عروسات ● ● تعالوا شوفوا شو سويت

الأيـام 05-01-2009 36 رد 5,216 مشاهدة
ا
السلام عليكم .. شخباركم حبيباتي


طبعاً أنا منزماان ما حطيت لكم موضوع مفيد


مع اني منزماان أتابع المنتدى ولو اني قمت أشارك متأخرة


لأن كنت مشغولة بالدراسة ... (f)


============================


طبعاً موضوعي راح يكون شوي غير عن المواضيع المعتادة ..


وبما أني من عشاق Shopping ووايد أشرى أشياء تخص البشرة والشعر


غير العينات المجانية إلي احصلها


فتراكمت المستحضرات عندي .. وأبي حل عشان أتخلص منها


وبعد تفكير عميق .. يت في بالي فكرة


أن كل يومين أسوي برنامج تنظيف بشرة خفيف للويه


طبعاً من المستحضرات إلي عندي وأبي اتخلص منها


● ● ● ● ● ● ● ● ● ● ● ●


فتحت الدفتر وكتبت ما يقارب 7 طرق على أساس كل يومين أطبق طريقة


والي تنفع معاي راح استمر عليها وطبعاً لازم أفيدكم بتجربتي...


● ● ● ● ● ● ● ● ● ● ● ●


أول طريقة وبكل أمانة ما نفعت معاي .. يعني ماسوت شي


وكانت عبارة عن تنظيف البشرة بمنتجات شجرة الشاي من بدي شوب


● ● ● ● ● ● ● ● ● ● ● ●


الطريقة الثانية - إلي راح اكتبها لكم وااايد حسيت بنضارة في ويهي



• ● ㋡ ما نحتاجه ㋡ ● •



طبعاً في الصورة بتشوفون كل أشياء رخيصة


لأن أنا أولاً تعمدت أني أتخلص من الأشياء الرخيصة







سكينول بالبرتقال - For Cooling the skin


مقشر بالليمون من منتجات Yong Chin

صابونة الحبة السوداء


سيروم من كلارنس عينة مجانية Anti Soif


دلاسين تي Dalacin T


مسحة طبية - تقريبا مكوناتها نفس الدلاسين




• ● ㋡ الطريقة بالخطوات ㋡ ● •



ننظف الوجه بمنظف الاسكينول ونتركه 5 دقائق



نغسل الوجه بالماء الدافي وصابون الحبة السوداء



عمل سكراب للوجه بالمقشر المذكور في الأعلى



نغسل الوجه بماء بارد نسبياً ونججفه بلطف



مسح الوجه بالمسحة المعقمة



وضع دلاسين تي على الوجه لمنع ظهور البثور



نتركه خمس دقائق ليجف



الآن نضع سيروم كلارنس .. ونوم هنيء



● ● ● ● ● ● ● ● ● ● ● ●



بكل أمانة أول ما قعدت من النوم في الصبح حسيت أن النضارة كلها في ويهي


إذا عجبتكم الطريقة .. ما أبغي غير دعوة بقضاء الحوائج ..




»
يعطيييييـج ألف ألف عـآفيه حيـآتي إنتي ,
وأكيييييد رآح أجربهـآ , بس بغيت أسـأل !
شنو " Anti Soif " وو " Dalacin T "
ا
Serum Anti Soif

عبارة عن سيروم من كلارنس لتغذية البشرة

طبعاً عندي منه وااايد عينات لأن مشترية كم شغلة من عندهم

و Dalacin T أول مرة سمعت عنه كان في موضوع للأخت بنت عذاري

قبل سنتين تقريباً ولحد اليوم استخدمه لمنع ظهور الحب - مافي شي غيره فادني

وتسلمين يا الغلا على مرورج ..
i
وربي يا حليله موضوعج شكرا لك اختي
ا
تسلمين حبيبتي .. تحلى دنياتج يارب ..

إلي تبي تعرف اكثر عن دلاسين تي في هالرابط

http://www.3roos.com/forums/t246114.html
ع
الاياام انا اسووي نفسج
بس استخدم صابونه الكركم
والصرااحه اسكنوول البرتقال روووووووووووعه :wink::wink:
صار لي اسبوعين استخدمه وجد لاحظت نظااره ف ويهي
والديلاسين ما حصلته كمحلول فخذيت حبوب وما ادري منو قالي حطيهم ويا سكنول الشفااف
صج صج روووعه للحبوب
وشكلي برد له وبسووي نفسج لانه الحين حزة امتحااانات
والنفسيه تلعب ف ويهي لعب :ss::ss:
أ
مشكووورة حبيبتي الأيام على الموضوع
بس للأسف انا ويهي جااف هالأيام ان حطيت فيه هالأشياء بيروح فيها :sad:
&
مشكورة حبيبتي على نقل تجربتج
ا
عذبة الوصايف;8330403:
الاياام انا اسووي نفسج
بس استخدم صابونه الكركم
والصرااحه اسكنوول البرتقال روووووووووووعه :wink::wink:
صار لي اسبوعين استخدمه وجد لاحظت نظااره ف ويهي
والديلاسين ما حصلته كمحلول فخذيت حبوب وما ادري منو قالي حطيهم ويا سكنول الشفااف
صج صج روووعه للحبوب
وشكلي برد له وبسووي نفسج لانه الحين حزة امتحااانات
والنفسيه تلعب ف ويهي لعب :ss::ss:



هلا والله .. الله يوفقج يارب

أنا عندي صابونة الكركم بس استخدمها للحمام المغربي

وبالفعل اسكينول برتقال غير عنهم تحسين بنضارة بالبشرة
ا
أنا الشوق;8330443:
مشكووورة حبيبتي الأيام على الموضوع
بس للأسف انا ويهي جااف هالأيام ان حطيت فيه هالأشياء بيروح فيها :sad:


هلا بنت ديرتي

شوفي انا بشرتي مختلطة

على كثر ما اهي جافة تطلع فيها بثور

وفي الشتاء الجفاف حدث ولاحرج

بس سيروم كلارنس وايد حلو عقب ماتنظفين البشرة

يعطيها طراوة وملمس ناعم :wink:
l
مشكووورة حبيبتي
ش
طيب يا قمر انتي ما علمتينا ايش نوع بشرتك

بس تبين الصراحة طريقتك حلوة مشكورة
ع
الأيـام;8336406:



هلا والله .. الله يوفقج يارب

أنا عندي صابونة الكركم بس استخدمها للحمام المغربي


وبالفعل اسكينول برتقال غير عنهم تحسين بنضارة بالبشرة



تستخدمينها للحمام المغربي بس؟؟؟:think:

شنو طريقتج؟؟؟
انا بعد بشرتي نفسج مختلطه وتطلع لي سااعات حبوب
%
بنات بليز ابي بشرتي تتغير هي مافيها شي بس ابي نظاره اكثر وانتفاخ لو شي بسيط في الخدود ايش استعمل اليوم قريت اكثر من شغله ومو عارفه ايش ابتدي بالضبط وايش استخدم هالشهر هل الكولاجين او الي قلتو عليه من شوي الدولاسين مدري ايش اسمه وانا توني مغيره الاسكينول من الخيار الى الليمون تعتقدون زين ولا اوقف واشتري زيكم بالبرتغال معليش ساعدو اختكم بنصيحه الله ينور وجيهكم في الدنيا والاخره
ش
يسلموووووووو ياغلاي
ا
%بنت الرفاع%;8338258:
بنات بليز ابي بشرتي تتغير هي مافيها شي بس ابي نظاره اكثر وانتفاخ لو شي بسيط في الخدود ايش استعمل اليوم قريت اكثر من شغله ومو عارفه ايش ابتدي بالضبط وايش استخدم هالشهر هل الكولاجين او الي قلتو عليه من شوي الدولاسين مدري ايش اسمه وانا توني مغيره الاسكينول من الخيار الى الليمون تعتقدون زين ولا اوقف واشتري زيكم بالبرتغال معليش ساعدو اختكم بنصيحه الله ينور وجيهكم في الدنيا والاخره




