للي حملت بالغلط..تتفضل وتقول تجربتها

ايييي :confused: انا كنت مسقطة وقلت لازم انتظر 6 شهور لان احس ظهري تكسر وكنا متفقين انا وزوجي على العزل يا زعم وماصار من التسقيط شهرين الا وانا حامل :( ومع انه اول مولود لي لكن اكتئبت وتميت شهر في حالة نفسية سيئة وابكي وخاااايفة موت وتهاوشت مع زوجي وقلت له كله منك ومن اولد باخذ حبوب لو ان شالله اموت بسببها..

وتم يهديني واختي بعد تقول لي هذي فرحة مو تسوينها عزا وشوي شوي تقبلت الموضوع واليوم كملت الشهر الثالث وللحين ما تجرأت اخبر احد غير الاهل القريبين وايد ..

والحين ما ولدت ودوم افكر اذا صار عندي ياهل بعد بظل جذي على اعصابي من سالفة الغلط ؟! خصوصا واني مو متقبلة اي وسيلة منع غير العزل او الكوندوم

الله يسهل علي واشوف البيبي بسلامة وبعدين نفكر في الطرق المضمونة باذن الله

هلا عيون

شو هالأفكار كإنك قاعده بقلبي .... انا من الخايفين هالشهر بس مو خوف شديد لأنه أؤمن بالله و القدر

بس اختف معك انه اللوم على الحرمه قبل الرجل ليش ؟؟

لأنه في نساء ما تناسبهم الحبوب تسبب دوخه و ووحام و تعب و صداع مثل الحمل ولا يقدروا عليها و لا تناسب الحريم اللي عندهم كلسترول او مشاكل قلب ....

اللولب ممكن يسوي نزيف لكثير من الحريم وقت الدوره المهم انه في نساء ما يناسبهم إلا العزل او الواقي و هذول و الله مساكين لأنهم معرضين للغلط

مو الحق عليهم

و سلامتك الغاليه

عيون بوظبي;8319483:
السلام عليكم خواتي ..


بس الي صار لهم هالشي .. حملتي وعمر طفلج اشكثر ؟
كان عمره 6 شهور
ياترى كيف حالتج النفسية كانت .. ؟
فرحت بالحمل عشان بيجي مع ولدي اللي يونسه واربيهم مع بعض واتفرغ لنفسي وفي نفس الوقت خفت لاني والده بعمليه
خبرتي حد على طول والا استحيتي واتريتي ؟
خبرت اهلي واهل زوجي وانتشر الخبر عند الكل

الله يتمم على خير ويجيبه بالسلامه يارب

بنية زينة;8319787:
ايييي :confused: انا كنت مسقطة وقلت لازم انتظر 6 شهور لان احس ظهري تكسر وكنا متفقين انا وزوجي على العزل يا زعم وماصار من التسقيط شهرين الا وانا حامل :( ومع انه اول مولود لي لكن اكتئبت وتميت شهر في حالة نفسية سيئة وابكي وخاااايفة موت وتهاوشت مع زوجي وقلت له كله منك ومن اولد باخذ حبوب لو ان شالله اموت بسببها..

وتم يهديني واختي بعد تقول لي هذي فرحة مو تسوينها عزا وشوي شوي تقبلت الموضوع واليوم كملت الشهر الثالث وللحين ما تجرأت اخبر احد غير الاهل القريبين وايد ..

والحين ما ولدت ودوم افكر اذا صار عندي ياهل بعد بظل جذي على اعصابي من سالفة الغلط ؟! خصوصا واني مو متقبلة اي وسيلة منع غير العزل او الكوندوم

الله يسهل علي واشوف البيبي بسلامة وبعدين نفكر في الطرق المضمونة باذن الله

الله يتمم لج على خير يارب انتي وكل الحوامل .. عزيزتي بالعكس انتي هذا اول طفل يعني الحمدلله موضوعج جداً هين .. اما الي يحملون في الاربعين شو يسوون ؟؟ هههههه

ريم81;8319969:
هلا عيون

شو هالأفكار كإنك قاعده بقلبي .... انا من الخايفين هالشهر بس مو خوف شديد لأنه أؤمن بالله و القدر

بس اختف معك انه اللوم على الحرمه قبل الرجل ليش ؟؟

لأنه في نساء ما تناسبهم الحبوب تسبب دوخه و ووحام و تعب و صداع مثل الحمل ولا يقدروا عليها و لا تناسب الحريم اللي عندهم كلسترول او مشاكل قلب ....

اللولب ممكن يسوي نزيف لكثير من الحريم وقت الدوره المهم انه في نساء ما يناسبهم إلا العزل او الواقي و هذول و الله مساكين لأنهم معرضين للغلط

مو الحق عليهم

و سلامتك الغاليه

هلا والله ريم.. وانا مثلج هالشهر ايدي على قلبي وانتظر تاريخ 13 بفارغ الصبر :D بعدين انتي بنتج ماشالله على الاقل كبيرة مب نفس حالتي .. بس انا ما بسبق الاحداث ان شاء الله ما اطلع حامل ..

الله يسلمج اللوم يطلع على الحرمة .. انا مااتكلم في حالة انها مسكينه ما تقدر تستعمل شي لا .. الومها لما يكون اتفاق بينها وبين زوجها يكون المنع طبيعي يعني الاثنين متفقين.. وتتساهل بالموضوع ولا تذكر زوجها فيه ولا تكون حاسمة هههههه يعني تنسى نفسها..

يعني هو فرضاً رافض كل الموانع وقالج نمنع طبيعي ورضختي لرغبته غصب عنه خلاص خلج قوية وصارمة في هالقرار وخليه هو يتحمل النتيجة شدة الاعصاب والتشتت لين بروحه يمل ويقولج بس فكيني سوي المانع الي تبينه :D لأنه في ازواج وايد يعارضون الموانع الاخرى..

فهمتي علي ..:tongue: وما اقولج الازواج غير ملاميين امبلى بعد ملاميين في حالة انهم دقوا الصدر وقالوا افا عليج نحن نروم نسيطر على الوضع ومناك خرررررررطي هههههههه ينسون انفسهم هذيل يبالهم ضرب

اختي فاطمة الله يتمم عليج يارب .. اهم شي النفسية لو انتي فرحتي بهالحمل ترا خلاص امورج طيبه ان شاء الله عكس لما تكونين زعلانه انج ما ارتحتي .. غير تلويم الناس الي حولج هذا بروحه له عامل نفسي كبير

ضحكتيني بآخر الليل يا عسل يبالهم ضرب

خخخخخ

يا ريت الحرمه تقدر خخخخخخخخخ

والله اتفق معاج بقوة عيون يبالهم ضرب بقوة بعد خخخخخخخ حدي منقهرة عليهم

بس الي صار لهم هالشي .. حملتي وعمر طفلج اشكثر ؟




ياترى كيف حالتج النفسية كانت .. ؟

استغفر الله العظيم ، والحمد لله رب العالمين

استقبلت النتيجة بالصيااح والاكتئاب

واللي زيدني ان زوجي ماكان يبغي بعد ،، وكان مضاايق كثييير من سالفة حملي والجهال صغار ..


خبرتي حد على طول والا استحيتي واتريتي ؟

قلبتي المواجع عيوون ههههههههههههههههه

اني بعد حملت على ولدي وعمره 9 شهور

الحين عمره سنه واني في الشهر الثالث

انصدمت يوم أخرتني الدورة وسويت تست وطلعت حامل

وتعبت نفسيتي عددددل

وتميت كلا أصييييح وفكرت اطيحه

بس زوجي مارضى وزفني وقالي ليي حراااااااااام

وفي البدايه ماخبرت أحد لاني ماني راضيه على هالحمل

وكنت أشتغل وفنشت وراحت مرت خالي يوم من الايام تسأل عني في الشغل وقالوا ليها اني فنشت لاني حااامل

وفضحتني وقااالت للكل هههههههههههههههههههههههه

والحين الكل يدري

بس صدق الحييين أؤمنت انه يصير حمل بالغلط

ذكرتيني باللذي مضى

هههههههههه


بس الي صار لهم هالشي .. حملتي وعمر طفلج اشكثر ؟







ياترى كيف حالتج النفسية كانت .. ؟

استقبلت النتيجة بالصيااح والاكتئاب

واللي زيدني ان زوجي ماكان يبغي بعد ،، وكان مضاايق كثييير من سالفة حملي

نفسي بالضبط وتعبت نفسيتي جدا لمده 4 شهور تقريبا
وحالتي حاله كل ليله ماانام إلا بدموعي انقطعت عن النت وعن العالم كله
حاولت اني انزله استغفر الله
وصرت كل امشي - مااحاسب اشيل شيء ثقيل- احمل بنتي -انام على بطني- ماشربت لا حبوب ولاشيء طوال اول 4 شهور- لمت زوجي وصرت مااكلمه واعتبرته السبب- و صرت بحالة عصبيه شديده جدا - خسرت روحة الحج وهذي اهم شيء

بالمختصر تأزمت وكبرت الموضوع اكثر من اللازم مع ان بنتي ولله الحمد تعتبر كبيره

وعلى موعد الولاده ان شاء الله بيكون عمرها سنتين ونصف يعني سن مناسب ومعقول


خبرتي حد على طول والا استحيتي واتريتي ؟

الله المستعان

الله يستر انا هالشهر خايفه موت

اقول لكم على شيء...الموضوع إستفزّني و قلت لازم أرد...

عن نفسي لا أؤمن بشيء إسمه حملت بالغلط !

كيف يعني بالغلط !

الحمل يعني إلتقاء بويضه بحيوان منوي...مين فيهم اللي غلط ؟

زوج و زوجه...تم بينهم لقاء...بدون استخدام مانع...أكرّر بدون استخدام مانع...و صار حمل...سواء قبل الدورة بيومين...واللا بعدها بيومين...الله أعلم متى التبويض كان...

غلط مين إذا ؟

أصلا هذه الكلمه أحسها إعتراض على أمر الله و قضائه..

الحالة الوحيده اللي أفهمها...هي إنه واحدة مركبه لولب...و تحمل عليه...أو واحدة تاخذ حبوب منع حمل...و حملت عليها...

مع إنه بنات ياخذوا حبوب منع الحمل...الخاصه بالرضاعه...و تظل عليها سنتين ! و هي وقفت الرضاعه من زماااان...و تيجي تقول حملت !!!!

حتى اللي يستعملوا الواقي الذكري...عليه تعليمات كيف الطريقه الأمان لإستعماله...و في منه أنواع Extra Safe...يعني مستحيل تنشق و تنقطع...مش أروح أجيب أنواع النكهات و الأنواع الرقيقه...و اقول : أنا أستعمل مانع !

وجهة نظري...اللي عايزه تمنع الحمل فعلا بصوره نهائية...بدون شك تقدر تمنع بالإستعانه بالله تعالى...و بالأخذ بالأسباب...أكرّر...الأخذ بالأسباب...

اللي تترك نفسها...مرة تمنع و مرة لا... و مرة تقول نسيت و مرة تقول ما أخذت بالي...هي اللي تتوقّع ( تحمل بالغلط ) على قولتكم...مع إعتراضي على هذه الجمله...

