لحقوني ؟؟؟ أبي فكرة جديدة

إيش قصدك مانع أبو 4 شهور مافهمت:eek:

:o فشلتوني مانع بو 4 شهور اقصد اني ابي الحفلة داخل البيت وبدون بالونات عشان ما يتخرع و حاجة سريعة تعرفين الأطفال في هذي السن يقومون كم مرة بالليل يعني ما ابيه يخرب علينا :up:

الله يديم عليكم السعاده إن شاء الله .

خلي مانع عند اهلك و جهزي عشاء خطير و خلي الاضاءه خافته ( غير مباشره) وولعي شموع و حطي زيت عطري في الفواحه و اهم شي انت تزيني وصيري عروس .:up:

هلا اختى الكريمه انا عندى تعقيب على كلامج اختى الكريمه احنا فى الاسلام ما عندنا عيد زواج او عيد ميلاد لانه هاذى من عادات النصارى احنا المسلمين للاسف اخذناها منهم احنا ما عدنا الا عيدين انتى عارفه ها الشى اتمنى تتقبلينها بصدر الرحب


اختج بنت بو خليفه

هلا حبيبتي

أنا مع الأخت lamaara خلي مانع مع أهلك ((هي بس كم ساعة))

وجهزي لريلج الأكل الي يحبه وممكن تستأجرين جهاز ليزر من استيديو المناعي وتركزينه على مكان جلوسكم وتشغلين موسيقى هادية ورومنسية وممكن تكون موسيقى تايتنك وتستعرضين معاه ذكريات الخطوبة وممكن يكون ذلك بالصور ولا تنسين أنج تصورين وأنصحج باستيديو المجال ((أكيد أنتي جربتيه)) وممكن بعدين تروحين بيت أهلج وتاخذين ولدج وتبيتون في فندق

أوه نسيت أقول لج أنج لازم تحطين ورود وبخور في مكان جلوسكم والأفضل أنه يكون في حديقة البيت وممكن تحطين على جنبكم قفص فيه زوجين من العصافير وممكن يكون لون القفص ذهبي اذا ما في قفص بهذا اللون ممكن أنتي تستخدمين رش علشان تصبغينه

وأتمنى لج سنة زوجية جديدة حلوة ومليئة بالفرح في القفص الذهبي

باييييييييييييييييي

ليش با اخوات تكسرو من مجاديفها ومن قال انه أحنا المسلمين ما عندنا اعياد وأحتفالات أي شي يدخل السعادة بقلب الوالدين والزوجين والولاد مو حرام مهما كان طريقة أحتفالك به بس بحدود الأدب


أختي ما فيها شي تحتفلي أنتي وزوجك روحو على مطعم راقي أو جهزي عشاء رومنسي على ضوء الشموع واحسن لك جيبي من المطعم هذاك اليوم بدل ما تطبخي وتنفخي ويحمر وجهك وتعشو بالبيت إذا زوجك ما يحب ياكل برا لبسي ملابس نوم حلوه هذيك اليوم روحي الصالون تعدلي وتحني وسوي تسريحه يعني خلي نفسك عروس من اول وجديد


ولك مني عيد زواج سعيد:up: