شحالكم خواتي؟؟ :)
اليوم يا فخاطريه أسوي تحته دياي ,, وهي أكله معرووفه عندنا فالامارات
ولذيييييذه أنصحكم أنكم تسوونها عالغدا (y)
نبدا بالمقادير ,,
- قطع دجاج مقلايه
- بطاطا مقطع لمكعبات ومقلاي
- 3 حبات طماطم
- بصلتين متوسطات
- 2 فلفل أخضر بارد
- 2 فلفل حار على حسب الرغبه
- علبة معجون طماطم
- ملح ( أنا ماعتمدت مقدار معين لأني كنت أتذوق اذا يحتاي ملح زياده ولا لا )
- نص ملعقه صغيره فلفل أسود
- ربع ملعقه صغيرة كركم
- نص ملعقه صغيره بزار
- رشه هال مطحوون
- وتقريبا نص ملعقه صغيره بابريكا
- بقدونس
الخطوات:
- أول شي نقلي قطع الدجاج ومكعبات البطاطا ونخليهن على طرف
- صورة للبهارات اللي استخدمتهن
- صورة للطماطم والفلفل الحار والبارد
- بعد ما قلينا الدجاج والبطاطا ,, نييب جدر ونحطه فيه زيت وبصل ونترياه لين يحمر
- وبعد مايتحمر البصل نحط فوقه الطماطم ونترياه لين يذووب
- بعدين أحط البهارات والفلفل الحار والبارد و معجون الطماطم
ويوم نشوف الفلفل ذااب ,, نحط قطع الدجاج والبطاطا ونخلطهم
وآخر شي نحط البقدونس ونخلطه ,,
وطبعا في جدر ثاني ,, نسوي العيش الأبيض عالطريقه المعهووده ,, وبعد مانشخل العيش
من الماااي نحطه فوق خلطة الديااي ,, ونخفف عليه الظو لين يستوي
سمحوولي ماصورت هالخطوة لأني هب انا سويتها :)
وهااي النتيجه النهائية :D
وبالعاااافيه عليكــم :)(y)
وما أسمح لأي حد ينقل الموضوع بدون ذكر المصدر :)
