرعه ... بنات بصراحه انا تحريت اني خلاص طيحت وامي بعد بس يوم سرت سوتلي صوره وقالت انتي مافي كيس ولا في شي فرحمج ... قلتلها كييف !! انا سرت عند دكتوره فدبي وقالتلي الجنين فالرحم ... قالت ما اعرف المهم بنات عطتني ابرتين وقالت هذي الابرتين بتهديج وما هداني شي تميت اتويع من الساعه 12 بلييل لين 6 الصبح ولا فادتني الابر ... الصبح سرت المستشفى ووالله يا بنات خلوووني من الصبح ليييييييييين العصر وهم يقولولي ما نعرف يمكن فيج حمل خارج الرحم واتريي بتيي الدكتوره وكل شوي يقولولي شي وانا كنت اعاااااااااااني والله حسيييت بالموت آلام فظيييعه وكنت حتى الماء اذا شربته ازوعــه ما كنت اقدر اقعد من الويع وكنت ايــر شعري من الألم .. الله لا يروي وحده منكم هالشي المهم ريلي خاف عليه وقال بطلعها ووقع وطلعني وودوني مستشفى المفرق ... المهم فالمفرق على طول ودوني ع الاشعه والصور وغيره وعرفوا انه اللي فيــا كــان (( حمـــل خاارج الرحــم )) وقالو لازم على طول اندخلها غرفة العمليــات ونشــل الحمل لانه الكيس انفجر ويصب الدم فالجسم فاذا ما سوينا العمليه بيتسمم جسمها وبتموت لا قدر الله ... اهلي خافوا عليــــه وعلى طول وافقوا ودخلوني غرفة العمليــات وطلعت بالسلامه الحمد لله الحمد لله الحمد لله ... المهم اللي سووولي اياه (( منظار وفتحتين تحت بطني )) يعني مب خياطه وغيره من هالكلام .. المهم بعدين يتني الدكتوره وقالتلي شوفي حبيبتي نحن شلينا الجنين لانه كان فالانبوب وشلينا الانبوب بعد .. قلتلها لييييييييييش ؟؟؟ قالت لازم لانه الكيس كبر فالانبوب والانبوب انفجر ... وقالت عادي عندج انبوب ثاني وتقدرين تحملين منه ... قالت وااايد حريم صارلهن مثلج وحملن بانبوب وعندهن 6 و7 و8 عياال لا تخافين بصراحه طمنتني ... بس والله وااااااااااااااايد حزنت ووايد تعبت نفسيتي بعد هالعمليــه ... ما قدرت انسى اللي صار وقلت توني صغيره وتوه هذا اول حمل لي ويشلوون عني الانبوب .. بس بعد هذا قضاء ربي وقدره ... المهم يا بنات انا صارلي الحيـــن 7 شهور اتريا الحمـــل وما حملــــت ولله الحمد ... ووالله يا بنات انه هالموضوع متعبني وااااااااااااااايد ... اقول انا الحين ليش ما حملت !!! ما اعرف اذا انا بحمل والا لا !!! وكم يبالي عشان احمــل مره ثانيـــه !!!! ...
اللي تقولي هذي صارلها نفس االشي وتمت ما ادري كم سنه واللي تقولي اللي يكون حملها اول حمل خارج الرحم اطول وايد لين ما تحمل .... كلام الناس هذا تعبني زياااده ...
بس في حريم قالولي في بعضهن صارلهن هالحمل وحملن بعدين عاادي وبعد العمليه بكم شهر وما طولوا ... الله يعطيني مثلهن يا رب
والصدمــه الثانيـــه قبل كم يوم سرت العياده وسوتلي الدكتوره سونار وقالت عندج الرحم مقلوب والله حسيت بنااار فقلبـــي .. وحمدت ربي ع كل حاال .. رديت لريلي وخبرته وتمييت اصيح قلتله اول شي حمل خارج الرحم وعقبه انبوب واحد والحين رحم مقلوب الحمد لله الحمد لله الحمد لله رب العالميــن وقالي الحمد لله ع كل حال وربي قادر على كل شي وان شاء الله بيرزقنا بالذريه الصالحه... والله يا بنات يوم اشوف وحده حامل اتمنى انه ربي يعطيني مثل ما عطاها واقول اكيد الحين تحس برفسات البيبي واكيد تسمع دقات قلبــه واكيد تجهز لاستقباال البيبي ... يوم أشوف اللي عرسن قبلي وبعدي كروشهن قدامهن أتمنى انا اكوون فمكانهن .. واحس باحساسهن ...
والصدمــه الثانيـــه قبل كم يوم سرت العياده وسوتلي الدكتوره سونار وقالت عندج الرحم مقلوب والله حسيت بنااار فقلبـــي .. وحمدت ربي ع كل حاال .. رديت لريلي وخبرته وتمييت اصيح قلتله اول شي حمل خارج الرحم وعقبه انبوب واحد والحين رحم مقلوب الحمد لله الحمد لله الحمد لله رب العالميــن وقالي الحمد لله ع كل حال وربي قادر على كل شي وان شاء الله بيرزقنا بالذريه الصالحه... والله يا بنات يوم اشوف وحده حامل اتمنى انه ربي يعطيني مثل ما عطاها واقول اكيد الحين تحس برفسات البيبي واكيد تسمع دقات قلبــه واكيد تجهز لاستقباال البيبي ... يوم أشوف اللي عرسن قبلي وبعدي كروشهن قدامهن أتمنى انا اكوون فمكانهن .. واحس باحساسهن ...
انا متوكله ع رب العالميـــن .. وربي كريـــــــــــــم وقادر ع كل شي
ما بيأس لانه هالشي مب بيد الدكاتره ولا بيد حد بيد رب العالمين .. وربي قادر على كل شي .. وكل ضيقـــه ايي عقبها الفرج .. وان شاء الله فرج الله قريـــــــــــــــــــــب .. وانا عندي يقييين بأنه ربـــي بيرزقنـــي بأذنه الذريــه الصالحـــه
المهم يا بنات بلييييييييييييز بشو تنصحووني ... واللي تعرف عن هذا الحمل تقولي عنه
اتمنى اني اشووف ردودكم اللي تريحني ...
واتمنى من كل وحده ادش موضوعي تدعيلي بأن ربــي يرزقني بالحمل الطبيعي السليم عاجلا غير آجلا ويفرح قلبي وقلب زوجــي ...
ويزاااااااااااااها الله كل الخيــــــــــــــــــــــر ..
سامحووووني طولت علييييكن ^_^