الله يرزق الجميع من فضله يا رب...و اللي كاتبه ربنا بيصير

يا هلا بام مريم

كله و لا زعلت يا مراقبتنا

فعلا كلمه غلط أساسا كلمه مو لطيفه حتى لو شو الحمل هو قدر الله و قدر الله لا يمكن يكون غلط بس تعقيبا على كلامك

انتي قلتي انه حتى اللي يستعملوا الواقي الذكري...عليه تعليمات كيف الطريقه الأمان لإستعماله...و في منه أنواع Extra Safe...يعني مستحيل تنشق

طيب و اللي يتخدموا هذا و صار فيه انفلات او أي شي ، كمان هم غلطانين و عليهم الذنب ؟؟

و شو اقتراحك غاليتنا علشان نستبدل كلمة غلط بكلمه أفضل لأنه اتقف معك انه الكلمه مو مناسبه و لكنها درج استخدامها بين الناس

بدل ما نقول حملت بالغلط...

نقول حملت بدون تخطيط منّي

شاء ربنا و حملت بدون ما أخطّط لهذا الشيء

الله بعث لي هديه مفاجأة بدون ما أعرف


لكن مش بالغلط...


بالنسبة للواقي الذكري...في أنواع غاليه مثل Durex...نوع إسمه Extra Safe...هذا مخصوص للي مش عايزين يحملوا...لأنه يضعف الحيوينات المنويه اللي تدخله...يعني حتى لو إنشق...الحيوان المنوي ما بيقدر يلقّح البويضه...و مثل ما قلتي أم ميرنا من قبل...يتم إستعامله من أول اللقاء...مش لما أتذكر...

ماشاء الله عليكم اغلب الحالات عيالكم كانوا فيها كبار .. يعني ليش هالكثر متلومين ..

يعني مثلاً حبي الغالي عمر ولدج 9 شهور معقول شوي بالنسبة للي تحمل في الاربعين او نفس الاخت بسمة اطفالي ههههه مرتين ماشاء الله عليها..

اما انتي يا ام جود صراحة دلوعة ههههه ماشاء الله بنتج مب صغييره والعمر مناسب ماكان يحتاج تزعلين هالكثر .. بس يمكن سبحان الله هالشي مرتبط مع النفسية يعني لو مخططة للحمل بتفرحين له اما لو مش مستعدة نفسياً بتحسين انه شي مش في وقته مع انه الله يكتب لنا الخير ..

مرموم حبيبتي كله ولا تزعلين .. قصدي بكلمة (بالغلط) تعليق على الحريم الي يقولون هالشي وقت الحمل لما عيالهم صغار .. هو اكيييييد سوء تخطيط وتنظيم مثل ما ذكرت في البداية .. بس الي تقول فترة امان وحملت فيها وغيرها.. بس ما نقصد انه بالغلط لاعتراض استغفر الله .. لا بس انه وقت غلط هم مش حاسبين حسابه..

واكيد انواع المنع متعددة .. بس ترا مثل ما ذكرت في البداية لريم .. لما الرجل يقول انا قدها واقدر ومن هنااااك في لحظة مش محسوب لها ابد.. يقول عادي شو فيها مرة وحدة ما بتحملين منها .. هااااا الي يقهر ..

ريم لا تخافين حيببتي بنتج ماشاء الله كبيرة عادي .. خليني انا الي خايفة هههههه

السلام عليكم..

انا بقولكم .. اولاً و الحمدلله ما اسميه حمل بالغلط.. بس ما كنت متوقعه أحمل بهالسرعه..
ليش انه كنت توني عروس و ما كملت شهر من زواجي إلا و انا حامل .. الحمدلله الحمدلله الحمدلله

و عن نفسي كنت ابي انتظر على الأقل 6 شهور .. وفي اللي قال استعجلتوا وفي اللي فرح لنا.. في النهايه هي إرادة رب العالمين.. و انا اعتبرها هديه والحمدلله