حاولي أول تعالجين البشرة إذا كانت تعاني من مشاكل

بعدين استخدمي السيرومات والكولاجين وغيرها

أما تستخدمين السيروم والكولاجين وبشرتج معدومة

طبعا ما راح تستفيدين شي
ا
شهرزاد السعودية;8337934:
طيب يا قمر انتي ما علمتينا ايش نوع بشرتك

بس تبين الصراحة طريقتك حلوة مشكورة



بشرتي مختلطة

يعني جافة بس يطلع فيها أحيانا حبوب
ا
عذبة الوصايف;8338161:



تستخدمينها للحمام المغربي بس؟؟؟:think:


شنو طريقتج؟؟؟
انا بعد بشرتي نفسج مختلطه وتطلع لي سااعات حبوب





هلا حبوبة طريقي في الحمام المغربي من اختراعي

طبعا بتحتاجين صابونة الكركم + صابونة الطاووس

زيت الجلسرين وقطرات من الليمون

مقشر أي نوع تحبين أنا للحمام المغربي أستخدم مقشرات رخيصة

واستخدم له مقشر icare بزيت الزيتون

لأن يعورني قلبي أستخدم مقشر غالي وماركة للحمام المغربي

وبتحتاجين صابون الحمام المغربي السائل

والليفة وأنا أستخدم ليفة البدي شوب الي على شكل يد

وآخر شي أي شور جل تحبينه

===================================

الطريقة وهي كالتالي :

تاخذين قطعة صغيرة من صابون الكركم وقطعة صغيرة من صابون الطاووس

وتبشرينهم وتحطينهم في علبة صغيرة فيها شوي ماي وتغطين العلبة

اتركيهم يوم كامل تقريباً ..

بتشوفين أن صار المبشور نفس الكريم ..

أولا بتدهنين جسمج كامل بالخلطة المعروفة جلسرين مع ليمون

وخليه على جسمج مدة لاتقل عن 3 ساعات - أنا أخليه طول الليل

في الصبح أروح الحمام وأول ما أسويه أغسل جسمي بماي شبه حاار

وخلي الحمام كله يمتلي بخار ..

أحين تجين تاخذين خلطة الطاووس والكركم وتدهنين بها جسمج كله

عشان نتخلص من خلطة الجلسرين طبعاً

خليها مدة لاتقل عن 5 دقائق في هالفترة حاولي تحطين حمام زيت لشعرج

بعدها شطفي جسمج بماي حار وابدأي عمل سكراب للجسم كامل

واشطفي جسمج بماي حار

أحين نجي للصابون المغربي السائل اخذيه وادهني به جسمج كله

وخليه عشر دقايق .. حاول في هالفترة تفركين قاع ريولج بالحجر

اخذي الليفة وحطي فيها شوي صابون وابدأي تفركين جسمج

وبعدها تشطفين جسمج بماي حار وتحطين الشور جل كخطوة أخيرة

واشطفي جسمج بماي بارد ..

آخر شي إذا تحبين تحطين لج كريم أو بيبي أويل على راحتج

أنا ما احب أحط لي لأن أحب أشوف بشرتي ناعمة بدون كريمات

طبعاً الطريقة لأن بشرتي في الشتاء جاااافة ولأان برد أسويها مرتين بالشهر

أتمنى أكون أفدتج .. وآسفة على الإطالة
t
شكرااااااااااااااااا :):):)لكي اختي
D
تسلمين وربى يحقق اللى فى بالك

كل مواضيعك روعه ومفيدة
X