بصراحه كنت مو مستوعبه الوضع بنفس الوقت فرحانه و زوجي بعد كان فرحان كثييير

ربي يثبت لي حملي و لكل الحوامل.. و يرزق كل محروم الذريه الصالحه عاجلاً غير آجل

طبعا انا ما أؤمن بشي اسمه بالغلط احسه سوء تخطيط وتنظيم .. والوم الزوجة فيه قبل الزوج .. ولو صار لي هالشي بعد بكون انا الملامة :(


هلا بعيون انا كنت مثلك اقول انه ماكو شي اسمه بالغلط و الله عاقبني يعني احنا نستخدم العزل و الكوندوم و صار حمل سبحان الله


بس الي صار لهم هالشي .. حملتي وعمر طفلج اشكثر ؟

عموري عمره كان سنة و شهرين
ياترى كيف حالتج النفسية كانت .. ؟


كانت حالتي النفسية زففففففففت و بغيت انزله مو عشان شي بس ما ابي اقصر مع عيالي بشي
خبرتي حد على طول والا استحيتي واتريتي ؟

لا بنفس اللحظة خبرت زوجي و اتصلت على امي و اختي و انا منهارة


بس الحين بعدني خايفة بس بنفس الوقت فرحانة لان اشوف عموري يموت بالاطفال و الله كريم

شكرا لك على الموضوع الحلو

شمس الضحى.. الله يتمم لج على خير يارب ...

بس ماعليه حالتج وايد اهون ماشاء الله .. وترا الحمل في بداية الزواج يخلي الوحدة فرحانه حتى لو تبا التأجيل .. والزوج يطيير بها اكثر ..

ام عمار .. الله يهديج بس ههههههه صح ولدج مب كبير وايد بس بعد فرق جلو بيكون من بينهم .. ما يحتاي تزعلين هالكثر .. الحين خلاص لازم تهيأيين نفسج عدل وصدقيني من تجربتي احس انه اول طفلين لازم ما يكون بينهم فرق اكثر من سنتين .. لأني عانييت مع مصبح حرام يتمون بروحهم فترة 3 سنين من دون اخوة احسهم حرام يكسرون الخاطر .. بعدين حلو انه الواحد يباعد من بينهم

انا بنتي عمرها 3 اشهر
وهالشهر ماستخدمت اي موانع لاان زوجي بديرة وانا بديرة ,, ولكن جاء زوجي وصار اللي صار ..
وماجتني الدورة وخفت كثير وسويت تحليل حمل والحمدلله طلع مافيه حمل ,, بس لو تنزل الدورة واتطمن ..

الله يكتب لي وللجميع الخير ياررررررب

حملت على ابني وكان عمره سنتين و كنت ما اتمنى احمل في هالو قت

طبعا زعلت وصحت وما اعترفت بحملي ولا قلت الى احد

في الشهر الرابع كان نهايته والكل يقول حامل واني اقول لا وحتى داخل نفسي شيء يقولي مو حامل

المهم تعبت ونزل دمي من قل الاهتمام قلت الى الدكتوره اني مو حامل قالت لازم تحليل عملت التحليل النتيجه كانت اني حامل قلت اليها لا مو حامل سمعت النبض وقالت وهذا ويش اصريت باني مو حامل

قالت ما اخليك تطلعي الا انتي مقتنعه انتي بتدخلي الشهر الخامس بعد ايام قالت ما الينا الا السونار

عملت السونار تقولي مصدقه انك حامل قلت لها لا اخر شيء قالت حامل اقتنعتي او لا والي في بطنك بنت


من قالت بنت انجنيت فرحت وقعدت اضحك قالت واخيرا صدقتي قلت اليها ايه لاني اموت على البنات

وعلى طول رحت الى اهلي وخبرتهم قالو حنا نعلم انك حامل شكلك باين لكن انتي ما اعترفتي

والحمد لله على كل حال وبعدين جلست عليها سبع سنوات وجبت عليها بنت والحين بنتي بتكمل اربع سنوات وناويه قريب احمل


لان التاخير واجد مو زين ابد فرق بين الكبيره والصغيره ومافيه انسجام ابد